Kalvakuntla Kavitha: ఢిల్లీ మద్యం కేసులో నేడు కవిత వాంగ్మూలం నమోదు చేయనున్న సీబీఐ.. కవిత నివాసం వద్ద భారీగా ప్లెక్సీలు
ఢిల్లీ మద్యం కేసుకు సంబంధించి ఎమ్మెల్సీ కవితను ఇవాళ ఉదయం 11గంటలకు హైదరాబాద్లోని ఆమె నివాసంలో సీబీఐ విచారించనుంది. ఆమె వాంగ్మూలాన్ని నమోదు చేస్తామని ఇప్పటికే సీబీఐ సమాచారం అందించింది.
- Published By: 10TV Digital Team ,Published On : December 11, 2022 / 07:46 AM IST
MLC Kavitha
Kalvakuntla kavitha: ఢిల్లీ మద్యం కేసుకు సంబంధించి ఎమ్మెల్సీ కవితను ఇవాళ ఉదయం 11గంటలకు హైదరాబాద్లోని ఆమె నివాసంలో సీబీఐ విచారించనుంది. ఆమె వాంగ్మూలాన్ని నమోదు చేస్తామని ఇప్పటికే సీబీఐ సమాచారం అందించింది. ఈ నేపథ్యంలో శనివారం ప్రగతిభవన్ కు వెళ్లిన కవిత సీఎం కేసీఆర్‌తో భేటీ అయ్యారు. మంత్రి మండలి ముగిసిన తరువాత ఆమె కేసీఆర్ తో సీబీఐ విచారణకు సంబంధించి పలు విషయాలపై చర్చించినట్లు సమాచారం.
Delhi Liquor Scam: సీబీఐ విచారణపై కేసీఆర్‌తో కవిత భేటీ
ఢిల్లీ మద్యం కేసు విషయంలో డిసెంబర్ 6వ తేదీనే సీబీఐ అధికారులు కవిత వాగ్మూలం తీసుకోవాల్సి ఉంది. కానీ, కవిత ఆ రోజు తనకు వీలుకాదని తెలిపారు. ఈ మేరకు సీబీఐకు లేఖ రాశారు. 6వ తేదీన ముందే నిర్దేశించుకున్న షెడ్యూల్ కారణంగా నేనే సీబీఐ విచారణకు హాజరుకాలేనని, ఈనెల 11, 12, 14, 15 తేదీల్లో ఎప్పుడైనా సీబీఐ అధికారులు తన వాగ్మూలం తీసుకోవచ్చునని కవిత సీబీఐకు రాసిన లేఖలో పేర్కొన్నారు. దీంతో 11న హైదరాబాద్ లోని ఆమె నివాసంలో వాగ్మూలం తీసుకుంటామని సీబీఐ తెలిపిన విషయం విధితమే. దీంతో నేడు సీబీఐ అధికారులు కవిత నివాసానికి వెళ్లి ఢిల్లీ మద్యం కేసు విషయంలో ఆమె వాగ్మూలం తీసుకోనున్నారు.
Delhi liquor scam: ఢిల్లీ లిక్కర్ స్కాంలో నోటీసులపై సీబీఐకి కల్వకుంట్ల కవిత లేఖ
ఇదిలాఉంటే సీబీఐ అధికారులు తన వాగ్మూలం తీసుకొనేందుకు హైదరాబాద్లోని నివాసానికి వస్తున్న క్రమంలో కార్యకర్తలెవరూ తన ఇంటి వద్దకు రావొద్దని కవిత కోరినట్లు తెలుస్తోంది. ఇప్పటికే కవిత ఇంటిమార్గంలో పోలీసులు పికెట్ ఏర్పాటు చేశారు. కవిత నివాసం వద్ద బీఆర్ఎస్ నేతలుభారీగా ప్లెక్సీలు, హోర్డింగులు, బ్యానర్లను ఏర్పాటు చేశారు. డాటర్ ఆఫ్ ఫైటర్ .. విల్ నెవర్ ఫియర్ ( యోధుని కుమార్తె.. ఎన్నటికీ భయపడదు), ‘వుయ్‌ ఆర్‌ విత్‌ యూ కవితక్కా..’ (మేము నీతో ఉన్నాం కవితక్కా..) అని వాటిపై రాశారు.
