PM Modi : VIP సంస్కృతి నుంచి EPI దిశగా భారత్

సోమవారం భోపాల్ పర్యటనలో భాగంగా పునరాభివృద్ధి చేసిన రాణి కమలాపతి రైల్వే స్టేషన్‌ను ప్రధాని మోదీ ప్రారంభించారు. భోపాల్‌లోని రాణి కమలాపతి రైల్వే స్టేషన్ ప్రారంభోత్సవంలో గవర్నర్

Pm Modi

సోమవారం భోపాల్ పర్యటనలో భాగంగా పునరాభివృద్ధి చేసిన రాణి కమలాపతి రైల్వే స్టేషన్‌ను ప్రధాని మోదీ ప్రారంభించారు. భోపాల్‌లోని రాణి కమలాపతి రైల్వే స్టేషన్ ప్రారంభోత్సవంలో గవర్నర్ మంగూభాయ్ పటేల్, రైల్వే మంత్రి అశ్విని వైష్ణవ్, సీఎం శివరాజ్ సింగ్ చౌహాన్ కూడా పాల్గొన్నారు.

ఈ సందర్భంగా మోదీ మాట్లాడుతూ.. “రైల్వే స్టేషన్ పేరును రాణి కమలాపతో అనుసంధానం చేయడంతో ప్రాముఖ్యత పెరిగింది. ఈ చారిత్రాత్మక రైల్వే స్టేషన్‌ను తిరిగి అభివృద్ధి చేయడమే కాకుండా, గిన్నోర్‌గఢ్‌కు చెందిన రాణి కమలపాటి పేరును ఈ స్టేషన్‌కు లింక్ చేయడంతో దీని ప్రాముఖ్యత పెరిగింది. రైల్వేస్ ప్రైడ్ ఇప్పుడు గోండ్వానా ప్రైడ్ తో ముడిపడి ఉంది. ఆరేళ్ల కిందట రైల్వేస్ గురించి మాట్లాడేటప్పుడు రద్దీగా ఉండే స్టేషన్‌లు, అపరిశుభ్రత, రైళ్ల కోసం వేచి ఉన్న సమయంలో గంటల తరబడి టెన్షన్, సీటింగ్-తినే సౌకర్యాల అసౌకర్యం, రైళ్ల లోపల అపరిశుభ్రత, సేఫ్టీ టెన్షన్ గుర్తుకు వచ్చేవి.

పరిస్థితిలో మార్పు వస్తుందనే ఆశను ప్రజలు కోల్పోయారు. వారు దానితో శాంతించారు. కానీ పరిష్కరాల సాకారం కోసం దేశం కనెక్ట్ అయినప్పుడు మార్పులు ఖచ్చితంగా వస్తాయి. అప్పుడు మార్పులు ఖచ్చితంగా జరుగుతాయి. ఇది గత కొన్నేళ్లుగా చూస్తున్నాం. ఇటువంటి మౌలిక సదుపాయాలు, సౌకర్యాలను సాధారణ పన్ను చెల్లింపుదారులు లేదా మధ్యతరగతి ప్రజలు ఎల్లప్పుడూ ఆశించారు. ఇది పన్ను చెల్లింపుదారులకు ఇచ్చే నిజమైన గౌరవం. ఇది VIP సంస్కృతి నుండి EPI (Every Person Important-ప్రతి వ్యక్తి ముఖ్యమైనవారే)కి పరివర్తన మోడల్” అని మోదీ అన్నారు.

కాగా, గోండు రాజ్యం యొక్క ధైర్యవంతురాలైన రాణి కమలాపతి పేరు మీద తిరిగి అభివృద్ధి చేయబడిన రాణి కమలాపతి రైల్వే స్టేషన్.. మధ్యప్రదేశ్‌లోని మొదటి ప్రపంచ స్థాయి రైల్వే స్టేషన్. పబ్లిక్ ప్రైవేట్ పార్టనర్‌షిప్ (PPP) మోడ్‌లో పునర్నిర్మించబడిన ఈ స్టేషన్.. ఆధునిక ప్రపంచ-స్థాయి సౌకర్యాలతో గ్రీన్ బిల్డింగ్‌గా రూపొందించబడింది. ఈ స్టేషన్ ఇంటిగ్రేటెడ్ మల్టీ-మోడల్ రవాణాకు కేంద్రంగా కూడా అభివృద్ధి చేయబడింది.

ఇక, మధ్యప్రదేశ్ లో రైల్వేస్ చేపట్టిన పలు అభివృద్ధి కార్యక్రమాలను కూడా దేశానికి అంకితం చేశారు మోదీ. వీటిలో గేజ్ కన్వర్టెడ్, ఎలక్ట్రిఫైడ్ ఉజ్జయిని-ఫతేహాబాద్ చంద్రావతిగంజ్ బ్రాడ్ గేజ్ సెక్షన్, భోపాల్-బర్ఖెరా సెక్షన్‌లోని మూడవ లైన్, గేజ్ కన్వర్టెడ్, ఎలక్ట్రిఫైడ్ మథెలా-నిమార్ ఖేరీ బ్రాడ్ గేజ్ సెక్షన్, ఎలక్ట్రిఫైడ్ గుణ-గ్వాలియర్ సెక్షన్ ఉన్నాయి. అంతేకాకుండా, ఉజ్జయిని-ఇండోర్.. ఇండోర్-ఉజ్జయిని మధ్య రెండు కొత్త MEMU రైళ్లను కూడా ప్రధాని మోదీ జెండా ఊపి ప్రారంభించారు.

ALSO READ AnIl Deshmukh : ముందు జైలు ఫుడ్ తిను..మాజీ హోంమంత్రి విజ్ణప్తిని తిరస్కరించిన కోర్టు