SRHvsMI: హైదరాబాద్ టార్గెట్ 137
- Published By: Subhan Ali Shaik ,Published On : April 6, 2019 / 04:11 PM IST
హైదరాబాద్ వేదికగా జరిగిన పోరులో ముంబై ఇండియన్స్ 7 వికెట్లు నష్టపోయి 137పరుగుల టార్గెట్ నిర్దేశించారు. టాస్ ఓడి బ్యాటింగ్ కు దిగిన ముంబై పరుగుల చేయడంలో తడబడింది. ఆరంభం నుంచి ముంబైను కట్టడి చేస్తూ వచ్చిన హైదరాబాద్ చివరి 2 ఓవర్లలో 39 పరుగులు సమర్పించుకుంది.
ఎనిమిదో వికెట్ గా బరిలోకి దిగిన పొలార్డ్ (46: 26 బంతుల్లోనే) చేసి జట్టులో అత్యథిక స్కోరు నమోదు చేయగలిగాడు. ముంబై స్టార్ ప్లేయర్లంతా పేలవంగా అవుట్ అవడంతో జట్టు స్కోరు నత్తనడకన సాగింది.
రోహిత్ శర్మ(11), క్వింటాన్ డికాక్(19), సూర్యకుమార్ యాదవ్(7), ఇషాన్ కిషన్(17), కృనాల్ పాండ్యా(6), హర్దిక్ పాండ్యా(14), రాహుల్ చాహర్(10). అల్జరీ జోసెఫ్(0)లు చేయగలిగారు. హైదరాబాద్ బౌలర్లు సిద్ధార్థ్ కౌల్ 2 వికెట్లు పడగొట్టగా భువనేశ్వర్ కుమార్, సందీప్ శర్మ, మొహమ్మద్ నబీ, రషీద్ ఖాన్ తలో వికెట్ పడగొట్టారు.
