Maa Nanna Super Hero Trailer : సుదీర్ బాబు ‘మా నాన్న సూపర్ హీరో’ ట్రైలర్ వ‌చ్చేసింది..
సుధీర్‌ బాబు హీరోగా న‌టిస్తున్న చిత్రం ‘మా నాన్న సూపర్ హీరో’.
- Published By: 10TV Digital Team ,Published On : October 5, 2024 / 05:08 PM IST
Sudheer Babu Maa Nanna Super Hero Trailer out now
సుధీర్‌ బాబు హీరోగా న‌టిస్తున్న చిత్రం ‘మా నాన్న సూపర్ హీరో’. అభిలాష్‌ రెడ్డి కంకర దర్శకత్వంలో ఈ సినిమా తెర‌కెక్కుతోంది. ఆర్ణ కథానాయిక. సాయాజీ షిండే, ఆమ‌ని, హ‌ర్షిత్ రెడ్డి త‌దిత‌రులు కీలక పాత్ర పోషిస్తున్నారు. వీ సెల్యూలాయిడ్స్‌, క్యామ్ ఎంటర్టైన్మెంట్స్ బ్యానర్ పై సునీల్ బలుసు ఈ చిత్రాన్ని నిర్మిస్తున్నారు. అక్టోబ‌ర్ 11 ఈ చిత్రం ప్రేక్ష‌కుల ముందుకు రానుంది. ఈ నేప‌థ్యంలో చిత్ర బృందం ప్ర‌మోష‌న‌ల్ కార్య‌క్ర‌మాల్లో వేగం పెంచింది.
అందులో భాగంగా ఈ చిత్ర ట్రైల‌ర్‌ను విడుద‌ల చేశారు. సూపర్ స్టార్ మ‌హేశ్ బాబు చేతుల మీదుగా ట్రైలర్ ను రిలీజ్ చేశారు. ఒక‌ప్పుడు ఈ డ‌బ్బు అవ‌స‌ర‌మే నా కొడుకును దూరం చేసింది.. దాని విలువ పాతిక సంవ‌త్స‌రాలు అనే డైలాగ్‌తో ట్రైలర్ ప్రారంభ‌మైంది. నాన్న సెంటిమెంట్‌తో సినిమా ఉండ‌నున్న‌ట్లుగా ట్రైల‌ర్‌ను బ‌ట్టి అర్థ‌మ‌వుతోంది. మొత్తంగా ట్రైలర్ ఆక‌ట్టుకుంటోంది.
Khadgam Movie : 22 ఏళ్ళ తర్వాత ఖడ్గం రీ రిలీజ్.. శ్రీకాంత్ ఏమన్నాడంటే..
