Sridhar Rao : సంధ్య కన్వెన్షన్ ఎండీ శ్రీధర్ రావుకు మళ్లీ నోటీసులు

సంధ్య కన్వెన్షన్ ఎండీ శ్రీధర్ రావు ఇంటికి పోలీసులు మళ్లీ నోటీసులు పంపారు. శ్రీధర్ రావు..బెయిల్ మీద రిలీజ్ అయ్యాక.. విచారణకు హాజరుకాకుండా తప్పించుకు తిరుగుతున్నాడు.

10TV Telugu News

Notices to MD Sridhar Rao : సంధ్య కన్వెన్షన్ ఎండీ శ్రీధర్ రావు ఇంటికి పోలీసులు మళ్లీ నోటీసులు పంపారు. శ్రీధర్ రావు..బెయిల్ మీద రిలీజ్ అయ్యాక.. విచారణకు హాజరుకాకుండా తప్పించుకు తిరుగుతున్నాడు. దీంతో పోలీసులు అతనికి మళ్లీ నోటీసులు పంపారు. ఈ మధ్యే రాయదుర్గం పోలీస్ స్టేషన్ లో నమోదైన కేసుల్లో శ్రీధర్ రావును అరెస్టు చేశారు. తర్వాత కోర్టు షరతులతో కూడిన బెయిల్ మంజూరు చేసింది. బెయిల్ పై బయటకు వచ్చాక శ్రీధర్ రావు పోలీసులకు అందుబాటులో లేకుండా పోయారు. ఇప్పటికే ఆయనపై నార్సింగి, రాయదుర్గం, సనత్ నగర్ పోలీస్ స్టేషన్లలో కేసులు నమోదు అయ్యాయి.

డబ్బులు తీసుకుని ఫ్లాట్స్ అప్పగించకుండా మోసానికి పాల్పడ్డ సంధ్య కన్వెన్షన్ ఎండీ శ్రీధర్ రావు చుట్టు ఉచ్చు బిగుస్తుందని చెప్పవచ్చు. నార్సింగ్ పోలీస్ స్టేషన్ లో నమోదైన కేసులో అటెండ్ కాకపోవడంతో శ్రీధర్ రావుకు పోలీసులు నోటీసులు ఇచ్చారు. కానీ పోలీసుల నోటీసులకు ఎలాంటి రెస్సాన్స్ ఇవ్వకపోవడంతో ఇవాళ మరోసారి నార్సింగ్ పోలీసులు శ్రీధర్ రావు ఇంటికి నోటీసులు అందజేశారు. ఈ నోటీసులకు రెస్పాన్స్ ఇవ్వకపోతే అతనికి మరోసారి నోటీసులు జారీ చేసి అతన్ని అరెస్టు చేస్తామని నార్సింగి పోలీసులు చెబుతున్నారు.

Student Murder : నెల్లూరు జిల్లాలో దారుణం.. బీటెక్ విద్యార్థిని హత్య చేసి కాల్చేసిన దుండగులు

వారం రోజులుగా శ్రీధర్ రావు కోసం వెతికినప్పటికీ అతని ఆచూకీ లభించలేదు. ఫోన్ స్విచ్ఛాప్ వస్తోంది. ఇంటికి వెళ్లినా అతని ఆచూకీ లభించలేదని పోలీసులు చెబుతున్నారు. ఈనేపథ్యంలోనే పోలీసులు నోటీసులు అందించారు. కాబట్టి ఈ నోటీసులకు రెస్పాన్స్ ఇవ్వకపోతే కచ్చితంగా అదుపులోకి తీసుకుంటామని పోలీసులు చెబుతున్నారు.

×