IPL 2025: లక్నోపైనే గుజరాత్ ఆశలన్నీ.. ఆర్సీబీ గెలిస్తే టాప్ 2 ప్లేస్ గల్లంతే..! సమీకరణాలు ఇలా..
ఐపీఎల్ -2025లో గుజరాత్, పంజాబ్, బెంగళూరు, ముంబై జట్లు ప్లేఆఫ్స్‌కు చేరిన విషయం తెలిసిందే. నాలుగు జట్లు పాయింట్ల పట్టికలో టాప్ రెండు స్థానాలకోసం తీవ్రంగా పోటీపడుతున్నాయి.
- Published By: 10TV Digital Team ,Published On : May 26, 2025 / 08:06 AM IST
BCCI
IPL 2025: ఐపీఎల్ -2025 టోర్నీలో భాగంగా గుజరాత్, పంజాబ్, బెంగళూరు, ముంబై జట్లు ప్లే ఆఫ్స్ కు చేరిన విషయం తెలిసిందే. అయితే, నాలుగు జట్లు పాయింట్ల పట్టికలో టాప్ రెండు స్థానాలకోసం తీవ్రంగా పోటీపడుతున్నాయి. ఈ పోటీలో గుజరాత్ జట్టు చేతులెత్తేసింది. వరుసగా రెండు మ్యాచ్ లు ఓడిపోయిన ఆ జట్టు టాప్-2లో ప్లేస్ కోల్పోయే పరిస్థితికి వెళ్లింది. అయితే, గుజరాత్ టాప్-2 ప్లేస్ లో ఉండాలంటే రాయల్ ఛాలెంజర్స్ బెంగళూరు జట్టు విజయావకాశాలపై ఆధారపడి ఉంటుంది.
పంజాబ్ ఓడినా గుజరాత్‌కు నో ఛాన్స్..
♦ చెన్నై జట్టుపై గుజరాత్ ఓడిపోయినప్పటికీ 18 పాయింట్లతో అగ్రస్థానంలోనే కొనసాగుతుంది.
♦ సోమవారం రాత్రి ముంబై ఇండియన్స్ వర్సెస్ పంజాబ్ కింగ్స్ జట్ల మధ్య మ్యాచ్ జరగాల్సి ఉంది.
♦ ఈ మ్యాచ్‌లో ఏ జట్టు విజయం సాధించినా టాప్ -2లోకి వెళ్లే అవకాశం ఉంది.
♦ ప్రస్తుతం 17 పాయింట్లతో రెండో ప్లేస్‌లో ఉన్న పంజాబ్ జట్టు గెలిస్తే టాప్-2లో స్థానాన్ని ఖరారు చేసుకుంటుంది.
♦ ఒకవేళ ముంబై జట్టు గెలిస్తే 18 పాయింట్లతో గుజరాత్ తో సమానంగా ఉంటుంది. కానీ, రన్ రేట్ మెరుగ్గా ఉండటంతో ముంబై జట్టే టాప్-2 ప్లేస్ ను ఖాయం చేసుకుంటుంది.
♦ ఒకవేళ వర్షం కారణంగా మ్యాచ్ రద్దయితే.. పంజాబ్ కింగ్స్ జట్టు 18 పాయింట్లతో గుజరాత్ కంటే మెరుగైన రన్ రేట్ కలిగి ఉండటంతో టాప్ -2లో ప్లేస్ ఖాయం చేసుకుంటుంది.
ఆర్సీబీ ఓడిపోతే ఛాన్స్..
♦ గుజరాత్ జట్టు పాయింట్ల పట్టికలో టాప్-2 స్థానాల్లో కొనసాగాలంటే ఆర్సీబీ తన చివరి మ్యాచ్ లో ఓడిపోవాలి.
♦ ఈనెల 27న లక్నో వర్సెస్ ఆర్సీబీ జట్ల మధ్య మ్యాచ్ జరగాల్సి ఉంది.
♦ ఈ మ్యాచ్ లో ఆర్సీబీ విజయం సాధిస్తే 19 పాయింట్లతో పాయింట్ల పట్టికలో టాప్-2 స్థానాల్లో ప్లేస్ ఖాయం చేసుకుంటుంది.
♦ ఒకవేళ ఆర్సీబీ ఓడిపోతే 17 పాయింట్లకే పరిమితం అవుతుంది. దీంతో గుజరాత్ 18 పాయింట్లతో టాప్ రెండు స్థానాల్లో ప్లేస్ దక్కించుకుంటుంది.
♦ వర్షం కారణంగా ఆర్సీబీ vs లక్నో మ్యాచ్ రద్దయితే గుజరాత్ కే దెబ్బ. ఎందుకంటే.. 18పాయింట్లతో గుజరాత్, ఆర్సీబీ సమంగా ఉంటాయి. కానీ, రన్ రేట్ పరంగా ఆర్సీబీనే మెరుగ్గా ఉంది. దీంతో ఆర్సీబీ టాప్ రెండు స్థానాల్లో చోటు దక్కించుకుంటుంది.
♦ మొత్తానికి గుజరాత్ జట్టు పాయింట్ల పట్టికలో టాప్ రెండు స్థానాల్లో ప్లేస్ ఖాయం చేసుకోవాలంటే లక్నో జట్టుపై ఆర్సీబీ ఓడిపోవాల్సిందే.
PBKS vs MI on Monday.
RCB vs LSG on Tuesday.WE ARE GOING TO THE END GAME IN IPL 2025 🙇 pic.twitter.com/bUUX0Fnm51
— Johns. (@CricCrazyJohns) May 25, 2025
