Tiger Nageswara Rao: టైగర్ నాగేశ్వరరావు కోసం కొత్త బ్యూటీ..!

మాస్ రాజా రవితేజ ప్రస్తుతం వరుసబెట్టి సినిమాలను తెరకెక్కిస్తూ బిజీగా ఉన్నాడు. ఇప్పటికే రామారావు ఆన్ డ్యూటీ, రావణాసుర, ధమాకా చిత్రాలను లైన్‌లో పెట్టిన రవితేజ....

Tiger Nageswara Rao: టైగర్ నాగేశ్వరరావు కోసం కొత్త బ్యూటీ..!

Nupur Sanon Roped In For Raviteja Tiger Nageswara Rao

Tiger Nageswara Rao: మాస్ రాజా రవితేజ ప్రస్తుతం వరుసబెట్టి సినిమాలను తెరకెక్కిస్తూ బిజీగా ఉన్నాడు. ఇప్పటికే రామారావు ఆన్ డ్యూటీ, రావణాసుర, ధమాకా చిత్రాలను లైన్‌లో పెట్టిన రవితేజ.. మరో లేటెస్ట్ మూవీని కూడా తెరకెక్కించేందుకు రెడీ అయ్యాడు. ఈ సినిమాకు ‘టైగర్ నాగేశ్వరరావు’ అనే ఇంట్రెస్టింగ్ టైటిల్‌ను చిత్ర యూనిట్ ఫిక్స్ చేసింది. కాగా స్టూవర్టుపురం గజదొంగ టైగర్ నాగేశ్వరరావు జీవితం ఆధారంగా ఈ సినిమా కథను తెరకెక్కించేందుకు చిత్ర యూనిట్ రెడీ అయినట్లు తెలుస్తోంది.

Raviteja: టైగర్ నాగేశ్వరరావు ఎంట్రీ ఇస్తున్నాడుగా!

కాగా ఈ రోజు ఉదయం టైగర్ నాగేశ్వర రావు చిత్రానికి సంబంధించిన అప్‌డేట్‌ను చిత్ర యూనిట్ అనౌన్స్ చేసింది. ఈ సినిమా ప్రీలుక్ పోస్టర్‌ను ఏప్రిల్ 2న రిలీజ్ చేస్తున్నట్లు.. అదే రోజున ఈ సినిమాను అఫీషియల్‌గా లాంఛ్ చేస్తున్నట్లు చిత్ర యూనిట్ పేర్కొంది. కాగా ఈ సినిమాలో రవితేజ సరికొత్త మాస్ అవతారంలో మనకు కనిపించబోతున్నట్లు చిత్ర వర్గాల్లో టాక్ వినిపిస్తోంది. ఇక ఈ సినిమాలో హీరోయిన్‌గా ఎవరు నటిస్తారా అనే ప్రశ్నకు చిత్ర యూనిట్ తాజాగా తెరదించారు. ఈ సినిమాలో బాలీవుడ్ బ్యూటీ కృతి సనన్ సోదరి నుపూర్ సనన్ హీరోయిన్‌గా ఫిక్స్ అయ్యింది.

Raviteja: పాతిక రోజులకు అంత రేటా..?

ఈ మేరకు చిత్ర యూనిట్ ఓ అనౌన్స్‌మెంట్ కూడా చేశారు. ఈ చిత్రంతో టాలీవుడ్‌కు హీరోయిన్‌గా పరిచయం అవుతోంది ఈ బ్యూటీ. అయితే బాలీవుడ్‌లోనూ తన తొలి సినిమాను తాజాగా పూర్తి చేసుకుంది ఈ చిన్నది. అందంతో పాటు అభినయం పరంగా కూడా నుపూర్ సనన్ ప్రేక్షకులను ఆకట్టుకుంటుందని చిత్ర యూనిట్ ధీమా వ్యక్తం చేస్తోంది. ఈ సినిమాను అభిషేక్ అగర్వాల్ ప్రొడ్యూస్ చేస్తుండగా, వంశీ అనే యంగ్ డైరెక్టర్ ఈ సినిమాను తెరకెక్కించనున్నాడు. ఇక తమిళ మ్యూజిక్ డైరెక్టర్ జీవి.ప్రకాశ్ ఈ చిత్రానికి సంగీతం అందించనున్నాడు.