JP Nadda : మోదీ 3.0 కేబినెట్‌లోకి బీజేపీ చీఫ్ జేపీ నడ్డా?
JP Nadda : నరేంద్ర మోదీ కేబినెట్‌లో బీజేపీ చీఫ్ జేపీ నడ్డా తిరిగి మంత్రిగా చేరే అవకాశం ఉందని పార్టీ వర్గాలు తెలిపాయి. ప్రధాని మోదీతో పాటు 30 మంది మంత్రులు నేడు ప్రమాణం చేయనున్నారు.
- Published By: 10TV Digital Team ,Published On : June 9, 2024 / 05:43 PM IST
JP Nadda : చారిత్రాత్మకంగా మూడోసారి ప్రమాణస్వీకారం చేయనున్న ప్రధాని నరేంద్ర మోదీ కేబినెట్‌లో బీజేపీ చీఫ్ జేపీ నడ్డా తిరిగి మంత్రిగా చేరే అవకాశం ఉందని పార్టీ వర్గాలు తెలిపాయి. ప్రధాని మోదీతో పాటు 30 మంది మంత్రులు నేడు ప్రమాణం చేయనున్నారు.
2014 నుంచి 2019 వరకు పీఎం మోడీ మొదటి క్యాబినెట్‌లో నడ్డా ఆరోగ్య మంత్రిత్వ శాఖకు బాధ్యత వహించారు. 2020లో, అమిత్ షా, కేంద్ర హోం మంత్రి, పార్టీ ముఖ్య వ్యూహకర్త స్థానంలో ఆయన బీజేపీ చీఫ్‌గా బాధ్యతలు చేపట్టారు. సెప్టెంబరు 2022లో పార్టీ ఉన్నత పదవిలో కొనసాగిన నడ్డా పదవీకాలం ముగియడానికి నాలుగు నెలల ముందు పొడిగించారు.
ఈ సంవత్సరం సార్వత్రిక ఎన్నికలు ముగిసే వరకు నడ్డా పదవీకాలం కొనసాగింది. దశాబ్ద కాలంలో బీజేపీకి తొలిసారిగా మెజారిటీ రాకపోవడంతో.. ఈరోజు సాయంత్రం రాష్ట్రపతి భవన్‌లో ప్రమాణస్వీకారం చేయనున్న మంత్రి మండలిలో అనేక మంది ఎన్‌డీఎ మిత్రపక్షాలు కూడా చేరనున్నాయని భావిస్తున్నారు.
అందులో 16 సీట్లు గెలుచుకున్న టీడీపీ అధినేత చంద్రబాబు నాయుడుతో పాటు ఎన్డీయేలో 12 సీట్లు సాధించిన నితీష్ కుమార్ జనతాదళ్ యునైటెడ్‌పై దృష్టిసారిస్తుంది. బీజేపీ సొంతంగా 240 సీట్లు గెలుచుకోగా మెజారిటీకి 32 సీట్లు తక్కువ ఉండటంతో ఎన్డీఏ మిత్రపక్షాల సాకారంతో బీజేపీ అధికారం చేపట్టబోతోంది.
అందిన సమాచారం ప్రకారం.. జేపీ నడ్డాకు కేంద్ర పదవి దాదాపు ఖరారైంది. కేంద్ర మంత్రివర్గంలోకి నడ్డాను తీసుకోవాలని మోదీ నిర్ణయం తీసుకున్నారు. ఈరోజు మోదీతో పాటు నడ్డా కూడా ప్రమాణస్వీకారం చేసే అవకాశం ఉంది. దాంతో ప్రస్తుత బీజేపీ జాతీయ అధ్యక్ష పదవి ఖాళీ కానుంది. ఈ జాతీయ అధ్యక్ష పదవిని బీజేపీ అగ్రనేత, మాజీ కేంద్ర మంత్రి భూపేందర్ యాదవ్‌కు అప్పగించే ఛాన్స్ ఉందని సంబంధిత వర్గాల సమాచారం. ఇప్పటికే, ప్రధాని నివాసంలో జరిగిన సమావేశంలో జేపీ నడ్డా కూడా హాజరయ్యారు.
Read Also : Narendra Modi New Team : మోదీతో పాటు 44 మంది కేంద్ర మంత్రులు ప్రమాణం
