Indian temples: భారతదేశంలో పది ప్రముఖ దేవాలయాల్లో అందించే ప్రత్యేకమైన ప్రసాదాలు ఇవే..

దేశంలోని దేవాలయాల్లో సాధారణమైన విషయం ఏమిటంటే స్వామి, అమ్మవార్లకు అందించే ప్రసాదాలు. ఆలయంలో స్వామికి ప్రత్యేక నైవేద్యం ఉంటుంది. ఒక్కో ఆలయంలో ఒక్కో విధంగా భక్తులకు అందజేసే ప్రసాదం ఉంటుంది.

Popular prasads of Indian temples

Popular prasads of Indian temples: భారతదేశం అందమైన దేవాలయాల భూమి. ఇవి కళ, సంస్కృతి, దాతృత్వానికి కేంద్రాలు కూడా. అన్ని దేవాలయాల్లో సాధారణమైన విషయం ఏమిటంటే స్వామి, అమ్మవార్లకు అందించే ప్రసాదాలు. ఆలయంలో స్వామికి ప్రత్యేక నైవేద్యం ఉంటుంది. ఒక్కో ఆలయంలో ఒక్కో విధంగా భక్తులకు అందజేసే ప్రసాదం ఉంటుంది. ఈ క్రమంలో దేశంలోని పది ప్రముఖ ఆలయాల్లో స్వామి, అమ్మవార్ల ప్రసాదాల వివరాలు ఇక్కడ తెలుసుకుందాం.

​Shri Banke Bihari, Vrindavan

బాంకే బిహారీ ఆలయం ..
బాంకే బిహారీ దేవాలయం భారతదేశంలోని ఉత్తర ప్రదేశ్ రాష్ట్రం మధుర జిల్లా బృందావన్ పట్టణంలో ఉన్న ఒక హిందూ దేవాలయం. కృష్ణ భగవానుడికి అంకితం చేయబడిన ఈ ఆలయం స్వచ్ఛమైన ఆవు పాలతో తయారు చేయబడిన మఖన్ మిశ్రీకి ప్రసిద్ధి చెందింది. మఖన్ అంటే వెన్న.. మిశ్రీ అంటే చెక్కెర అని అర్ధం. మఖన్ మిశ్రీ స్థానికులు చేతితో తయారు చేసిన చిన్న మట్టి కుండలో ఉంచుతారు. కచోరీ, ఎండు బంగాళాదుంప కూర మరియు శెనగపిండి లడ్డూలతో కూడిన ‘బాల్ భోగ్’ అని శ్రీకృష్ణునికి సమర్పించే రోజు మొదటి భోగ్ అని చాలా మందికి తెలియదు.

Mata Vaishnao Devi, Katra, Jammu

మాతా వైష్ణో దేవి, కత్రా, జమ్మూ ..
ఇక్కడ మీకు రెండు రకాల ప్రసాదాలు లభిస్తాయి. మొదటిది పంచదార మిఠాయిల చిన్న ప్యాకెట్. దీనిపై దేవతలు, దేవతల ఆకారాలు ముద్రించబడిన ఒక చిన్న వెండి నాణెం ఉంటుంది. ఇక్కడ సాధారణంగా లభించే మరో ప్రసాదం బియ్యం మిశ్రమం, డ్రై యాపిల్, ఎండు కొబ్బరి, యాలకుల మిశ్రమం. పర్యావరణ అనుకూలమైన జ్యూట్ బ్యాగుల్లో వీటిని అందంగా ప్యాక్ చేసి అందజేస్తారు.

Kamakhya Temple, Guwahati

కామాఖ్య దేవాలయం, గౌహతి ..
నివేదికల ప్రకారం.. ఇక్కడ పవిత్ర ప్రసాదం రెండు రూపాల్లో ఉంటుంది. అంగోదక్ (పవిత్ర జలం), అంగవస్త్ర. అవి శరీరంలోని ద్రవ భాగాన్ని సూచిస్తాయి. పవిత్రంగా భావించే నీటి బుగ్గ నుంచి పవిత్ర జలం భక్తులకు ప్రసాదంగా అందజేస్తారు.

Sri Venkateswara Temple, Tirupati

శ్రీ వేంకటేశ్వర దేవాలయం, తిరుపతి..
శ్రీ వారి లడ్డూ అని కూడా పిలువబడే తిరుపతి లడ్డూ వెంకటేశ్వర స్వామికి ప్రసాదంగా సమర్పించబడుతుంది. ఇది కొండ పుణ్యక్షేత్రంలో అందించే అన్ని ప్రసాదాలలో అత్యంత ప్రసిద్ధమైనది. నెయ్యి, పంచదార, నూనె, పిండి, యాలకులు, ఎండు గింజలతో తయారు చేయబడిన ఈ ప్రసాదాన్ని గత 300 సంవత్సరాలుగా దేవుడికి సమర్పిస్తున్నారు. లడ్డూలను ప్రత్యేక పూజారులు తయారు చేస్తారు.

