Vijayasai Reddy: విజయసాయిరెడ్డికి షాక్.. విచారణకు రావాలంటూ సిట్‌ నోటీసులు
ఈ కేసులో కసిరెడ్డి రాజశేఖర్‌రెడ్డికి మూడుసార్లు అధికారులు నోటీసులు ఇచ్చినప్పటికీ ఆయన విచారణకు రాలేదు.
- Published By: 10TV Digital Team ,Published On : April 15, 2025 / 02:26 PM IST
మద్యం కుంభకోణం కేసులో విచారణకు రావాలంటూ మాజీ ఎంపీ విజయసాయిరెడ్డికి ప్రత్యేక దర్యాప్తు బృందం (సిట్‌) నోటీసులు జారీ చేసింది. వైసీపీ అధికారంలో ఉన్న సమయంలో మద్యం కుంభకోణం జరిగిందన్న ఆరోపణలపై విచారణ జరుగుతున్న విషయం తెలిసిందే.
Also Read: దుబాయిలో పాకిస్థాన్ వ్యక్తి చేతిలో ప్రాణాలు కోల్పోయిన ఇద్దరు తెలంగాణ వాసులు
ఈ కేసులో ఏప్రిల్‌ 18న విజయవాడలోని తమ ఆఫీసులో విచారణకు హాజరుకావాలని విజయసాయిరెడ్డికి సిట్‌ చెప్పింది. మద్యం కుంభకోణంపై సిట్‌ ఇప్పటికే కసిరెడ్డి రాజశేఖర్‌రెడ్డి ఇళ్లు, కార్యాలయాల్లో నిన్న సోదాలు చేసింది. హైదరాబాద్‌లోని 3 ప్రాంతాల్లో 50 మంది సిట్‌ అధికారులు ఇందులో పాల్గొన్నారు.
ఈ కేసులో కసిరెడ్డి రాజశేఖర్‌రెడ్డికి మూడుసార్లు అధికారులు నోటీసులు ఇచ్చినప్పటికీ ఆయన విచారణకు రాలేదు. ఆయన ఫోన్లు స్విచ్ఛాఫ్‌ వస్తున్నట్లు తెలుస్తోంది. కసిరెడ్డిని విచారిస్తే ఈ కుంభకోణానికి సంబంధించి కీలక విషయాలు బయటకు వచ్చే ఛాన్స్‌ ఉందని అధికారులు భావిస్తున్నారు.
