RGV: హీరోలలో విజయ్ లాంటి హీరోను చూడలే.. వర్మ ట్వీట్!

రామ్ గోపాల్ వర్మ.. వివాదాలు ఎక్కడ ఉన్నా హగ్ చేసుకొని మరీ తెచ్చిపెట్టుకోవడం ఈయన స్టైల్. ఆయన చెప్పేది మంచిదే అయినా వివాదాస్పదం కావాలనే చెప్తారేమో అనిపిస్తుంది. సినిమా గురించి మాట్లాడినా.. మన హీరోల గురించి మాట్లాడినా.. ఆయనకి నచ్చింది.. అనిపించింది అనేసి.. అంతా నా ఇష్టం అనడం మనం ఇప్పటికే చూశాం.

RGV: హీరోలలో విజయ్ లాంటి హీరోను చూడలే.. వర్మ ట్వీట్!

Rgv

RGV: రామ్ గోపాల్ వర్మ.. వివాదాలు ఎక్కడ ఉన్నా హగ్ చేసుకొని మరీ తెచ్చిపెట్టుకోవడం ఈయన స్టైల్. ఆయన చెప్పేది మంచిదే అయినా వివాదాస్పదం కావాలనే చెప్తారేమో అనిపిస్తుంది. సినిమా గురించి మాట్లాడినా.. మన హీరోల గురించి మాట్లాడినా.. ఆయనకి నచ్చింది.. అనిపించింది అనేసి.. అంతా నా ఇష్టం అనడం మనం ఇప్పటికే చూశాం. అలాంటిది.. ఆయన శిష్యుడు పూరి జగన్నాథ్ సినిమా గురించి మాట్లాడితే ఆ రేంజ్ వేరుగా ఉంటుంది కదా. వర్మ ఇప్పుడు అదే చేశారు.

ప్రస్తుతం డాషింగ్ డైరెక్టర్ పూరి జగన్నాద్ దర్శకత్వంలో విజయ్ దేవరకొండ హీరోగా లైగర్ చిత్రాన్ని తెరకెక్కిస్తున్నారు. విజయ్ కెరీర్ లో భారీ బడ్జెట్ తో పాన్ ఇండియా మూవీగా తెరకెక్కిస్తున్న ఈ సినిమాపై ఇటు తెలుగు ప్రేక్షకులతో పాటు బాలీవుడ్ ఇండస్ట్రీ కూడా ఆసక్తిగా ఎదురుచూస్తుంది. అయితే.. ఈ సినిమాలోని కొన్ని సన్నివేశాలను చూసినట్లు తెలిపిన వర్మ సినిమాపై.. హీరో విజయ్ మీద ఆసక్తికర కామెంట్స్ చేశారు.

ఈ సినిమాలో టైగర్, లయన్ క్రాస్ ఓవర్ కంటే.. హీరో విజయ్ దేవరకొండ.. సూపర్ క్రాస్ ఓవర్ పవన్, మహేష్, రవితేజ అంటూ చెప్పుకొచ్చారు. తెరమీద విజయ్ ను లైగర్ గా చూస్తే గొప్పగా ఉన్నాడని.. తను చూసిన స్టార్ హీరోలందరిలో ఈ రెండు దశాబ్దాల్లో విజయ్ లాంటి హీరోను చూడలేదు అంటూ ట్వీట్ చేశారు. నిర్మాతలు కరణ్ జోహార్, ఛార్మిలతో పాటు దర్శకుడు పూరికి వర్మ స్పెషల్ థాంక్స్ కూడా చెప్పుకున్నారు. అయితే వర్మ ట్వీట్ ను పవన్, మహేష్ అభిమానులు ఎలా తీసుకుంటారో చూడాలి!