Kalyan Lakshmi Scheme : కల్యాణలక్ష్మికి రూ.2000 కోట్లు విడుదల

ఈ బడ్జెట్ లో బీసీ, ఎస్సీ, ఎస్టీలకు సంబంధించి ఒక్క కల్యాణలక్ష్మి కోసమే ప్రభుత్వం రూ.2000 కోట్లు కేటాయించింది. ఆ మొత్తాన్ని ఒకే పద్దులో ప్రభుత్వం బుధవారం విడుదల చేసింది.

Kalyan Lakshmi Scheme

Kalyan Lakshmi Scheme : తెలంగాణ ప్రభుత్వం పేదింటి ఆడ పిల్లల పెళ్లిళ్ల కోసం కల్యాణలక్ష్మి పథకాన్ని ప్రవేశపెట్టిన విషయం తెలిసిందే. రాష్ట్ర ప్రభుత్వం ప్రతిష్ఠాత్మకంగా కల్యాణలక్ష్మి పథకాన్ని అమలు చేస్తోంది. ఈ పథకానికి ఎప్పటికప్పుడు నిధులను కేటాయిస్తోంది. ప్రభుత్వం 2023-24 బడ్జెట్ లో ఈ పథకానికి రూ.2 వేల కోట్లు కేటాయించింది.

మొత్తం నిధులను మొదటి త్రైమాసికం విడతలోనే విడుదల చేస్తూ బుధవారం ప్రభుత్వం ఉత్తర్వులు జారీ చేసింది. కల్యాణలక్ష్మి లేదా షాదీముబారక్ పథకం కింద ఈ ఏడాది జనవరి వరకు మొత్తం 12 లక్షల 469 మంది ఆడపిల్లలకు సీఎం కేసీఆర్ మేనమామగా రూ.10,410 కోట్ల ఆర్థిక సహాయం అందించారు.

Rythubandhu Funds : రైతుబంధు నిధులను బకాయిల కింద జమ చేసుకుంటున్న బ్యాంకులు.. తెలంగాణ ప్రభుత్వం సీరియస్

ఈ బడ్జెట్ లో బీసీ, ఎస్సీ, ఎస్టీలకు సంబంధించి ఒక్క కల్యాణలక్ష్మి కోసమే ప్రభుత్వం రూ.2000 కోట్లు కేటాయించింది. ఆ మొత్తాన్ని ఒకే పద్దులో ప్రభుత్వం బుధవారం విడుదల చేసింది. గత ఏడాది కంటే ఈ సారి కల్యాణలక్ష్మి పథకానికి అదనంగా రూ.150 కోట్లను కేటాయించింది. నిరుడు రూ.1,850 కోట్లను ఒకేసారి విడుదల చేయడం గమనార్హం.