Baidyanath Temple, Deoghar

బైద్యనాథ్ ఆలయం, జార్ఖండ్‌లోని డియోఘర్‌..
ఈ ఆలయం శివునికి అంకితం చేయబడింది. భగవంతుడికి అందించే ప్రసాదం చుడా (చదునైన బియ్యం) మిశ్రం. దియోఘర్ నగరం ఏలకులు, కుంకుమ పువ్వు, డ్రైపూట్స్ తో తయారు చేసిన వివిధ రకాలైన ప్రసాదంకు బాగా ప్రసిద్ధి చెందింది.

Jagannath Temple, Puri

జగన్నాథ దేవాలయం, పూరి ..
ఇక్కడి ప్రసాదం మహాప్రసాదంగా ప్రసిద్ధి చెందింది. ఇది జగన్నాథునికి అర్పించే 56 ఆహార పదార్థాలను కలిగి ఉంటుంది. మహాప్రసాదం రెండు రకాలు. ఒకటి సంకుడి మహాప్రసాద్ అని, మరొకటి సుఖిల మహాప్రసాద్ అని అంటారు. మొదటిది రుచికరమైన వంటకాలను కలిగి ఉంటుంది, రెండవది స్వీట్‌మీట్‌లను మాత్రమే కలిగి ఉంటుంది.

Khabees Baba Temple, Sitapur

ఖబీస్ బాబా ఆలయం, సీతాపూర్ ..
ఈ ఆలయం UP లోని సీతాపూర్ జిల్లాలో ఉంది మరియు ఆసక్తికరంగా ఈ ఆలయంలో దేవత లేదా పూజారి లేరు. పైగా ఇక్కడ ఇచ్చే ప్రసాదం మద్యం. చరిత్రకారుల ప్రకారం, 150 సంవత్సరాల క్రితం ఇక్కడ నివసించిన సాధువుకు మద్యాన్ని నైవేద్యంగా పెడతారు మరియు సాధువుకు మద్యం సమర్పించిన తరువాత, భక్తులు దానిలో కొంత భాగాన్ని ప్రసాదంగా సేకరిస్తారు.

Golden Temple, Amritsar

గోల్డెన్ టెంపుల్, పంజాబ్ లోని అమృత్‌సర్..
ఇక్కడ ప్రసాదాన్ని పిండి, నెయ్యి, పంచదార, నీటితో తయారు చేస్తారు. గోల్డెన్ టెంపుల్ యొక్క ప్రసిద్ద ప్రసాదాన్ని ‘కడ ప్రసాద్’ అంటారు. ఇది కాకుండా.. రోటి, పప్పు, బియ్యం, సబ్జీలతో కూడిన లంగర్ ను కూడా అందిస్తారు. ఇది భక్తులందరికీ నిర్ణీత గంటలలో ఉచితంగా లభిస్తుంది. ఇక్కడ లభించే లంగర్ ప్రసాదానికి దాని సొంత ప్రాముఖ్యత ఉంది. చాలా సరళంగా తయారు చేసిన ఈ పోషకాల ప్రసాదం తినడానికి రుచిగా ఉంటుంది.

Shirdi Saibaba Temple, Maharashtra

షిర్డీ సాయిబాబా ఆలయం, మహారాష్ట్ర..
మహారాష్ట్రలోని షిర్డీలో ఈ సాయిబాబా ఆలయం దేశ విదేశాల్లో చాలా ప్రసిద్ధి చెందింది. ఈ ఆలయాన్ని సందర్శించేందుకు సుదూర ప్రాంతాల నుంచి ప్రజలు ఇక్కడికి వస్తుంటారు. ఇక్కడ ఊదీ ప్రసాదంగా పంపిణీ చేస్తారు. ఇది ఒక రకమైన పవిత్రమైన బూడిద. అలాగే, ఆలయంలో పప్పు, రోటీ, అన్నం, కూరగాయలు, స్వీట్ లతో సహా ఉచిత రుచికరమైన ఆహారం వడ్డిస్తారు.

Kaal Bhairav, Varanasi

కాల భైరవ్, వారణాసి
ఇది వారణాసిలోని పురాతన శివాలయాలలో ఒకటి. ఇక్కడ భక్తులు దేవతకి ద్రాక్షరసాన్ని ప్రసాదంగా అందజేస్తారు. ఇది భారతదేశంలోనే అత్యంత ప్రత్యేకమైన ప్రసాదంలో ఒకటి.