మోడీకి బెదిరింపు కాల్.. నిందితుడు అరెస్ట్

  • Published By: venkaiahnaidu ,Published On : August 11, 2020 / 03:46 PM IST
మోడీకి బెదిరింపు కాల్.. నిందితుడు అరెస్ట్

Updated On : August 11, 2020 / 4:12 PM IST

ఆగస్టు-15న ప్రధాని ఎర్ర కోటపైనుంచి ప్రసంగిస్తారన్న విషయం తెలిసిందే. ఈ సమయంలో 100కు ఫోన్ చేసి ప్రధాని నరేంద్ర మోదీ(PM Narendra Modi)కి హాని చేయనున్నట్లు ఓ ఆగంతకుడు బెదిరించడం కలకలం సృష్టించింది.



ప్రధాని మోదీకి హాని చేయబోతున్నట్లు నోయిడాకు చెందిన ఓ వ్యక్తి ఏకంగా డయల్ 100కు ఫోన్ చేసి బెదరింపులకు దిగాడు. దీంతో నోయిడా ఫేస్-3 పోలీస్ స్టేషన్ పోలీసులు వెంటనే అలర్ట్ అయ్యారు. ఆ కాల్‌ లొకేషన్‌ను ట్రేస్ చేసి బెదిరింపు కాల్ చేసిన వ్యక్తిని అరెస్టు చేశారు.



నోయిడాలోని ఫేజ్-3 లో నివాసముంటున్న ఆ వ్యక్తి హర్యానాకు చెందిన హర్భజన్ సింగ్‌(33)గా గుర్తించారు. విచారణలో ఆ వ్యక్తి డ్రగ్స్‌కు బానిసైనట్లు ప్రాథమిక నిర్థారణకు వచ్చినట్లు అడిషినల్ డీసీపీ(సెంట్రల్ నోయిడా) అంకుర్ అగర్వాల్ తెలిపారు. ఆ వ్యక్తిని వైద్య పరీక్షల నిమిత్తం పంపినట్లు తెలిపారు.మరిన్ని వివరాల కోసం నిందితుడిని తమ అదుపులో ఉంచి పోలీసులు ప్రశ్నిస్తున్నారు.