CAA: సీఏఏను కేరళలో అమలు చేయబోం – కేరళ సీఎం

వివాదాస్పద పౌరసత్వ (సవరణ) చట్టాన్ని (సిఎఎ) కేరళలో అమలు చేయమని ఆ రాష్ట్ర ముఖ్యమంత్రి పినరయి విజయన్ గురువారం తేల్చి చెప్పారు. తమ ప్రభుత్వ మొదటి వార్షికోత్సవ వేడుకల ముగింపు సందర్భంగా ఏర్పాటు చేసిన కార్యక్రమంలో ఆయన మాట్లాడారు.

CAA: వివాదాస్పద పౌరసత్వ (సవరణ) చట్టాన్ని (సిఎఎ) కేరళలో అమలు చేయమని ఆ రాష్ట్ర ముఖ్యమంత్రి పినరయి విజయన్ గురువారం తేల్చి చెప్పారు. తమ ప్రభుత్వ మొదటి వార్షికోత్సవ వేడుకల ముగింపు సందర్భంగా ఏర్పాటు చేసిన కార్యక్రమంలో ఆయన మాట్లాడారు.

“పౌరసత్వ సవరణ చట్టం (సీఏఏ)పై ప్రభుత్వానికి స్పష్టమైన వైఖరిని కొనసాగిస్తాం” అని స్పష్టం చేశారు.

“భారత రాజ్యాంగంలో పేర్కొన్న లౌకికవాద సిద్ధాంతంపైనే ఇండియా పనిచేస్తోంది. సెక్యులరిజాన్ని ధ్వంసం చేసేందుకు ప్రయత్నాలు జరుగుతున్నాయి”

Read Also : సీఏఏని కూడా రద్దు చేయాల్సిందే

“దీనిపై కొంతమంది ప్రజలు తీవ్ర ఆందోళనకు గురవుతున్నారు. ఇటీవల జరిగిన ఘటనలో ఓ వర్గం ప్రజలు మతం ఆధారంగా పౌరసత్వాన్ని నిర్ణయిస్తున్నారు. ఇటువంటి ఘటనలు పునరావృతం కాకుండా కేరళ ప్రభుత్వం గట్టి వైఖరి చూపించనుంది” అని సీఎం పినరయి వివరించారు.

“ప్రజల మధ్య మతపరమైన ఉద్రిక్తతలను సృష్టించేందుకు దేశంలోని పలు ప్రాంతాల్లో అనేక సర్వేలు జరుగుతున్నాయి. కానీ మన సమాజంలో అత్యంత పేద కుటుంబాలను గుర్తించడానికి ఒక సర్వే పూర్తయింది. ఈ సర్వేలో భాగంగా తదుపరి చర్యలు తీసుకుంటాం.”

గత నెల, కేంద్ర హోం మంత్రి అమిత్ షా పశ్చిమ బెంగాల్‌లోని సిలిగురిలో COVID-19 మహమ్మారి ముగిసిన తర్వాత చట్టాన్ని అమలు చేస్తామని చెప్పారు. పౌరసత్వ (సవరణ) చట్టం, 2019 డిసెంబరు 11, 2019న భారత పార్లమెంటు ఆమోదించింది, కానీ ఇంకా అమలులోకి రాలేదు, హిందూ, సిక్కు, బౌద్ధ, జైన, పార్సీ, క్రిస్టియన్ వర్గాల వారికి పౌరసత్వం కల్పించడం లక్ష్యంగా పెట్టుకుంది.