Best Camera Phones : కొత్త ఫోన్ కొంటున్నారా? రూ. 20వేల లోపు ధరలో బెస్ట్ కెమెరా స్మార్ట్‌ఫోన్లు ఇవే.. మీకు నచ్చిన ఫోన్ ఎంచుకోండి!
Best Camera Phones : ప్రస్తుతం వన్ప్లస్ నార్డ్ సీఈ 4 లైట్, రియల్‌మి పి1, మోటో జీ85 ఫోన్లు అద్భుతమైన కెమెరా ఫీచర్లతో అందుబాటులో ఉన్నాయి. ఇందులో మీకు నచ్చిన ఫోన్ ఎంచుకుని కొనేసుకోవచ్చు.
- Published By: 10TV Digital Team ,Published On : October 20, 2024 / 06:29 PM IST
Best camera phones to buy under Rs 20k
Best Camera Phones : కొత్త ఫోన్ కొనేందుకు చూస్తున్నారా? ప్రస్తుతం భారత మార్కెట్లో అనేక కొత్త బ్రాండ్ల స్మార్ట్‌ఫోన్లు అందుబాటులో ఉన్నాయి. అయితే, ఫోన్ కొంటే బెటర్ అనేది ఎంచుకోవడం కష్టమే. అందుకే, మీకోసం ఈ అక్టోబర్ 2024లో రూ. 20వేల లోపు కొనుగోలు చేయగల బెస్ట్ కెమెరా ఫోన్ల జాబితాను అందిస్తున్నాం. స్మార్ట్‌ఫోన్ మార్కెట్లో మీ అవసరాలకు సరిపోయే ఫోన్ ఈజీగా ఎంచుకోవచ్చు. ప్రస్తుతం వన్ప్లస్ నార్డ్ సీఈ 4 లైట్, రియల్‌మి పి1, మోటో జీ85 ఫోన్లు అద్భుతమైన కెమెరా ఫీచర్లతో అందుబాటులో ఉన్నాయి. ఇందులో మీకు నచ్చిన ఫోన్ ఎంచుకుని కొనేసుకోవచ్చు.
వన్ప్లస్ నార్డ్ సీఈ 4 లైట్ 5జీ :
వన్ప్లస్ నార్డ్ సీఈ 4 లైట్ 5జీ ఫోన్ 1,080 x 2,400 పిక్సెల్ రిజల్యూషన్‌తో 6.67-అంగుళాల ఫుల్-హెచ్‌డీ+ అమోల్డ్ స్క్రీన్, 120Hz వరకు రిఫ్రెష్ రేట్, 2,100 నిట్స్ గరిష్ట ప్రకాశం, 20:9 రేషియోను కలిగి ఉంది. క్వాల్‌కామ్ స్నాప్‌డ్రాగన్ 695 చిప్‌సెట్‌తో ఆధారితంగా అడ్రినో 619 జీపీయూ, 8జీబీ ఎల్‌పీడీడీఆర్4ఎక్స్ ర్యామ్, 256జీబీ వరకు యూఎఫ్ఎస్ 2.2 ఇంటర్నల్ స్టోరేజీతో వస్తుంది.
ఈ స్మార్ట్‌ఫోన్ ఆండ్రాయిడ్ 14 ఆధారంగా ఆక్సిజన్‌ఓఎస్ 14పై పనిచేస్తుంది. కెమెరా సామర్థ్యాల పరంగా, ఫోన్ 50ఎంపీ సోనీ ఎల్‌వైటీ-600 ప్రైమరీ సెన్సార్‌తో ఆప్టికల్ ఇమేజ్ స్టెబిలైజేషన్ (OIS), 2ఎంపీ డెప్త్ సెన్సార్‌తో కూడిన డ్యూయల్ రియర్ కెమెరా సెటప్‌ను కలిగి ఉంది. ఫ్రంట్ కెమెరా ఎలక్ట్రానిక్ ఇమేజ్ స్టెబిలైజేషన్ (EIS) సపోర్టుతో 16ఎంపీ సెన్సార్‌తో వస్తుంది.
