Horoscope Today : ఈ మూడు రాశుల వారికి ఈరోజు తిరుగులేదు..!

మీ పనితీరుకు పెద్దల నుంచి ప్రశంసలు దక్కుతాయి. పట్టుదలతో అనుకున్న లక్ష్యాన్ని అందుకుంటారు. కుటుంబ సభ్యుల సహకారంతో ప్రయోజనం చేకూరుతుంది. ఆర్థిక విజయం చేకూరుతుంది. శివారాధనతో మేలు కలుగుతుంది.

Today Horoscope

Horoscope Today : నవగ్రహాల్లో ఆరు గ్రహాలు సమసప్తక స్థితిని పొందాయి. పంచగ్రహ కూటమి తాలూకు ప్రభావం తగ్గినప్పటికీ.. వివిధ రాశులపై ఆ పొడ ఎంతో కొంత ఉంటుంది. గురువు, చంద్రుడు అనుకూలంగా ఉండటం వల్ల కర్కాటకం, వృశ్చికం, మకర రాశులకు అనుకూల ఫలితాలు కలుగుతాయి.

Aries

మేషం: ప్రయాణంలో బడలిక ఉంటుంది. ఓపికకు పరీక్ష ఎదురవుతుంది. ఎదుటి వ్యక్తుల మాటల వల్ల మనసు చిన్నబుచ్చుకుంటుంది. సంయమనం పాటించడం అవసరం. పట్టువిడుపులు ప్రదర్శిస్తే.. మేలు జరుగుతుంది. దత్తాత్రేయస్వామి ఆలయాన్ని సందర్శించండి.

Taurus

వృషభం: ప్రశాంతంగా ఉంటారు. దైవ చింతన పెరుగుతుంది. చేపట్టిన పనులు విజయవంతం అవుతాయి. భాగ్య చంద్రుడు అదృష్టాన్ని ఇస్తాడు. నాలుగు గ్రహాలు వ్యయంలో ఉన్నప్పటికీ.. ఊహించని మేలు పొందుతారు. సూర్యారాధన మేలు చేస్తుంది.

Gemini

మిథునం: ద్వితీయ కుజుడు కుటుంబ కలహాలకు కారణం అవుతాడు. ద్వితీయ చంద్రుడు వల్ల కుజుడు బ్యాలెన్స్‌ అవుతాడు. ఆర్థిక విషయాల్లో నిర్లిప్తత తగదు. ఉద్యోగులకు మిశ్రమ వాతావరణం. శ్రమకు తగ్గ ఫలితాలు ఉంటాయి. దక్షిణామూర్తి స్తోత్రాలు పఠించండి.

Cancer

కర్కాటకం: మీ పనితీరుకు పెద్దల నుంచి ప్రశంసలు దక్కుతాయి. పట్టుదలతో అనుకున్న లక్ష్యాన్ని అందుకుంటారు. కుటుంబ సభ్యుల సహకారంతో ప్రయోజనం చేకూరుతుంది. ఆర్థిక విజయం చేకూరుతుంది. శివారాధనతో మేలు కలుగుతుంది.

Leo

సింహం: ప్రశాంతంగా ఉంటారు. కుటుంబానికి సమయం కేటాయిస్తారు. ప్రతికూల పరిస్థితులు ఎదురైనా తట్టుకుంటారు. విజయం సాధిస్తారు. స్నేహితుల వల్ల కార్యసిద్ధి ఉంది. పెద్దల ఆశీస్సులు దండిగా పొందుతారు. దత్తాత్రేయస్వామి ఆరాధన మేలు చేస్తుంది.

Virgo

కన్య: మాట పట్టింపులు ఉంటాయి. పట్టువిడుపులు ప్రదర్శించడం చాలా అవసరం. అయిన వారిని దూరం చేసుకోకండి. రుణ ప్రయత్నాలు చేయాల్సి రావొచ్చు. ఖర్చుల నియంత్రణ అవసరం. పెద్దల అండదండలు ఉంటాయి. లక్ష్మీదేవి ఆరాధన శుభప్రదం.

