Mizoram : మిజోరంలో కూలిన నిర్మాణంలో ఉన్న రైల్వే వంతెన.. 17 మంది మృతి.. ఎక్స్ గ్రేషియా ప్రకటించిన ప్రధాని
మిజోరంలో నిర్మాణంలో ఉన్న ఓ రైల్వే బ్రిడ్జి కూలిపోవడంతో విషాదం చోటు చేసుకుంది. ఈ దుర్ఘటనలో 17 మంది కార్మికులు చనిపోయినట్లు తెలుస్తోంది. చాలామంది ఆచూకీ తెలియకపోవడంతో ఆందోళన వ్యక్తం అవుతోంది. వంతెన వద్ద రెస్క్యూ ఆపరేషన్ కొనసాగుతోంది. ఈ ఘటనపై ప్రధాని మోడీ స్పందించారు.
- Published By: 10TV Digital Team ,Published On : August 23, 2023 / 01:44 PM IST
Mizoram
Mizoram : మిజోరంలో నిర్మాణంలో ఉన్న ఓ రైల్వే వంతెన కూలిపోవడంతో 17 మంది మృతి చెందారు. పలువురు కార్మికులు బ్రిడ్జి శిథిలాల క్రింద చిక్కుపోయినట్లు ఆందోళన వ్యక్తం అవుతోంది. ఈ ఘటనపై స్పందించిన ప్రధాని నరేంద్రమోడి ఎక్స్ గ్రేషియా ప్రకటించారు.
Road Accident : లద్దాఖ్ లో ఘోర ప్రమాదం.. లోయలో పడిపోయిన ఆర్మీ వాహనం, 9 మంది సైనికులు మృతి
మిజోరంలోని ఐజ్వాల్‌కు 20 కిలోమీటర్ల దూరంలో ఉన్న సాయిరాంగ్ ప్రాంతంలో రైల్వే వంతెన నిర్మాణం జరుగుతోంది. నిర్మాణంలో ఉన్న ఈ వంతెన అకస్మాత్తుగా కూలిపోవడంతో 15 మంది కార్మికులు చనిపోయారు. చాలామంది వంతెన శిథిలాల క్రింద చిక్కుకుపోయినట్లు ఆందోళన వ్యక్తం అవుతోంది. ఉదయం 10 గంటల ప్రాంతంలో ఈ ప్రమాదం జరిగినపుడు 35 నుంచి 40 మంది కార్మికులు పనిలో ఉన్నట్లు పోలీసులు చెబుతున్నారు. శిథిలాల నుండి 17 మృతదేహాలను వెలికితీశామని.. ఇంకా చాలామంది ఆచూకీ తెలియాల్సి ఉందని వారు పేర్కొన్నారు.
ఈ దుర్ఘటనపై మిజోరం సీఎం జోరంతంగ స్పందించారు. మృతుల కుటుంబాలకు ప్రగాఢ సానుభూతి వ్యక్తం చేశారు. గాయపడిన వారు త్వరగా కోలుకోవాలని ఆకాంక్షించారు. తన ట్విట్టర్ అకౌంట్ లో (@ZoramthangaCM) ‘ఐజ్వాల్ సమీపంలోని సాయిరాంగ్ వద్ద నిర్మాణంలో ఉన్న రైల్వే ఓవర్ బ్రిడ్జి ఈరోజు కూలిపోయింది.. ఈ ఘటనలో 17 మంది కార్మికులు మరణించారు. రెస్క్యూ ఆపరేషన్ కొనసాగుతోంది. ఈ ఘటనపై చనిపోయిన వారి కుటుంబాలకు నా ప్రగాఢ సానుభూతిని వ్యక్తం చేస్తున్నాను. గాయపడిన వారు త్వరగా కోలుకోవాలని కోరుకుంటున్నాను. రెస్క్యూ ఆపరేషన్‌లో సహాయపడటానికి పెద్ద సంఖ్యలో వచ్చిన ప్రజలకు నా కృతజ్ఞతలు’ అంటూ ట్వీట్ చేశారు.
DRDO Drone: పొలాల్లో కుప్పకూలిన డీఆర్‌డీవో డ్రోన్.. భయాందోళనకు గురైన స్థానికులు
ఈ ఘటనపై ప్రధాని నరేంద్ర మోడీ తీవ్ర దిగ్భ్రాంతి వ్యక్తం చేశారు. మరణించిన వారిక కుటుంబాలకు PMNRF నుండి రూ.2 లక్షల రూపాయలు ఎక్స్ గ్రేషియా ప్రకటించారు. క్షతగాత్రులకు రూ.50,000 లు అందజేయనున్నారు. ఈ మేరకు PMO నుంచి ట్విట్టర్లో విడుదల చేశారు. మరోవైపు కూలిన వంతెన వద్ద సహాయక చర్యలు ముమ్మరంగా కొనసాగుతున్నాయి.
Under construction railway over bridge at Sairang, near Aizawl collapsed today; atleast 17 workers died: Rescue under progress.
Deeply saddened and affected by this tragedy. I extend my deepest condolences to all the bereaved families and wishing a speedy recovery to the… pic.twitter.com/IbmjtHSPT7
— Zoramthanga (@ZoramthangaCM) August 23, 2023
Pained by the bridge mishap in Mizoram. Condolences to those who have lost their loved ones. May the injured recover soon. Rescue operations are underway and all possible assistance is being given to those affected.
An ex-gratia of Rs. 2 lakh from PMNRF would be given to the…
— PMO India (@PMOIndia) August 23, 2023