2. మోటో జీ85 5జీ :
మోటో జీ85 5జీ ఫోన్ 2400×1080 పిక్సెల్‌ల రిజల్యూషన్, 120Hz రిఫ్రెష్ రేట్, 1600నిట్స్ వరకు బ్రైట్‌నెస్‌తో 6.67-అంగుళాల ఎఫ్‌హెచ్‌డీ+ 10-బిట్ కర్వ్డ్ పోలెడ్ డిస్‌ప్లేను కలిగి ఉంది. ఫ్రంట్ సైడ్ కార్నింగ్ గొరిల్లా గ్లాస్ 5 ప్రొటెక్షన్‌తో వస్తుంది. బ్యాక్ సైడ్ వేగన్ లెదర్ లేదా ప్లాస్టిక్‌తో తయారైంది. ఈ ఫోన్ క్వాల్‌కామ్ స్నాప్‌డ్రాగన్ 6ఎస్ జనరేషన్ 3 ఎస్ఓసీ ద్వారా ఆధారితమైనది. 6ఎన్ఎమ్ ప్రాసెస్‌పై పనిచేస్తుంది. గ్రాఫిక్స్-ఇంటెన్సివ్ టాస్క్‌లను అడ్రినో 619 జీపీయూతో వస్తుంది. 12జీబీ వరకు ఎల్‌పీడీడీఆర్4ఎక్స్ ర్యామ్, 256జీబీ వరకు యూఎఫ్ఎస్ 2.2 స్టోరేజ్‌కు సపోర్టు ఇస్తుంది.
సాఫ్ట్‌వేర్ ముందు ఫోన్ ఆండ్రాయిడ్ 14 ఆపరేటింగ్ సిస్టమ్‌లో మోటరోలా మైయుఎక్స్‌తో రన్ అవుతుంది. మోటోరోలా 2 ఏళ్ల ఓఎస్ అప్‌డేట్‌లు, 3 ఏళ్ల సెక్యూరిటీ ప్యాచ్‌లను అందిస్తుంది. ఆప్టిక్స్ పరంగా, ఫోన్ డ్యూయల్-కెమెరా సెటప్‌ను కలిగి ఉంది. ఇందులో 50ఎంపీ సోనీ ఎల్‌వైటీ-600 ప్రైమరీ సెన్సార్‌తో ఓఐఎస్, 8ఎంపీ అల్ట్రా-వైడ్ యాంగిల్ లెన్స్ ఉన్నాయి. సెల్ఫీలకు 32ఎంపీ ఫ్రంట్ ఫేసింగ్ షూటర్ కూడా ఉంది. ఈ స్మార్ట్‌ఫోన్‌లో 30డబ్ల్యూ ఫాస్ట్ ఛార్జింగ్‌కు సపోర్టు ఇచ్చే 5,000mAh బ్యాటరీని అమర్చారు.
3. రియల్‌మి పి1 5జీ :
రియల్‌మి పి1 2400 x 1080 పిక్సెల్‌ల రిజల్యూషన్‌తో 6.67-అంగుళాల ఫుల్ హెచ్‌డీ+ అమోల్డ్ డిస్‌ప్లే, 120Hz రిఫ్రెష్ రేట్, 240Hz టచ్ శాంప్లింగ్ రేట్, 2000 నిట్స్ పీక్ బ్రైట్‌నెస్‌ కలిగి ఉంది. ఆండ్రాయిడ్ 14 ఆపరేటింగ్ సిస్టమ్ ఆధారంగా రియల్‌మి యూఐ 5.0పై రన్ అవుతుంది. రియల్‌మి ఈ ఫోన్‌లో 3 ఏళ్ల ఓఎస్ అప్‌డేట్‌లు, 4 ఏళ్ల సెక్యూరిటీ ప్యాచ్‌లను అందిస్తుంది. ప్రాసెసర్ ఫ్రంట్ సైడ్ రియల్‌మి పి1 5జీ మీడియాటెక్ డైమెన్సిటీ 7050 ఎస్ఓసీ ద్వారా పవర్ పొందుతుంది. గ్రాఫిక్స్ సంబంధిత మాలి-జీ68 ఎమ్‌సీ4 జీపీయూతో వస్తుంది.
ఈ స్మార్ట్‌ఫోన్ గరిష్టంగా 8జీబీ ఎల్‌పీడీడీఆర్4ఎక్స్ ర్యామ్, 256జీబీ యూఎఫ్ఎస్ 3.1 స్టోరేజ్‌తో వస్తుంది. అదనంగా, మైక్రో ఎస్‌డీ కార్డ్ ద్వారా స్టోరేజీని 1టీబీ వరకు విస్తరించవచ్చు. ఈ స్మార్ట్‌ఫోన్‌లో 50ఎంపీ సోనీ ఎల్‌వైటీ600 ప్రైమరీ సెన్సార్, 2ఎంపీ సెకండరీ సెన్సార్ ఉన్నాయి. అన్ని సెల్ఫీ, వీడియో కాలింగ్ కోసం 16ఎంపీ ఫ్రంట్ ఫేసింగ్ షూటర్‌ను కూడా కలిగి ఉంది. ఈ ఫోన్ 5,000ఎంఎహెచ్ బ్యాటరీని కలిగి ఉంది. 45డబ్ల్యూ సూపర్ వూక్ ఫాస్ట్ ఛార్జింగ్‌కు సపోర్టు ఇస్తుంది.
