Agra : పుష్ప సినిమాను ఫాలో అయిన ఆగ్రా స్మగ్లర్లు

తాజ్ నగరంలో వెళుతున్న కెమికల్ ట్యాంకర్ పై పోలీసులకు అనుమానం కలిగింది. వెంటనే దానిని ఆపి చెక్ చేశారు. ఒక క్యాబిన్ లో రసాయనం ఉంచగా.. మరొక క్యాబిన్ లో మద్యం డబ్బాలను ఉంచారు.

Agra : టాలీవుడ్ స్టైలిష్ స్టార్ అల్లు అర్జున్ నటించిన పుష్ప ఘన విజయం సాధించిన సంగతి తెలిసిందే. వైరైటీ లుక్ తో.. డైలాగ్స్ అదరగొట్టాడు. ఎర్రచందనం స్మగ్లింగ్ నేపథ్యంలో ఈ సినిమా రూపొందింది. ఫిల్మ్ చూసి వారు అలాగే స్మగ్లింగ్ చేయాలని కొంతమంది ప్రయత్తిస్తూ అడ్డంగా బుక్ అయిపోతున్నారు. తాజాగా.. ఆగ్రాలో గత కొన్ని నెలలుగా అనేక స్మగ్లింగ్ ప్రయత్నాలు జరిగాయి. యూపీలో జరుగుతున్న ఎన్నికల్లో అక్రమంగా మద్యాన్ని తరలించాలని స్మగర్లు ప్లాన్ వేశారు. ఇందుకు కొత్త పథకాన్ని అమలు చేశారు. కెమికల్ ట్యాంకర్ లో మద్యాన్ని తరలిస్తే పట్టుబడమని వారు భావించారు.

అయితే.. తాజ్ నగరంలో వెళుతున్న కెమికల్ ట్యాంకర్ పై పోలీసులకు అనుమానం కలిగింది. వెంటనే దానిని ఆపి చెక్ చేశారు. ఒక క్యాబిన్ లో రసాయనం ఉంచగా.. మరొక క్యాబిన్ లో మద్యం డబ్బాలను ఉంచారు. ఆగ్రాలోని హరిపర్బత్ పోలీసులు తనిఖీలు చేపట్టి మొత్తం 360 మద్యం కార్టన్ లను స్వాథీనం చేసుకున్నారు. పుష్ప సినిమాలో ఎర్రచందనం దుంగలను రవాణా చేయడానికి పాల ట్యాంకర్ లను ఉపయోగించిన సంగతి తెలిసిందే. ఇలాంటి ఘటనలు అనేక రాష్ట్రాల్లో చోటు చేసుకున్నాయి. అయితే.. పోలీసుల తనిఖీల్లో వారి ప్లాన్ బెడిసికొడుతోంది.