MI vs SRH : ఇషాన్ కిష‌న్‌ను ఓదార్చిన నీతా అంబానీ.. బాధ‌ప‌డ‌కు చిన్నోడా..!

స‌న్‌రైజ‌ర్స్ హైద‌రాబాద్ ఆట‌గాడు ఇషాన్ కిష‌న్ త‌న మాజీ ఓన‌ర్ అయిన నీతా అంబాని వ‌ద్ద‌కు వెళ్లాడు

pic credit@@CricCrazyJohns

ఐపీఎల్ 2025లో భాగంగా గురువారం స‌న్‌రైజ‌ర్స్ హైద‌రాబాద్‌, ముంబై ఇండియ‌న్స్ జ‌ట్ల మ‌ధ్య మ్యాచ్ జ‌రిగింది. ఈ మ్యాచ్‌లో ముంబై ఇండియ‌న్స్ విజ‌యం సాధించింది. తొలుత బ్యాటింగ్ చేసిన హైద‌రాబాద్ జ‌ట్టు 162 ప‌రుగులు మాత్ర‌మే చేయ‌గా, ల‌క్ష్యాన్ని ముంబై 18వ ఓవ‌ర్ మొద‌టి బంతికి ఆరు వికెట్లు కోల్పోయి అందుకుంది. ఇక ఈ మ్యాచ్ అనంత‌రం చోటు చేసుకున్న ఓ స‌న్నివేశానికి సంబంధించిన ఫోటో సోష‌ల్ మీడియాలో వైర‌ల్ అవుతోంది.

మ్యాచ్ అనంత‌రం ఇరు జ‌ట్ల ఆట‌గాళ్లు క‌ర‌చాల‌నం చేసుకున్నారు. ఆ త‌రువాత స‌న్‌రైజ‌ర్స్ హైద‌రాబాద్ ఆట‌గాడు ఇషాన్ కిష‌న్ త‌న మాజీ ఓన‌ర్ అయిన నీతా అంబాని వ‌ద్ద‌కు వెళ్లాడు. మ‌ర్యాద‌పూర్వ‌కంగా ఆమెను ప‌ల‌క‌రించాడు.

ODI World Cup 2025 : భార‌తదేశంలో జరిగే వ‌న్డే ప్ర‌పంచ‌క‌ప్ 2025కి అర్హ‌త సాధించిన పాకిస్తాన్.. హైబ్రిడ్ మోడ్‌లో టోర్న‌మెంట్‌..

Nita Ambani with former MI Boy, Ishan Kishan 🌟 pic.twitter.com/EFPCpk18iC

— Johns. (@CricCrazyJohns) April 17, 2025

ఇక నీతా అంబానీ సైతం చిరున‌వ్వుతో ఇషాన్‌ను ప‌ల‌క‌రించింది. ఓ త‌ల్లి మాదిరి ప్రేమ‌గా అత‌డి చెంప‌ను నిమిరింది. జ‌ట్టు ఓడిపోయింద‌ని బాధ ప‌డ‌కు, ఆట‌లో గెలుపోట‌ములు స‌హ‌జం అన్న‌ట్లుగా ఆ దృశ్యం క‌నిపించింది.

2016లో ఇషాన్ కిష‌న్ ఐపీఎల్‌లో అరంగ్రేటం చేశాడు. గుజ‌రాత్ ల‌య‌న్స్ అత‌డిని రూ.35ల‌క్ష‌ల‌కు కొనుగోలు చేసింది. ఆ త‌రువాత‌ 2018లో అత‌డు ముంబై ఇండియ‌న్స్ ఫ్రాంచైజీకి చేరాడు. అప్ప‌టి నుంచి దాదాపు ఏడేళ్ల పాటు అత‌డు ముంబై త‌రుపున ఆడాడు. 2025 మెగా వేలానికి ముందు ముంబై జ‌ట్టు ఇషాన్‌ను వ‌దిలివేసింది. వేలంలో అత‌డిని స‌న్‌రైజ‌ర్స్ రూ.11.25 కోట్ల‌కు ద‌క్కించుకుంది.

MI vs SRH : ‘ఈ సారి ఏం రాసుకొచ్చావ్‌..’ అభిషేక్ శ‌ర్మ జేబులు చెక్ చేసిన సూర్య‌కుమార్ యాద‌వ్‌.. వీడియో వైర‌ల్‌..

ఈ సీజ‌న్‌లో హైద‌రాబాద్ త‌రుపున త‌న తొలి మ్యాచ్‌లోనే ఇషాన్ కిష‌న్ శ‌త‌కంతో చెల‌రేగాడు. అయితే.. ఆ త‌రువాత మ్యాచ్ నుంచి అత‌డు పెద్ద‌గా ప్ర‌భావం చూప‌డం లేదు. ఇప్ప‌టి వ‌ర‌కు 7 మ్యాచ్‌లు ఆడిన ఇషాన్ 138 ప‌రుగులు మాత్ర‌మే చేశాడు.

ఇక స‌న్‌రైజ‌ర్స్ హైద‌రాబాద్ విష‌యానికి వ‌స్తే.. ఇప్ప‌టి వ‌ర‌కు ఆజ‌ట్టు ఏడు మ్యాచ్‌లు ఆడింది. ఇందులో రెండు మ్యాచ్‌ల్లో విజ‌యం సాధించ‌గా, మ‌రో 5 మ్యాచ్‌ల్లో ఓడిపోయింది. పాయింట్ల ప‌ట్టిక‌లో ప్ర‌స్తుతం స‌న్‌రైజ‌ర్స్ 9వ స్థానంలో కొన‌సాగుతోంది. దీంతో స‌న్‌రైజ‌ర్స్ ప్లేఆఫ్స్ అవ‌కాశాలు సంక్లిష్టం అయ్యాయి.