Sukhbir Badal: శిరోమణి అకాలీదళ్ అధ్యక్షుడు సుఖ్‌బీర్ సింగ్ బాదల్‌పై హత్యాయత్నం
సుఖ్‌బీర్ సింగ్ బాదల్ స్వర్ణ దేవాలయ ప్రవేశద్వారం వద్ద వీల్‌చైర్‌పై కూర్చున్నారు. బాదల్ వద్దకు వచ్చిన ఓ వ్యక్తి ఆయనపై కాల్పులు జరపబోయాడు.
- Published By: 10TV Digital Team ,Published On : December 4, 2024 / 10:57 AM IST
పంజాబ్‌లోని అమృత్‌సర్ స్వర్ణ దేవాలయంలో కాల్పుల కలకలం చెలరేగింది. శిరోమణి అకాలీదళ్ పార్టీ నేతలు, ఆ పార్టీ చీఫ్, మాజీ ఉప మంత్రి సుఖ్‌బీర్ సింగ్ బాదల్‌పై స్వర్ణ దేవాలయం వద్ద ఉన్న సమయంలో ఓ వ్యక్తి తుపాకీతో వచ్చి కాల్పులు జరిపాడు.
సుఖ్‌బీర్ సింగ్ బాదల్ లక్ష్యంగా అతడు కాల్పులు జరపబోగా, కొందరు నిందితుడిని అడ్డుకున్నారు. తుపాకీలో నుంచి గాల్లోకి బుల్లెట్లు దూసుకొచ్చాయి. ఈ ఘటనలో ఎవరికీ గాయాలు కాలేదు. సుఖ్‌బీర్ సింగ్ బాదల్ సేవాదార్‌గా శిక్ష అనుభవిస్తున్న సమయంలో ఈ ఘటన చోటుచేసుకుంది.
శిక్షలో భాగంగా సుఖ్‌బీర్ సింగ్ బాదల్ స్వర్ణ దేవాలయ ప్రవేశద్వారం వద్ద వీల్‌చైర్‌పై కూర్చున్నారు. బాదల్ వద్దకు వచ్చిన ఓ వ్యక్తి ఆయనపై కాల్పులు జరపబోయాడు. అతడిని బాదల్ అనుచరులు అడ్డుకున్నారు. ఆ తర్వాత భద్రతా సిబ్బంది నిందితుడిని పట్టుకుని పోలీసులకు అప్పగించారు. ఈ ఘటనలో ఎవరికీ గాయాలు కాలేదు. నిందితుడు గతంలో బబ్బర్‌ ఖల్సా ఇంటర్నేషనల్‌ ముఠాలో కొనసాగినట్లు తెలుస్తోంది.
#WATCH | Punjab: Bullets fired at Golden Temple premises in Amritsar where SAD leaders, including party chief Sukhbir Singh Badal, are offering ‘seva’ under the religious punishments pronounced for them by Sri Akal Takht Sahib, on 2nd December.
Details awaited. pic.twitter.com/CFQaoiqLkx
— ANI (@ANI) December 4, 2024
తెలుగు రాష్ట్రాల్లో స్వల్ప భూప్రకంపనలు.. ఇళ్ల నుంచి బయటకు పరుగులు తీసిన జనం
