Breakfast : ఉదయం అల్పాహారం విషయంలో అపోహలు ఉన్నాయా? తినకపోవటం, ఆలస్యంగా తినటం వంటి తప్పులు చేస్తున్నారా?

శరీరం యొక్క పోషక అవసరాలను తీర్చడానికి గొప్ప మార్గం అల్పాహారంగా వెజిటబుల్ స్మూతీని తీసుకోవటం. ఎందుకంటే కూరగాయలలో విటమిన్లు, ఖనిజాలను పొందవచ్చు.

Breakfast : అల్పాహారం రోజులో అత్యంత కీలకమైనది. కొందరు వ్యక్తులు దానిని పూర్తిగా మానేయటం, ఆలస్యంగా తినడం వంటి తప్పులు చేస్తుంటారు. అనేక మందిలో రోజువారిగా తీసుకునే అల్పాహారం విషయంలో అనేక అపోహలు ఉంటాయి. అయితే అపోహలను తొలగించుకోవాల్సిన అవసరం ఉందని నిపుణులు సూచిస్తున్నారు.

అల్పాహారం గురించి అపోహలు

అపోహ 1: బరువు తగ్గడానికి ప్రయత్నిస్తున్నప్పుడు, అల్పాహారం మానేస్తే? ;

రాత్రి సమయంలో శరీరం ఉత్ప్రేరక స్థితికి లోనవుతుంది. అవసరమైన దానికంటే ఎక్కువసేపు ఉపవాసం ఈ పరిస్థితిని మరింత తీవ్రతరం చేస్తుంది. శరీర జీవక్రియను నెమ్మదించేస్తుంది. కాబట్టి, ఉదయం అల్పాహారం తీసుకోవడం చాలా అవసరం. ఇది మీ శరీరం యొక్క జీవక్రియను వేగవంతం చేస్తుంది, తక్కువ లేదా అధిక రక్త చక్కెర స్థాయిల ప్రమాదాన్ని తగ్గిస్తుంది, అధిక ఆకలి లేకుండా చేస్తుంది. అతిగా తినే ప్రమాదాన్ని నివారిస్తుంది. అంతేకాకుండా, అల్పాహారం సంతృప్తిని అందిస్తుంది. రోజంతా మీ శారీరక విధులను నిర్వర్తించటానికి వీలు కలుగుతుంది. బరువు తగ్గాలని ప్రయత్నిస్తున్నట్లయితే అల్పాహారాన్ని ఎప్పుడూ దాటవేయవద్దు.

అపోహ 2: కార్బోహైడ్రేట్లు మరియు ప్రోటీన్లను కలిపి తీసుకోకూడదా? ;

వాస్తవం: ఎక్కువ మోతాదులో భోజనం తినడానికి బదులుగా, అల్పాహారంలో అవసరమైన పోషకాలను జోడించడానికి ప్రయత్నించండి. అల్పాహారం అనేది కార్బోహైడ్రేట్లు, ప్రోటీన్లు, ఫైబర్ ,ఆరోగ్యకరమైన కొవ్వుల కలయికగా ఉండాలి. గుడ్డు తినడం, కూరగాయలతో టోస్ట్ చేయడం, తృణధాన్యాలు, గింజలు, పండ్లు, కూరగాయలు, పాలతో ఓట్స్ లేదా కూరగాయలతో రోటీలు తినడం వంటి అల్పాహారాలు తీసుకోవాలి. పిండి పదార్థాలు మరియు ప్రోటీన్లను కలిపి తినలేరనేది అపోహమాత్రమే. వాస్తవానికి, ప్రోటీన్ మరియు కార్బోహైడ్రేట్లు రెండూ జీవక్రియ, కొవ్వును కరిగించే రేటును పెంచుతాయి.

అపోహ 3: ఆలస్యంగా అల్పాహారం తినడం మంచిదేనా? ;

కాంప్లెక్స్ కార్బోహైడ్రేట్లు, లీన్ ప్రొటీన్‌లతో కూడిన అల్పాహారాన్ని నిద్రలేచిన ఒక గంటలోపు తప్పనిసరిగా తీసుకోవాలి. లేకపోతే, శరీరంలో కొవ్వు తక్కువగా కరుగుతుంది. అల్పాహారం సమయంలో తీసుకునే ఆహారం మిగిలిన రోజు తినేదానిపై ప్రభావం చూపుతుంది, రక్తంలో చక్కెర స్థాయిలను సమతుల్యం చేయడంలో సహాయపడుతుంది. తినాలన్న కోరికలను అరికడుతుంది. గమనించదగ్గ మరో విషయం ఏమిటంటే, క్రానిక్ ఫెటీగ్ ఉన్నవారు నిద్రలేచిన ఒక గంటలోపు అల్పాహారం తినాలి. దీనివల్ల శరీరం పునరుజ్జీవనం పొందుతుంది. కాబట్టి, అల్పాహారం ఆలస్యంగా తినడం సరైంది కాదని గుర్తుంచుకోవాలి.

