Today Horoscope: నేటి రాశి ఫలాలు.. ఈ రాశుల వారికి వ్యాపారంలో లాభములు..!

ఈ రోజు (మంగళవారం, అక్టోబర్ 8, 2024న) ఏ రాశి వారికి ఎలాంటి ఫలితం ఉంటుందో.. ప్రముఖ జ్యోతిష్య, వాస్తు శాస్త్ర పండితులు బ్రహ్మశ్రీ డాక్టర్ నాయకంటి మల్లికార్జున శర్మ అందించిన నేటి 12 రాశుల ఫలితాలు వివరాలు...

జోతిష్యం అంటే మీ భవిష్యత్తు గురించిన సూచన. చాలామంది వ్యక్తులు భవిష్యత్తును దైవికంగా చెప్పడానికి జాతకం నిజమైన మార్గమని నమ్ముతారు. మీ రాశి ఫలాలు ఇవాళ ఈ కింది విధంగా ఉన్నాయి. ప్రముఖ జ్యోతిష్య, వాస్తు శాస్త్ర పండితులు బ్రహ్మశ్రీ డాక్టర్ నాయకంటి మల్లికార్జున శర్మ వీటిని అందించారు. ఇవాళ ఏ రాశి వారికి ఎలాంటి ఫలితం ఉంటుందో, మీ రాశి ఫలాలు ఎలా ఉన్నాయో చూడండి..

శ్రీ క్రోధి నామ సంవత్సర ఆశ్వయుజ మాస శుద్ధపంచమి : మ.11.17 , జ్యేష్ఠ రాతె 4 :08 ఈ రోజు ద్వాదశ రాశుల పలితములు 

మేష రాశి: అనారోగ్యము నుంచి కోలుకోవడం, ధనాన్ని పొదుపు చేయడం, మీరు మీ పనులను పూర్తి చేయని కారణంగా ఆఫీసులో మీ ఉన్నతాధికారుల ఆగ్రహానికి గురవుతారు. కుటుంబంలో సమస్యలు, సోమరితనం, అయిష్టమైన భోజనము, వ్యాపారంలో లాభములు, పనులలో ఆలస్యము, విద్యార్థులకు ప్రతికూల ఫలితములు. దక్షిణామూర్తి స్తోత్ర పారాయణం చేయడం వల్ల శుభ ఫలితములు కలుగుతాయి

వృషభ రాశి: ప్రముఖలతో పరిచయములు, వ్యాపారములో లాభములు, శ్రమను వృథా చేసుకోకూడదు, అవకాశాలు వినియోగించు కోవాలి, ధనధాన్యలాభములు, కుటుంబంలో సంతోషము, విద్యార్థులకు అనుకూలము, ఉద్యోగ వ్యాపారములో అధిక ఆదాయం, విదేశీయానం, దూరపు ప్రయాణములు. దత్తాత్రేయ కవచం పారాయణము చేసిన ఉత్తమ ఫలితాలు వస్తాయి.

మిధున రాశి: మీరు ప్రేమించిన వారితో వివాదములు రాకుండా చూసుకోండి, అధిక లాభములు, ఏ రంగంలోనైనా అభివృద్ధి, కుటుంబములోని వారికి ఆరోగ్యము, ఆదరాభిమానములు పొందడం, విద్యావంతులకు, సన్మానములు, వివాహ సంబంధములు కుదురుతాయి, పిత్రార్జితము ద్వారా కలసివస్తుంది. దత్తాత్రేయ స్తోత్ర పారాయనం చేసిన శుభ ఫలితములు కలుగుతాయి.

కర్కాటక రాశి: మనస్తాపం, ఉద్యోగలాభం, పనులలో ఆలస్యం, నిధానంగా జరగడం స్వజనులతో విరోధము, అకాల భోజనం, ఉద్యోగంలో అనుకూలత, ప్రయాణముల వలన లాభం, ప్రతిపనిలో విజయం, నూతన వస్త్రముల కొనుగోలు. సుదర్శన మంత్రము చదివిన మంచి ఫలితాలు వస్తాయి.

