Ravanasura: ఓటీటీలో ల్యాండింగ్‌కు రెడీ అయిన రావణాసుర.. ఎప్పుడంటే?

మాస్ రాజా రవితేజ నటించిన ‘రావణాసుర’ చిత్రం ఇటీవల బాక్సాఫీస్ వద్ద రిలీజ్ అయ్యి యావరేజ్ టాక్ దక్కించుకుంది. ఇప్పుడు ఓటీటీలో స్ట్రీమింగ్ కు రెడీ అయ్యింది.

Raviteja Ravanasura To Stream On OTT From This Time

Ravanasura: మాస్ రాజా రవితేజ నటించిన లేటెస్ట్ మూవీ ‘రావణాసుర’ ఇటీవల రిలీజ్ అయ్యి బాక్సాఫీస్ వద్ద మిక్సిడ్ టాక్‌ను సొంతం చేసుకుంది. ఈ సినిమాను దర్శకుడు సుధీర్ వర్మ తెరకెక్కించిన తీరు ప్రేక్షకులను ఆకట్టుకోవడంలో అనుకున్న స్థాయిలో విజయాన్ని అందుకోలేకపోయింది. ఇక ఈ సినిమాలో నెగెటివ్ షేడ్స్ ఉన్న పాత్రలో రవితేజ కనిపించడంతో ప్రేక్షకులు అవాక్కయ్యారు.

Ravanasura Movie: రావణాసుర ఫస్ట్‌డే వరల్డ్‌వైడ్ కలెక్షన్స్.. ఎంతో తెలుసా?

కథ పరంగా మంచి కంటెంట్‌తో వచ్చినప్పటికీ రావణాసుర చిత్రానికి ప్రేక్షకులు కనెక్ట్ కాలేకపోయారు. దీంతో ఈ సినిమా థియేట్రికల్ రన్‌లో ఫ్లాప్ మూవీగా నిలవనుంది. ఈ సినిమాపై రవితేజ మంచి అంచనాలు పెట్టుకున్నా, ప్రేక్షకులు మాత్రం ఈ సినిమాకు నెగెటివ్ రిజల్ట్‌ను కట్టబెట్టారు. ఇక ఈసినిమా ఇప్పుడు ఓటీటీలో స్ట్రీమింగ్‌కు రెడీ అవుతోంది. ప్రముఖ ఓటీటీ ప్లాట్‌ఫాం అమెజాన్ ప్రైమ్ ఈ చిత్ర డిజిటల్ రైట్స్‌ను సొంతం చేసుకుంది. ఈ సినిమాను మే ఫస్ట్ వీక్‌లో ఓటీటీలో స్ట్రీమింగ్ చేసేందుకు మేకర్స్ రెడీ అవుతున్నారు. ఈ సినిమా థియేటర్లలో ఏప్రిల్ 7న రిలీజ్ కాగా, కేవలం నెలలోపే ఈ సినిమాను ఓటీటీలో స్ట్రీమింగ్ చేయనుండటంతో ఈ చిత్రానికి ఓటీటీలో ఎలాంటి రిజల్ట్ వస్తుందా అని అందరూ ఆసక్తిగా చూస్తున్నారు.

Ravanasura : రావణాసుర ట్విట్టర్ రివ్యూ.. అభిమానులు, ప్రేక్షకులు ఏమంటున్నారు?

ఇక ఈ సినిమాలో ఫరియా అబ్దుల్లా, మేఘ ఆకాశ్, పూజిత పొన్నాడ, అను ఇమ్మాన్యుయెల్, దక్ష నాగర్కర్ ఇతర ముఖ్య పాత్రల్లో నటించగా.. హీరో సుశాంత్ ఈ సినిమాలో ఓ కీలక పాత్రలో నటించాడు. ఈ చిత్రానికి హర్షవర్ధన్ రామేశ్వర్, భీమ్స్ సిసిరోలియో సంగీతాన్ని అందించారు. మరి ఈ సినిమాను ఓటీటీలో ఎప్పుడు స్ట్రీమింగ్ చేయనున్నారనే విషయంపై అఫీషియల్ అనౌన్స్‌మెంట్ రావాల్సి ఉంది.