అపోహ 4: అల్పాహారం తప్పనిసరిగా రోజులో అత్యంత భారీగా తీసుకోవాలా? ;

అధిక అల్పాహారం, తేలికపాటి రాత్రి భోజనం కేలరీలు బర్నింగ్ మరియు బరువు తగ్గడాన్ని ప్రోత్సహిస్తుందని ఒక సాధారణ భావన అందరిలో ఉంది. నిజానికి, జర్నల్ సెల్ మెటబాలిజమ్‌లో ప్రచురించబడిన పరిశోధన ప్రకారం, ఉదయం పూట ఎక్కువ కేలరీలు తీసుకోవడం వల్ల రాత్రిపూట అదే కేలరీలు తినడం కంటే ఎక్కువ బరువు కోల్పోవడంలో సహాయపడలేదని నిపుణులు చెబుతున్నారు. సిఫార్సు చేయబడిన అల్పాహారం పరిమాణం ఎక్కువగా ఒక వ్యక్తి యొక్క ఎత్తు, బరువు, వ్యాయామం స్థాయిపై ఆధారపడి ఉంటుంది. ఉదయం సరైన పరిమాణంలో, నాణ్యతతో కూడిన ఆహారాన్నితీసుకోవటం అన్నది చాలా ముఖ్యం.

అపోహ 5: అల్పాహారం కోసం వెజిటబుల్ స్మూతీని తీసుకోవాలా? :

శరీరం యొక్క పోషక అవసరాలను తీర్చడానికి గొప్ప మార్గం అల్పాహారంగా వెజిటబుల్ స్మూతీని తీసుకోవటం. ఎందుకంటే కూరగాయలలో విటమిన్లు, ఖనిజాలను పొందవచ్చు. అలాగని స్మూతీలను మాత్రమే తీసుకోవటం సరైందికాదు. ఈ అసమతుల్యత వల్ల రక్తంలో చక్కెర స్థాయిలు మందగిస్తుంది. శరీర జీవక్రియ రేటును నివారించడానికి, స్మూతీకి తగిన ప్రోటీన్ లను జోడించాలి. అల్పాహారంగా స్మూతిలో కొన్ని పండ్లను తీసుకోవటం మంచిది.

అపోహ 6: అల్పాహారాన్ని కాఫీ లేదా టీతో ప్రారంభించడం మంచిదేనా? ;

ఉదయాన్నే నిద్రలేవడానికి టీ లేదా కాఫీని బ్రేక్‌ఫాస్ట్‌గా తాగడం మంచిదని చాలా మంది అనుకుంటారు. అయితే ఖాళీ కడుపుతో ఈ పానీయాలను తీసుకుంటే వీటిలో ఉండే యాసిడ్ మరియు కెఫిన్ జీర్ణవ్యవస్థను ప్రభావితం చేస్తాయి. అజీర్ణం మరియు యాసిడ్ రిఫ్లక్స్‌కు కారణమవుతాయి. ఈ పానీయాలు నిర్జలీకరణకు దారితీస్తాయి. కాబట్టి వీటికి బదులుగా ఉదయం ప్రారంభించడానికి ప్రోటీన్ షేక్, వెజిటబుల్ స్మూతీ లేదా ఫ్రూట్ జ్యూస్ తీసుకోవాలి. రక్తంలో చక్కెర స్థాయిలపై చక్కెర ప్రతికూల ప్రభావాలను నివారించడానికి పండ్ల రసాలలో చక్కెరకు ప్రత్యామ్నాయాన్ని ఉపయోగించటం శ్రేయస్కరం

అపోహ 7: అల్పాహారం దాటవేయడం మంచి అనుభూతిని కలిగిస్తుందా? ;

ఇందులో అస్సలు వాస్తంలేదు. నిజానికి, అల్పాహారం తినకపోవటం వల్ల తలనొప్పి, బ్లడ్ షుగర్ తగ్గడం వంటి సమస్యలు వస్తాయి. శరీరంలో పోషకాల కొరత అనేక ఆరోగ్య సమస్యలను ఆహ్వానించటానికి దారితీస్తుంది. అల్పాహారం అనేది రోజులో కీలకమైన భోజనం అయినందున ఆరోగ్యకరమైన వస్తువులను మాత్రమే అల్పాహారంగా తీసుకోవాలి. అల్పాహారాన్ని పొరపాటున కూడా తీసుకోకపోవటం చేయరాదు.