Sarkaru Vaari Paata: ‘సర్కారు వారి పాట’లో మరో స్పెషల్.. ఆసక్తి రేపుతున్న థమన్ ట్వీట్!

Sarkaru Vaari Paata: టాలీవుడ్ సూపర్ స్టార్ మహేష్ బాబు నటిస్తున్న లేటెస్ట్ మూవీ ‘సర్కారు వారి పాట’ అన్ని పనులు ముగించుకుని మరో రెండు రోజుల్లో ప్రేక్షకుల ముందుకు వచ్చేందుకు రెడీ అయ్యింది. ఈ సినిమాతో మహేష్ బాబు మరోసారి బాక్సాఫీస్ వద్ద తన సత్తా చాటడం ఖాయమని చిత్ర వర్గాలతో పాటు ప్రేక్షకులు కూడా ఆశిస్తున్నారు. ఇప్పటికే రిలీజ్ అయిన పోస్టర్స్, సాంగ్స్, టీజర్, ట్రైలర్స్ ఈ సినిమాపై అంచనాలను డబుల్ చేశాయి. ఇక రీసెంట్‌గా ఈ సినిమా ప్రీరిలీజ్ ఈవెంట్‌లో చిత్ర యూనిట్ కాన్ఫిడెంట్‌గా ఉండటంతో ఈ సినిమా సక్సెస్ కావడం ఖాయమని అందరూ అనుకుంటున్నారు. అయితే ఈ సినిమా గురించి రోజుకో ట్వీట్ చేస్తూ మ్యూజిక్ డైరెక్టర్ థమన్ సోషల్ మీడియాలో ఈ సినిమా క్రేజ్‌ను మరింత పెంచుతున్నాడు.

Sarkaru Vaari Paata: మాసివ్ హిట్ టార్గెట్‌గా ఎస్‌వీపీ.. బాక్సాఫీస్ బద్దలే!

తాజాగా ఈ సినిమాలో ఓ స్పెషల్ సాంగ్ గురించి థమన్ చేసిన ట్వీట్ ప్రస్తుతం హాట్ టాపిక్‌గా మారింది. ఈ సినిమా టైటిల్ ట్రాక్ ‘సర్కారు వారి పాట’ సాంగ్ ఎంతపెద్ద హిట్ అయ్యిందో అందరికీ తెలిసిందే. ఈ పాటకు ఓ ర్యాప్ వర్షన్ కూడా ఉండబోతుందని, ఈ పాట సినిమాకే హైలైట్‌గా మారుతుందని థమన్ చెప్పుకొచ్చాడు. తనకు నచ్చిన సీన్స్‌లో ఈ ర్యాప్ వర్షన్ ఉంటుందని, అది ప్రేక్షకులను ఖచ్చితంగా ఆకట్టుకుంటుందని థమన్ పేర్కొన్నాడు. ఇక ఈ సినిమా బీజీఎం కూడా ఓ రేంజ్‌లో ఉండబోతుందని, డాల్బీ మిక్సింగ్‌తో బాక్సులు బద్దలవడం ఖాయమని థమన్ అంటున్నాడు.

Sarkaru Vaari Paata: సర్కారు వారి పాట.. లీకు రాయుళ్ల పుణ్యమే!

మరి నిజంగానే ఈ సినిమాలో సర్కారు వారి పాట ర్యాప్ సాంగ్ స్పెషల్‌గా మారబోతుందా అనేది తెలియాలంటే మరో రెండు రోజులు వెయిట్ చేయాల్సిందే. ఈ సినిమాలో మహేష్ అల్ట్రా స్టైలిష్ లుక్ ఇప్పటికే ప్రేక్షకుల్లోకి ఏ రేంజ్‌లో వెళ్లిపోయిందో మనం చూశాం. ఇక ఈ సినిమాలో మహేష్ సరసన అందాల భామ కీర్తి సురేష్ హీరోయిన్‌గా నటిస్తుండగా, పరశురామ్ పెట్ల ఈ సినిమాను డైరెక్ట్ చేస్తున్నాడు. మరి సర్కారు వారి పాట బాక్సాఫీస్ వద్ద ఎలాంటి రికార్డుల మోత మోగిస్తుందో చూడాలి.

#SuperStar’s @urstrulyMahesh #SarkaaruVaariPaata Loading With #Blockbuster Vibes written All over It 💨🚀🧨@DolbyCinema FINAL CHECK 🎛🔊

Get Ready To See the #Additional #SarkaaruVaariPaataRapSong IN MY Fav Scenes of the film FULL HIGH FULL VOLUME 💥💥💥@ParasuramPetla 🧨 pic.twitter.com/aEBJLwsAU3

— thaman S (@MusicThaman) May 10, 2022