Realme 11 Pro+ Launch : రియల్మి 11ప్రో ప్లస్ వచ్చేస్తోంది.. లాంచ్కు ముందే కీలక స్పెషిఫికేషన్లు లీక్.. ధర ఎంత ఉండొచ్చుంటే?
Realme 11 Pro+ Launch : కొత్త స్మార్ట్ఫోన్ కోసం చూస్తున్నారా? మే 10 వరకు ఆగాల్సిందే.. రియల్మి నుంచి (Realme 11 Pro Plus) స్మార్ట్ఫోన్ వచ్చేస్తోంది. ధర ఎంత ఉండొచ్చుంటే?
Realme 11 Pro+ Launch : ప్రముఖ చైనా స్మార్ట్ఫోన్ మేకర్ రియల్మి (Realme) నుంచి సరికొత్త స్మార్ట్ఫోన్ రాబోతోంది. వచ్చే మే 10న వెనిలా రియల్మి 11, రియల్మి 11 ప్రో, రియల్మే 11 ప్రో+లతో కూడిన రియల్మి 11 సిరీస్ చైనాలో లాంచ్ అవుతున్నట్లు ధృవీకరించింది. ఈ స్మార్ట్ఫోన్ల అరంగేట్రానికి ఇంకా వారం కన్నా ఎక్కువ సమయం ఉంది. ఈలోగా కంపెనీ Weibo పోస్ట్ ద్వారా Realme 11 Pro+ డిస్ప్లే స్పెసిఫికేషన్లను అధికారికంగా వెల్లడించింది.
అదనంగా, ఈ స్మార్ట్ఫోన్ గీక్బెంచ్ లిస్టింగ్లో కూడా కనిపించింది. రాబోయే రియల్మి కొత్త ఫోన్లో ప్రాసెసర్, సాఫ్ట్వేర్ సపోర్టుతో సహా మరికొన్ని ఫీచర్లను సూచిస్తుంది. ఈ హ్యాండ్సెట్ (Android 13 OS)లో రన్ అవుతుందని లిస్టింగ్ సూచించింది. MediaTek డైమెన్సిటీ 1080 SoC ద్వారా పనిచేస్తుంది. ఈ ఫోన్ ధర గ్లోబల్ మార్కెట్లో రూ. 34,990 నుంచి ఉండొచ్చునని అంచనా.
రియల్మి చైనాలో లాంచ్ చేయడానికి ముందు రాబోయే రియల్మి 11 ప్రో+ డిజైన్, డిస్ప్లే స్పెసిఫికేషన్లను టీజ్ చేసింది. మే 10న లాంచ్ అయ్యే ఈ స్మార్ట్ఫోన్ 6.7-అంగుళాల AMOLED డిస్ప్లేతో సెంట్రల్ హోల్-పంచ్ కటౌట్తో రానుంది. 61-డిగ్రీ కర్వడ్ ఎడ్జ్లతో వస్తుంది. డిస్ప్లే 120Hz రిఫ్రెష్ రేట్ను కలిగి ఉంది. Realme 11 Pro+ 2.33mm అల్ట్రా-చిన్ను కలిగి ఉంటుందని అధికారిక పోస్టర్ వెల్లడించింది.
అదనంగా, రియల్మి 11 Pro+ మోడల్ నంబర్ RMX3740తో Geekbench లిస్టింగ్లో కనిపించింది. Nashville Chatter నివేదిక ప్రకారం.. Realme 11 Pro+ 5G మోడల్ MediaTek డైమెన్సిటీ 7050 SoC ద్వారా అందించవచ్చు. ఎందుకంటే 2.6 GHz వద్ద రెండు కోర్లు, 2.0 GHz వద్ద 6 కోర్లతో వస్తుంది. బెంచ్మార్కింగ్ వెబ్సైట్లో సింగిల్-కోర్ టెస్టులో ఈ ఫోన్ 838, మల్టీ-కోర్ పరీక్షలో 2302 స్కోర్ చేసింది. లిస్టింగ్ ఫోన్కు సాఫ్ట్వేర్ సపోర్టు, RAM కాన్ఫిగరేషన్ను కూడా సూచించింది.
రియల్మి 11 Pro+ మోడల్ 12GB RAM, Android 13 OS అవుట్-ఆఫ్-ది-బాక్స్లో రన్ అయ్యే అవకాశం ఉంది. రియల్మి 11 Pro+ నవంబర్ 2022లో రిలీజ్ అయిన Realme 10 Pro+ అప్గ్రేడ్ వెర్షన్.. ఈ ఫోన్ 120Hz రిఫ్రెష్ రేట్, 2,160Hz PWM, 6.7-అంగుళాల కర్వ్డ్ AMOLED డిస్ప్లేను కలిగి ఉంది. ఆక్టా-కోర్ 6nm MediaTek డైమెన్సిటీ 1080 5G SoC ద్వారా రన్ అవుతుంది. గరిష్టంగా 8GB వరకు LPDDR4X RAMతో రానుంది.