Cheyutha Pension Scheme: తెలంగాణలో ‘చేయూత’ పింఛన్ల అలర్ట్.. రేపటితో ముగియనున్న దరఖాస్తుల గడువు.. వెంటనే అప్లై చేసుకోండి!

తెలంగాణ ప్రభుత్వం అత్యంత ప్రతిష్ఠాత్మకంగా చేపట్టిన ‘చేయూత(Cheyutha Pension Scheme)’ పింఛన్ల పథకానికి దరఖాస్తు చేసుకునే సమయం చివరి దశకు చేరుకుంది.

telangana cheyutha pension scheme application deadline august 31

• ఆగస్ట్ 31తో ముగియనున్న అప్లికేషన్లు
• నిరుపేదలు, వితంతువులు, దివ్యాంగులకు అవకాశం
• మీసేవ లేదా పంచాయతీ ఆఫీస్

Cheyutha Pension Scheme: తెలంగాణలోని నిరుపేదలు, అణగారిన వర్గాలకు సామాజిక భద్రత కల్పించే ఉద్దేశంతో ప్రభుత్వం అత్యంత ప్రతిష్ఠాత్మకంగా చేపట్టిన ‘చేయూత(Cheyutha Pension Scheme)’ పింఛన్ల పథకానికి దరఖాస్తు చేసుకునే సమయం చివరి దశకు చేరుకుంది. నూతన పింఛన్ల కోసం అప్లై చేయడానికి ప్రభుత్వం నిర్ణయించిన తుది గడువు రేపటితో అనగా ఆగస్టు 31తో ముగియనుంది. అర్హత ఉండి ఇప్పటివరకు దరఖాస్తు చేసుకోని లబ్ధిదారులు వెంటనే తమ వివరాలను సమర్పించాలని అధికారులు సూచించారు. రాష్ట్రవ్యాప్తంగా కొత్తగా లక్షలాది మందికి విడతలవారీగా ఈ పింఛన్లు అందజేసేందుకు ప్రభుత్వం కసరత్తు పూర్తి చేసింది.

Veligonda Project: 30 ఏళ్ల నిరీక్షణకు తెర.. రేపే ‘వెలిగొండ ప్రాజెక్టు’ను ప్రారంభించనున్న సీఎం చంద్రబాబు

అవసరమైన పత్రాలు ఇవే:

ఈ పథకం కింద వితంతువులు, ఒంటరి మహిళలు, దివ్యాంగులు, చేనేత-గీత కార్మికులతో పాటు ఫైలేరియా, డయాలసిస్, తలసీమియా వంటి దీర్ఘకాలిక వ్యాధులతో బాధపడుతున్న వారికి ప్రాధాన్యత ఇస్తున్నారు. అర్హులైన అభ్యర్థులు తమ దరఖాస్తు ఫారానికి ఆధార్ కార్డ్, రేషన్ కార్డ్, బ్యాంక్ పాస్ బుక్ కాపీలతో పాటు వైకల్యం లేదా సంబంధిత వైద్య ధ్రువీకరణ పత్రాలను తప్పనిసరిగా జత చేయాల్సి ఉంటుంది. అయితే గతంలోనే ‘ప్రజా పాలన’ లేదా గ్రామ సభల ద్వారా దరఖాస్తు చేసుకున్నవారు మళ్లీ కొత్తగా అప్లై చేయాల్సిన అవసరం లేదని స్పష్టం చేశారు.

దరఖాస్తు విధానం, అధికారుల హెచ్చరిక:

ఇంకా దరఖాస్తు చేయని అర్హులు వెంటనే తమ పరిధిలోని గ్రామ పంచాయతీ కార్యాలయం, వార్డు ఆఫీస్ లేదా మీసేవ కేంద్రాల ద్వారా దరఖాస్తులను పూర్తి చేసి సమర్పించవచ్చు. గడువు ముగిసిన తర్వాత వచ్చే ఏ ఒక్క దరఖాస్తును కూడా పరిశీలించబోమని అధికారులు స్పష్టం చేశారు. కాబట్టి అర్హులైన లబ్ధిదారులు చివరి నిమిషం వరకు వేచి చూడకుండా వెంటనే ఈ అవకాశాన్ని వినియోగించుకోవాలని సూచిస్తున్నారు.