సింహ రాశి: అనవసర కార్యములకు ధనవ్యయం, అపకీర్తి, స్థానచలనము, శరీరంలో వాతము, సోమరితనము, స్త్రీమూలకముగా తగవుల వలన మనఃశాంతి లోపించును, మనోవేదనల వలన ఏ నిర్ణయమూ త్వరగా తీసుకోలేరు, వ్యాపారాల్లో నష్టము. శివ ఆరాధన చేసినచో అపాయములు తొలుగుతాయి.

కన్యా రాశి: ధనము కలసిరావడం, ప్రేమపెళ్లిళ్లు, ఇరుగు పొరుగు వారితో అనుకూలత కలుగును, బంధు వర్గంలో గౌరవము ఆధిక్యతలు కలుగును, సంతోషముగా కాలము గడుపుతారు, విందు వినోదములు, శుభకార్య నిర్వాహణ. రాజరాజేశ్వరి అమ్మవారి ఆరాధన చేయ వలెను.

తులా రాశి: రోగ భయము, ఉద్యోగంలో అనుకూలం, అకాల భోజనములు కలుగును, నమ్మిన వారివలన మోసపోవడం, స్త్రీ మూలకంగా చికాకులు, వ్యాపారంలో ఇబ్బందులు, ప్రతి పనిలో విజయం, రహస్యములు దాచటం, ప్రయాణములలో ఆటంకములు. దేవి స్తోత్ర పారాయణం చేసినచో ఉత్తమైమన ఫలితములు కలుగుతాయి.

వృశ్చిక రాశి: బంధుమిత్రులతో విందులు, వినోదమలు, విలువైన వస్త్రములు కొనుగోలు చేయడం, ధనవృత్తి విషయంలో అభివృద్ది కలగడం, ఆనందంగా కాలము గడుపుతారు, వ్యాపారంలో లాభములు, మానసిక వేదనలు. శ్రీ సుబ్రహ్మణేశ్వర స్వామి వారి ఆరాధనం వల్ల శుభం కలుగుతుంది.

ధనస్సు రాశి: ప్రయణంలో ప్రయాసలు కలుగుట, వివాహాది శుభకార్యక్రమములకు ఆటంకములు కలుగును. పై అధికారులతో మాటలు పడవలసి వచ్చును. బంధు, పుత్ర, మిత్రులతో మాటామాట పట్టింపులు కలుగును, మనస్సు ఇబ్బందికరమైన సంఘటన కలుగును. దత్త కవచ పారాయనం చేయవలెను, శుభం జరుగును.

మకర రాశి: విందు వినోదములు, లాభాదాయకమైన ప్రయాణములు, సహాయ సహకారములు, వృత్తి ఉద్యోగముల యందు ఉహించని లాభములు, ఇష్టులైన వారితో అనుభవజ్ఞులతో సలహా సంప్రతింపులు చేస్తారు. శివారాధన వలన మేలు జరుగుతుంది.

కుంభ రాశి: తలచిన ప్రతిపని కార్యము దాల్చును. గొప్పవ్యక్తులు, నూతన వ్యక్తులతో పరిచయములు కలుగును. ఫ్యాన్సీ, వెండి, బంగారు, నగలు, విలువైన దుస్తులు కొనుగోలు చేస్తారు. చేయు వృత్తి, ఉద్యోగ వ్యాపారములలో అభివృద్ధి, రాణింపు ఉంటుంది. శ్రీ ఆంజనేయ స్వామి ఆరాధనవలన మంచి జరుగుతుంది.

మీన రాశి: స్థానచలనం, పేరు ప్రఖ్యాతలు కలగడం అన్నింటా విజయము, వృత్తి, ఉద్యోగములలో అభివృద్ధి, రుణబాధలు తగ్గుతాయి, పిల్లల మాట, భార్య మాట వింటారు. మధుర భోజనములు చేస్తారు. ధనలాభం, గౌరవ సన్మానములు పొందుతారు. శ్రీ వేంకటేశ్వర స్వామి ఆరాధన చేయటం వల్ల మంచి జరుగుతుంది.

— బ్రహ్మశ్రీ డాక్టర్ నాయకంటి మల్లికార్జున శర్మ

Contact: 9849280956, 9515900956