Russo-Ukraine War: భారత్‌పై రష్యా-యుక్రెయిన్ యుద్ధ ప్రభావం.. భారీగా నష్టపోతున్న రంగం ఇదే!
రష్యా, యుక్రెయిన్ యుద్ధ ప్రభావం ప్రపంచ దేశాలతో పాటు భారత్‌పైనా ప్రభావం చూపిస్తోంది.
- Published By: 10TV Digital Team ,Published On : February 28, 2022 / 09:03 PM IST
Banaras
Russo-Ukraine War: రష్యా, యుక్రెయిన్ యుద్ధ ప్రభావం ప్రపంచ దేశాలతో పాటు భారత్‌పైనా ప్రభావం చూపిస్తోంది. భారత్ నుంచి యుక్రెయిన్ సహా చుట్టుపక్కల దేశాలకు ప్రతినెలా కోట్లాది రూపాయల పట్టు వస్త్రాలు ఎగుమతి అవుతున్నాయి.
రష్యా, యుక్రెయిన్ మధ్య యుద్ధం అధ్వాన్నంగా మారిన క్రమంలో పర్యావరణం, పట్టు బట్టల ఎగుమతులపై తీవ్ర ప్రభావం పడింది. యూరోపియన్ యూనియన్ చుట్టుపక్కల దేశాలకు ప్రతి నెలా వారణాసి బనారస్ నుంచి కోట్లాది రూపాయల విలువైన పట్టు వస్తువులు ఎగుమతి అవుతుంటాయి.
అయితే రష్యా యుక్రెయిన్‌తో బలహీనమైన సంబంధాల మధ్య ఆ ఎగుమతిలో గణనీయమైన తగ్గుదల కనిపిస్తోంది. ముఖ్యంగా చేనేత కార్మికులపై తీవ్రమైన ప్రభావం పడింది. ఈ ప్రాంతంలో నేత కార్మికులు చాలా ఎక్కువగా ఉన్నారు. వారు ఈ యుద్ధంలో ఎంతగానో ప్రభావితం అవుతున్నారు. వారి పని మునుపటితో పోలిస్తే పావు వంతు కంటే తగ్గింది. పగలు, రాత్రి తేడా లేకుండా నడిచే యంత్రాలు ఇప్పుడు మూతపడ్డాయి.
రష్యా, యుక్రెయిన్ మధ్య జరుగుతున్న ఈ యుద్ధం ప్రభావం బనారస్ సిల్క్ మార్కెట్‌పై కనిపిస్తోంది. ఈ యుద్ధ పరిస్థితి ఇలాగే కొనసాగితే, బనారస్ నేత కార్మికులు.. ఎగుమతిదారులపై ఈ యుద్ధం ప్రభావం రాబోయే కొన్ని నెలల పాటు ఉంటుంది.
రష్యా, యుక్రెయిన్ మధ్య పరిస్థితులు ఎంత వరకు మెరుగుపడతాయో చూడాలి. ఈ సంక్షోభం ముదిరితే నేత కార్మికుల సమస్యలు మరింత పెరిగే అవకాశం ఉంది.