Libra

తుల: మనసు పరిపరి విధాల ఆలోచిస్తుంది. ఏ విషయంలోనూ స్థిరమైన నిర్ణయానికి రాలేకపోతారు. కొత్త పనుల గురించి ఆలోచించకండి. చేతిలో ఉన్నవాటిని పూర్తి చేయడంపై దృష్టి పెట్టడం అవసరం. స్నేహితుల మద్దతు ఉంటుంది. రామాలయాన్ని సందర్శించండి.

Scorpio

వృశ్చికం: రవి మీకు అండగా ఉన్నాడు. చంద్రుడు సహకరిస్తున్నాడు. ఆరోగ్యపరంగా చికాకులు తొలగిపోతాయి. దీర్ఘకాలిక పెట్టుబడులపై మనసు నిలుపుతారు. విలువైన వస్తువులు కొనుగోలు చేస్తారు. ఆత్మీయులను కలుసుకుంటారు. దుర్గాదేవి స్తోత్రాలు పఠించండి.

Sagittarius

ధనుస్సు: కుటుంబంలో కలహ సూచన. సోదరులతో సఖ్యత చెడకుండా చూసుకోండి. మనసు పరిపరి విధాలుగా ఆలోచిస్తుంది. ప్రతికూల ఆలోచనలకు తావు ఇవ్వకండి. కుజుడు ఆకస్మిక లబ్ధి చేకూరుస్తాడు. దుర్గాదేవి స్తోత్రాలు పఠించండి.

Capricorn

మకరం: కొత్త ఆశలు చిగురిస్తాయి. తల్లితరఫు బంధువులను కలుసుకుంటారు. రోజంతా ప్రశాంతంగా సాగిపోతుంది. స్థిరాస్తి వ్యవహారాలకు ఈ రోజు చాలామంచిది. ఆన్‌లైన్‌ లావాదేవీల్లో ఆచితూచి వ్యవహరించండి. హనుమాన్‌ చాలీసా పఠించండి.

Aquarius

కుంభం: మనసు ఒక్కదానిపై స్థిమితంగా ఉండదు. నాలుగు పనులు ఒకేసారి చేపట్టి.. దేన్నీ ముగించకుండా వదిలేస్తారు. సంయమనంతో వ్యవహరించడం అవసరం. ప్రతికూల వ్యక్తులకు దూరంగా ఉండండి. ఏదైనా క్షేత్రాన్ని సందర్శిస్తే మంచిది. వినాయకుడి ఆలయానికి వెళ్లండి.

Pisces

మీనం: ఆత్మవిశ్వాసంతో పనులు చేపడతారు. పెద్దలను కలుసుకుంటారు. వారి మనసు గెలుచుకుంటారు. భవిష్యత్‌ లక్ష్యాలకు ప్రణాళికలు సిద్ధం చేసుకుంటారు. ప్రయాణాల వల్ల కార్యసిద్ధి ఉంది. ఆర్థికంగా అనుకూలంగా ఉంటుంది. నరసింహస్వామి ఆరాధన మేలు చేస్తుంది

(వ్యక్తిగత జాతక వివరాల కోసం సంప్రదించగలరు)
టి. భుజంగరామ శర్మ
77022 86008

Disclaimer : జ్యోతిష్యం అనేది పూర్తి వ్యక్తిగత నమ్మకాలపై ఆధారపడి ఉంటుంది. నిరూపితమైన శాస్త్రం కాదు. ఈ వెబ్‌సైట్‌లోని కంటెంట్ సమాచారం కోసం మాత్రమే. ఇందులో కచ్చితత్వానికి హామీ ఇవ్వలేం. ఈ కంటెంట్ ఆధారంగా తీసుకునే ఏవైనా నిర్ణయాలపై మీదే బాధ్యత. వ్యక్తిగత, ఆర్థిక, వైద్య లేదా చట్టపరమైన విషయాల గురించి పూర్తి సమాచారం కోసం అర్హత కలిగిన నిపుణులను సంప్రదించండి. ఈ కంటెంట్‌ ద్వారా వల్ల కలిగే ఎలాంటి ఫలితాలకు మాది బాధ్యత కాదని గమనించాలి.