Provident Fund Claim : పీఎఫ్ ఖాతాదారులకు గుడ్‌న్యూస్.. ఇకపై 3 రోజుల్లోనే.. ఇలా అప్లయ్ చేసుకోండి..

ఎంప్లాయిస్ ప్రావిడెంట్ ఫండ్ ఆర్గనైజేషన్(ఈపీఎఫ్ఓ) పీఎఫ్ ఖాతాదారులకు శుభవార్త చెప్పింది. పీఎఫ్ అమౌంట్ విత్ డ్రా విషయంలో

Provident Fund

Provident Fund : ఎంప్లాయిస్ ప్రావిడెంట్ ఫండ్ ఆర్గనైజేషన్(ఈపీఎఫ్ఓ) పీఎఫ్ ఖాతాదారులకు శుభవార్త చెప్పింది. పీఎఫ్ అమౌంట్ విత్ డ్రా విషయంలో కీలక నిర్ణయం తీసుకుంది. పీఎఫ్ ఖాతా నుంచి డబ్బు విత్ డ్రా చేసుకునే వారికి కేవలం మూడు రోజుల్లోనే ఈపీఎఫ్ క్లైమ్ అయ్యేలా మార్పులు చేసింది. ప్రస్తుతం కరోనా పరిస్థితుల్లో పీఎఫ్ విత్ డ్రా చేసుకునేందుకు అనుమతించేలా గతేడాది కేంద్రం కొన్ని మార్పులు చేసింది. కరోనా మహమ్మారి సమయంలో ప్రజలు పడుతున్న ఇబ్బందుల నేపథ్యంలో ఈపీఎఫ్ఓ ఈ సదుపాయాన్ని అందిస్తోంది.

ఆన్‌లైన్‌లో పీఎఫ్ అమౌంట్ విత్ డ్రా చేసుకునే ప్రాసెస్..

* ముందుగా UAN, పాస్ వర్డ్ నంబర్ ఉపయోగించి ఈపీఎఫ్ఓ ఖాతాకు లాగిన్ అవ్వాలి.

* ఆ తర్వాత ఆన్ లైన్ సేవలలో డ్రాప్-డౌన్ మెనులో ఉన్న ‘క్లెయిమ్ (ఫారం -31, 19 & 10 సి)’ ఎంపికను ఎంచుకోవాలి.

* తర్వాత పాన్ కార్డ్, అధార్ కార్డ్, బ్యాంక్ ఖాతా నంబర్‌తో సహా మీ వివరాలను చూపిస్తుంది. మీ బ్యాంక్ ఖాతా నంబర్ చివరి నాలుగు అంకెలను నమోదు చేసి, ధృవీకరించు పై క్లిక్ చేయండి.

* టర్మ్స్ అండ్ కండిషన్స్ పై క్లిక్ చేయాలి. ఆ తర్వాత ఆన్ లైన్ లో కొనసాగింపు ఆప్షన్ పై క్లిక్ చేయాలి.

* పిఎఫ్ అడ్వాన్స్ (ఫారం 31) ఎంచుకోవాలి. అయితే ఇందులో ముందుగానే ఎంచుకోవడానికి గల కారణాన్ని తెలపాలి. కరోనాను ఒక కారణమని తెలిపితే తాత్కాలికంగా విత్ డ్రా చేసుకోవచ్చు.

* తర్వాత మీకు కావాల్సిన అమౌంట్ ఎంటర్ చేసి.. అడ్రస్ ఎంటర్ చేయాలి. అప్పుడు మీకు చెక్ లేదా.. అకౌంట్ వివరాలను అందులో ఎంటర్ చేయాలి. ఆ తర్వాత సబ్మిట్ ఆప్షన్ పై క్లిక్ చేయాలి.

* పీఎఫ్ కు రిజిస్టర్ అయిన మొబైల్ నంబర్ లో ఈపీఎఫ్ ఖాతాకు లింక్ చేయబడిన ఓటీపీ వస్తుంది. దానిని ఎంటర్ చేసిన సబ్మిట్ ఆప్షన్ పై క్లిక్ చేయాలి.

* మీ పీఎఫ్ అమౌంట్ ఈ బ్యాంక్ ఖాతాకు ట్రాన్సఫర్ చేయడానికంటే ముందు మీ ఓనర్ విత్ డ్రా పర్మిషన్ ఉండాలని గుర్తుంచుకోండి.

* అత్యవసర పరిస్థితులలో ఆటో క్లెయిమ్ సెటిల్మెంట్ ప్రాసెస్ ను సెలక్ట్ చేసుకోవాలి. దీంతో మూడు రోజుల్లో డబ్బు ట్రాన్సఫర్ అవుతుంది. ఇందుకోసం దరఖాస్తు చేయడానికి అన్ని కేవైసీ పత్రాలను కలిగి ఉండాలి.