Big Shock BRS : బీఆర్ఎస్ కు భారీ షాక్.. మున్సిపల్ చైర్మన్లు, ఎంపీపీలు, జడ్పీటీసీలు కాంగ్రెస్ లో చేరిక
కోమటిరెడ్డి రాజ్ గోపాల్ రెడ్డి వారికి కాంగ్రెస్ కండువాలు కప్పి పార్టీలోకి ఆహ్వానించారు. దుర్మార్గపు ఎమ్మెల్యేకు వ్యతిరేకంగా ఈ నిర్ణయం తీసుకోవడం గొప్ప విషయం అన్నారు.
- Published By: 10TV Digital Team ,Published On : November 10, 2023 / 01:19 PM IST
BRS Leaders Joined Congress (1)
Big Shock BRS – Leaders Joined Congress : ఎన్నికల వేళ బీఆర్ఎస్ పార్టీకి భారీ షాక్ తగిలింది. నల్గొండ జిల్లాలో గులాబీ పార్టీకి పలువురు నేతలు గుడ్ బై చెప్పారు. మనుగోడు నియోజకవర్గ వ్యాప్తంగా మున్సిపల్ చైర్మన్లు ఎంపీపీలు, జడ్పీటీసీలు బీఆర్ఎస్ పార్టీకి రాజీనామా చేసి కాంగ్రెస్ పార్టీలో చేరారు. కోమటిరెడ్డి రాజగోపాల్ రెడ్డి వారికి కాంగ్రెస్ కండువాలు కప్పి పార్టీలోకి ఆహ్వానించారు.
ఈ సందర్భంగా ఆయన మాట్లాడుతూ ఆత్మగౌరవం కోసం, తెలంగాణ రాష్ట్రం కోసం కొట్లాడారో ఇప్పుడు ఆ ఆత్మగౌరవం కరువైందన్నారు. ఒకే కుటుంబం చేతిలోకి తెలంగాణ వెళ్ళిపోయిందన్నారు. ఆత్మగౌరం కోసం కాంగ్రెస్ లోకి వస్తున్నవారిని ఆహ్వానిస్తున్నామని తెలిపారు. మీ లక్ష్యం మా లక్ష్యం సేవా, అభివృద్ధి అని అన్నారు. పాత, కొత్త అని తేడా లేకుండా కలిసి పనిచేసి మునుగోడును అభివృద్ధి చేసుకుందామని పిలుపునిచ్చారు.
ప్రజల మీద విశ్వాసంతో మీరు ఇంత పెద్ద నిర్ణయం తీసుకున్నందుకు కృతజ్ఞతలు తెలుపుతున్నానని పేర్కొన్నారు. దుర్మార్గపు ఎమ్మెల్యేకు వ్యతిరేకంగా ఈ నిర్ణయం తీసుకోవడం గొప్ప విషయం అన్నారు. అందరం కలిసి పనిచేసి తెలంగాణలో కాంగ్రెస్ పార్టీని అధికారంలోకి తీసుకొచ్చి ఆత్మగౌరవ జెండా ఎగరేద్దామని సూచించారు.
