Realme GT 8 Pro Series : కొత్త రియల్‌మి GT 8 ప్రో సిరీస్ ఫస్ట్ సేల్ మొదలైందోచ్.. ఈ 2 ఫోన్లపై ఆఫర్లే ఆఫర్లు.. ఫీచర్ల కోసమైనా కొనేసుకోవచ్చు..
Realme GT 8 Pro Series : రియల్‌మి జీటీ 8 ప్రో సిరీస్ ధర తగ్గింది. రియల్‌మి GT 8 ప్రో, రియల్‌మి GT 8 ప్రో డ్రీమ్ ఎడిషన్ ఫస్ట్ టైమ్ సేల్ ఫ్రారంభమైంది. ఈ సిరీస్ ధర, ఫీచర్లు, ఆఫర్లపై ఓసారి లుక్కేయండి.
- Published By: 10TV Digital Team ,Published On : November 26, 2025 / 05:33 PM IST
Realme GT 8 Pro Series
Realme GT 8 Pro Series : రియల్‌మి ఫ్యాన్స్ పండగ చేస్కోండి. రియల్‌మి GT 8 ప్రో సిరీస్ సేల్ మొదలైంది. ఈ నెల 20న భారత మార్కెట్లో రియల్‌మి GT 8 ప్రో, రియల్‌మి GT 8 ప్రో డ్రీమ్ ఎడిషన్ లాంచ్ చేసింది. ఈ ఫ్లాగ్‌షిప్ మోడల్ రికో-బ్యాక్డ్ కెమెరా ట్యూనింగ్‌తో వస్తుంది.
క్వాల్‌కామ్ 3nm స్నాప్‌డ్రాగన్ 8 ఎలైట్ జెన్ 5 చిప్‌సెట్ ద్వారా (Realme GT 8 Pro Series) పవర్ పొందుతుంది. డ్రీమ్ ఎడిషన్ వేరియంట్ ఆస్టన్ మార్టిన్ లోగోను కలిగిన టెక్స్చర్డ్ రియర్ ప్యానెల్‌తో వస్తుంది. 16GB వరకు LPDDR5X ర్యామ్, 512GB వరకు UFS 4.1 ఆన్‌బోర్డ్ స్టోరేజీ సపోర్టుతో హ్యాండ్‌సెట్ అన్ని వెర్షన్‌లు ఇప్పుడు దేశంలో కొనుగోలుకు అందుబాటులో ఉన్నాయి.
రియల్‌మి జీటీ 8 ప్రో, GT 8 ప్రో డ్రీమ్ ఎడిషన్ సేల్ :
భారతీయ మార్కెట్లో రియల్‌మి GT 8 ప్రో 12GB + 256GB మోడల్ ధర రూ. 72,999 నుంచి ప్రారంభమవుతుంది. 16GB ర్యామ్, 512GB స్టోరేజ్ కాన్ఫిగరేషన్‌ల ధర రూ. 78,999కు లభిస్తుంది. రియల్‌మి GT 8 ప్రో డ్రీమ్ ఎడిషన్ ధర రూ. 79,999, 16GB ర్యామ్, 512GB స్టోరేజ్ వేరియంట్‌లో లభిస్తుంది. రియల్‌మి ఇండియా వెబ్‌సైట్, ఫ్లిప్‌కార్ట్‌లో కస్టమర్లు రియల్‌మి జీటీ 8 ప్రోపై రూ. 5వేలు బ్యాంక్ డిస్కౌంట్‌, 6 నెలల నో-కాస్ట్ ఈఎంఐ ఫ్రీ డెకో సెట్‌ను క్లెయిమ్ చేసుకోవచ్చని కంపెనీ తెలిపింది.
12GB + 256GB మోడల్ ధర రూ. 67,999కి 16GB + 512GB వేరియంట్ ధర రూ. 73,999కి తగ్గింది. ఆసక్తిగల కస్టమర్లు రియల్‌మి జీటీ 8 ప్రో డ్రీమ్ ఎడిషన్ ధర రూ. 79,999కు కొనుగోలు చేయవచ్చు. 12 నెలల వరకు వడ్డీ లేని ఈఎంఐ అందుబాటులో ఉంది. ఈ ఆన్‌లైన్ ఆఫర్లలో ICICI, HDFC, SBI కార్డ్ హోల్డర్లకు వర్తిస్తాయి.
ఆఫ్‌లైన్ రిటైల్ అవుట్‌లెట్‌లలో రియల్‌మి జీటీ 8 ప్రో ధర రూ. 5వేల బ్యాంక్ బెనిఫిట్స్, 6 నెలల వరకు జీరో వడ్డీ ఈఎంఐ బోనస్‌గా డెకో సెట్‌తో లభిస్తుంది. రియల్‌మి ప్రో ఫోన్ ధర రూ. 67,999కి తగ్గుతుంది. కొత్త ఆఫర్లతో 16GB + 512GB ఆప్షన్ ధర రూ. 73,999కి తగ్గుతుంది.
