Senior Womens Trophy 2024 : చరిత్ర సృష్టించిన బెంగాల్ జ‌ట్టు..
మహిళల వ‌న్డే క్రికెట్‌లో బెంగాల్ జ‌ట్టు అరుదైన ఘ‌న‌త సాధించింది.
- Published By: 10TV Digital Team ,Published On : December 24, 2024 / 10:34 AM IST
Bengal Team Scripts History With World Record Chase In 50 Over Cricket
మహిళల వ‌న్డే క్రికెట్‌లో బెంగాల్ జ‌ట్టు అరుదైన ఘ‌న‌త సాధించింది. వ‌న్డేల్లో అత్య‌ధిక ల‌క్ష్యాన్ని ఛేదించిన జ‌ట్టుగా బెంగాల్ చరిత్ర సృష్టించింది. సోమ‌వారం రాజ్‌కోట్‌లోని నిరంజ‌న్ షా స్టేడియం గ్రౌండ్ సిలో హ‌ర్యానాతో జ‌రిగిన మ్యాచ్‌లో ఈ ఘ‌న‌త‌ను సాధించింది.
సీనియ‌ర్ మహిళల ట్రోఫీ 2024లో భాగంగా హ‌ర్యానా, బెంగాల్ జ‌ట్ల మ‌ధ్య మ్యాచ్ జ‌రిగింది. ఈ మ్యాచ్‌లో హ‌ర్యానా జ‌ట్టు తొలుత బ్యాటింగ్ చేసింది. నిర్ణీత 50 ఓవ‌ర్ల‌లో 5 వికెట్ల న‌ష్టానికి 389 ప‌రుగులు సాధించింది. హ‌ర్యానా బ్యాట‌ర్ల‌లో ష‌ఫాలీ వ‌ర్మ తృటిలో డ‌బుల్ సెంచ‌రీని కోల్పోయింది. 115 బంతులు ఎదుర్కొన్న ష‌ఫాలీ 22 ఫోర్లు, 11 సిక్స‌ర్ల‌తో 197 ప‌రుగులు సాధించింది. ఈ టోర్న‌మెంట్‌లో ఆమెకు ఇది రెండో సెంచ‌రీ.
IND vs AUS : నాలుగో టెస్టుకు ముందు ఆస్ట్రేలియాకు బ్యాడ్‌న్యూస్‌..! ఆనందంలో భార‌త ఆటగాళ్లు..!
భారీ ల‌క్ష్యాన్ని బెంగాల్ జ‌ట్టు మ‌రో ఐదు బంతులు మిగిలి ఉండ‌గానే అందుకుంది. బెంగాల్ బ్యాట‌ర్ల‌లో త‌నుశ్రీ సర్కార్ (113; 83 బంతుల్లో 20 ఫోర్లు) శ‌త‌కంతో చెల‌రేగింది. ప్రియాంక బాలా (88 నాటౌట్‌), ధారా గుజ్జర్ (69) హాఫ్ సెంచ‌రీల‌తో రాణించారు.
లిస్ట్-ఎ మహిళల క్రికెట్‌లో ఇదే అత్య‌ధిక ల‌క్ష్య ఛేద‌న. గ‌తంలో ఈ రికార్డు నార్తర్న్ డిస్ట్రిక్ట్స్ పేరిట ఉంది. 2019 న్యూజిలాండ్ దేశవాళీ మ్యాచ్‌లో కాంటర్‌బరీపై 309 ల‌క్ష్యాన్ని నార్తర్న్ డిస్ట్రిక్ట్స్ ఛేదించింది. అంతర్జాతీయ మ్యాచుల విష‌యానికి వ‌స్తే.. ద‌క్షిణాఫ్రికా పై శ్రీలంక 305 పరుగుల ల‌క్ష్యాన్ని ఛేదించింది.
🚨 Record Alert!
Bengal have achieved the highest successful run chase in Women’s List A cricket history, chasing down 390 against Haryana in the Quarter Final at the Niranjan Shah Stadium Ground C in Rajkot 💥💥 #SWOneday | @IDFCFIRSTBank
Scorecard ▶️ https://t.co/p5xyktXC7A pic.twitter.com/3xZnRw6sqa
— BCCI Domestic (@BCCIdomestic) December 23, 2024