4. వివో టీ3 5జీ :
వివో టీ3 5జీ ఫోన్ 2400 x 1080 పిక్సెల్‌ల రిజల్యూషన్‌తో 6.67-అంగుళాల ఫుల్ హెచ్‌డీ+ అమోల్డ్ డిస్‌ప్లేను కలిగి ఉంది. 120Hz రిఫ్రెష్ రేట్, 360Hz టచ్ శాంప్లింగ్ రేట్, హెచ్‌డీఆర్10+ సర్టిఫికేషన్, 1800 నిట్స్ గరిష్ట ప్రకాశాన్ని సపోర్ట్ చేస్తుంది. వివో మిడ్-రేంజర్ 4ఎన్ఎమ్ మీడియాటెక్ డైమెన్సిటీ 7200 చిప్‌సెట్‌పై రన్ అవుతుంది. గ్రాఫిక్స్-ఇంటెన్సివ్ టాస్క్‌లకు మాలి జీ610 ఎమ్‌సీ4 జీపీయూతో వస్తుంది. వివో టీ3 8జీబీ వరకు ఎల్‌పీడీడీఆర్4ఎక్స్ ర్యామ్, 256జీబీ వరకు యూఎఫ్ఎస్ 2.2 స్టోరేజీతో వస్తుంది. మైక్రో ఎస్‌డీ కార్డ్ స్లాట్ ద్వారా 1టీబీ వరకు విస్తరించవచ్చు.
ఆప్టిక్స్ ముందు ఫోన్‌లో 2ఎంపీ డెప్త్ సెన్సార్‌తో పాటు ఓఐఎస్ ఈఐఎస్‌తో కూడిన 50ఎంపీ సోనీ ఐఎమ్ఎక్స్882 ప్రైమరీ షూటర్‌ను అమర్చారు. ఇందులో సెల్ఫీలు, వీడియో కాల్స్ కోసం 16ఎంపీ ఫ్రంట్ షూటర్ ఉంది. ఫ్రంట్ కెమెరా గరిష్టంగా 1080పీ వీడియోలను రికార్డ్ చేయగలదు. అయితే, బ్యాక్ కెమెరా గరిష్టంగా 4కె 30ఎఫ్‌పీఎస్ వద్ద షూట్ చేయొచ్చు.
5. ఇన్ఫినిక్స్ జీటీ 20 ప్రో :
ఇన్ఫినిక్స్ జీటీ 20ప్రో 6.78-అంగుళాల ఫుల్ హెచ్‌డీ+ ఎల్‌టీపీఎస్ అమోల్డ్ డిస్‌ప్లేను 1300నిట్స్ గరిష్ట ప్రకాశం, 144Hz రిఫ్రెష్ రేట్‌తో కలిగి ఉంది. ఈ ఫోన్ మీడియాటెక్ డైమెన్సిటీ 8200 అల్టిమేట్ చిప్‌సెట్‌ కలిగి ఉంది. హైగ్రాఫిక్స్ పర్ఫార్మెన్స్ మాలి జీ610-ఎమ్‌సీ6 చిప్‌సెట్‌తో వస్తుంది. ఈ స్మార్ట్‌ఫోన్ ప్రత్యేకమైన గేమింగ్ డిస్‌ప్లే చిప్‌ను కలిగి ఉంది. పిక్సెల్‌వర్క్స్ ఎక్స్5 టర్బో, జీపీయూ పర్ఫార్మెన్స్ రిజల్యూషన్ అందిస్తుంది.
ఇందులో 45డబ్ల్యూ అడాప్టర్‌తో స్పీడ్ ఛార్జింగ్ 5,000mAh బ్యాటరీని కలిగి ఉంది. ఆప్టిక్స్ పరంగా చూస్తే.. జీటీ 20 ప్రో 108ఎంపీ శాంసంగ్ హెచ్ఎమ్6 ప్రైమరీ సెన్సార్, 2ఎంపీ అల్ట్రా వైడ్ యాంగిల్ లెన్స్, 2ఎంపీ మాక్రో సెన్సార్‌తో సహా ట్రిపుల్ కెమెరా సెన్సార్ సెటప్‌తో వస్తుంది. ఫ్రంట్ సైడ్ 88.9 ఫీల్డ్ ఆఫ్ వ్యూ (FOV)తో 32ఎంపీ సెల్ఫీ షూటర్ ఉంది. ఈ స్మార్ట్‌ఫోన్ బ్యాక్ కెమెరాతో 4కె 60ఎఫ్‌పీఎస్ వీడియో, సెల్ఫీ కెమెరాతో 2కె 30ఎఫ్‌పీఎస్ వీడియోను రికార్డు చేయొచ్చు.
Read Also : Flipkart Diwali Sale : ఫ్లిప్‌కార్ట్ దీపావళి సేల్.. ఆపిల్ ఐఫోన్ 15పై భారీ డిస్కౌంట్..!