రియల్‌మి జీటీ 8 ప్రో డ్రీమ్ ఎడిషన్ రూ. 79,999 ధరకే లభిస్తుంది. 12 నెలల వరకు నో-కాస్ట్ ఈఎంఐతో సపోర్ట్ చేస్తుంది. HDFC, Axis, Kotak, OneCard, DBS, Bank of Baroda, AU, జమ్మూ కశ్మీర్, స్కేపియా కార్డుల ద్వారా ఆఫ్‌లైన్ ఈఎంఐ ప్రమోషన్‌లు అందుబాటులో ఉన్నాయి. SBI ICICI ఫుల్ స్వైప్ పేమెంట్ బెనిఫిట్స్ అందిస్తున్నాయి.
రియల్‌మి GT 8 ప్రో, GT 8 ప్రో డ్రీమ్ ఎడిషన్ డిజైన్ :
ముఖ్యంగా, రియల్‌మి జీటీ 8 ప్రో స్విచ్చబుల్ కెమెరా బంప్‌ ప్రవేశపెట్టింది. చాలామంది యూజర్లు వృత్తాకార, చతురస్రం నేపథ్య లేఅవుట్‌లతో సహా వివిధ కెమెరా ఐలాండ్ డిజైన్‌ల మధ్య ప్రత్యామ్నాయంగా మారవచ్చు. కస్టమైజడ్ బ్యూటీని అందిస్తుంది. ఈ హ్యాండ్‌సెట్ డైరీ వైట్ అర్బన్ బ్లూ కలర్ ఆప్షన్లలో లభిస్తుంది.
ఇంతలో, ఆస్టన్ మార్టిన్ అరాంకో F1 బృందంతో రియల్‌మి GT 8 ప్రో డ్రీమ్ ఎడిషన్, మోటార్‌స్పోర్ట్-ప్రేరేపిత డిజైన్ ప్రదర్శిస్తుంది. సిగ్నేచర్ ఆస్టన్ మార్టిన్ రేసింగ్ గ్రీన్ ఫినిషింగ్, లైమ్ ఎసెన్స్ యాక్సెంట్‌లు, సెంట్రలైజడ్ సిల్వర్ ఆస్టన్ మార్టిన్ సింబల్ స్పెషల్ ఫార్ములా-1 (F1) బ్యాక్ గ్రౌండ్ యూజర్ ఇంటర్‌ఫేస్‌ కలిగి ఉంది.
రియల్‌మి జీటీ 8 ప్రో ఫీచర్లు, స్పెసిఫికేషన్లు :
రియల్‌మి జీటీ 8 ప్రో ఫోన్ ఆండ్రాయిడ్ 16 ఆధారిత రియల్‌మి UI 7.0పై రన్ అవుతుంది. 6.79-అంగుళాల QHD+ BOE Q10 ఫ్లెక్సిబుల్ అమోల్డ్ డిస్‌ప్లే, 144Hz వరకు రిఫ్రెష్ రేట్, HDR సపోర్ట్ 2,000 నిట్స్ పీక్ బ్రైట్‌నెస్‌తో కలిగి ఉంది. 3nm స్నాప్‌డ్రాగన్ 8 ఎలైట్ జెన్ 5 చిప్ ద్వారా పవర్ పొందుతుంది.
16GB వరకు LPDDR5X ర్యామ్, 512GB యూఎఫ్ఎస్ 4.1 స్టోరేజ్‌తో వస్తుంది. అడ్రినో 840 జీపీయూ 7,000mm చదరపు స్టీమ్ చాంబర్ కూలింగ్ సిస్టమ్ ద్వారా సపోర్టు ఇస్తుంది. ఈ రియల్‌మి ఫోన్ 120W SuperVOOC ఛార్జింగ్‌తో 7,000mAh బ్యాటరీని కలిగి ఉంది. IP66, IP68, IP69 దుమ్ము, వాటర్ ప్రొటెక్షన్ రేటింగ్‌లను కలిగి ఉంది.
ఫొటోగ్రఫీ విషయానికి వస్తే.. రియల్‌మి GT 8 ప్రో 50MP సోనీ IMX906 మెయిన్ సెన్సార్, 50MP అల్ట్రావైడ్ లెన్స్, 120x డిజిటల్ జూమ్‌తో 200MP టెలిఫోటో కెమెరాతో రికో GR-ట్యూన్ ట్రిపుల్ రియర్ కెమెరా సెటప్‌ను అందిస్తుంది. 32MP ఫ్రంట్ కెమెరా కూడా కలిగి ఉంది. 60fps వద్ద 4K వీడియోకు సపోర్టు ఇస్తుంది. కనెక్టివిటీ ఆప్షన్లలో 5G, Wi-Fi, బ్లూటూత్ 6.0, NFC మల్టీ శాటిలైట్ సిస్టమ్స్ ఉన్నాయి. ఈ హ్యాండ్‌సెట్ 161.80×76.87×8.20mm మందంతో పాటు 214 గ్రాముల వరకు బరువు ఉంటుంది.
