Milk And Raisins Benefits: రోగనిరోధక శక్తిని పెంచే పానీయం.. పాలు ఎండు ద్రాక్ష కలిపి తాగడం వల్ల ఎన్నో లాభాలు.. మీరు కూడా ట్రై చేయండి
Milk And Raisins Benefits: ఎండు ద్రాక్షల్లో ఐరన్ అధికంగా ఉండటంతో హిమోగ్లోబిన్ పెరుగుతుంది. పాలలో విటమిన్ B12 ఎక్కువగా ఉంటుంది. ఇది శరీరంలో రక్తకణాల ఉత్పత్తికి దోహదపడుతుంది.
- Published By: 10TV Digital Team ,Published On : July 11, 2025 / 05:37 PM IST
Health Benefits of drinking milk and raisins shake
మన భారతీయ సంప్రదాయంలో పాలూ, ఎండు ద్రాక్షలకు చాలా ప్రత్యేకత ఉంది. ఇవి రెండూ ఆరోగ్యానికి చాలా మేలు చేస్తాయి. అయితే, ఈ రెండిటిని వేరువేరుగా కాదు కలిపి తినడం వల్ల శరీరానికి ఎన్నో ఆరోగ్య ప్రయోజనాలు లభిస్తాయి. ఇది ఓ సహజ పౌష్టిక టానిక్‌లా పనిచేస్తుంది. ముఖ్యంగా శరీర బలానికి, రక్తహీనత నివారణకు, జీవశక్తికి ఎంతో సహాయకం. ఇంకా ఎలాంటి ఉపయోగాలు ఉన్నాయి అనేది ఇప్పుడు తెలుసుకుందాం.
పోషక విలువలు, పాలు + ఎండు ద్రాక్షల కలయికలో:
పాలు: ఇందులో ప్రోటీన్, కాల్షియం, విటమిన్ D, బి12, పోటాషియం, మెగ్నీషియం అధికంగా ఉంటాయి. శరీర బలానికి, ఎముకల ఆరోగ్యానికి చాలా అవసరం
ఎండు ద్రాక్ష: వీటిలో ఐరన్, యాంటీఆక్సిడెంట్లు (పొలీఫినోల్స్), ఫైబర్, సహజ చక్కెరలు, విటమిన్ B గ్రూప్ అధికంగా ఉంటాయి. ఇవి కూడా ఆరోగ్యానికి మంచివే.
పాలలో ఎండు ద్రాక్ష కలిపి తినడం వల్ల కలిగే ఆరోగ్య ప్రయోజనాలు:
1. రక్తహీనత నివారణ (Anaemia):
ఎండు ద్రాక్షల్లో ఐరన్ అధికంగా ఉండటంతో హిమోగ్లోబిన్ పెరుగుతుంది. పాలలో విటమిన్ B12 ఎక్కువగా ఉంటుంది. ఇది శరీరంలో రక్తకణాల ఉత్పత్తికి దోహదపడుతుంది.
2.ఎముకల బలం:
పాలలో ఉన్న కాల్షియం, విటమిన్ D ఎముకలను బలంగా చేస్తుంది. పిల్లలు, వృద్ధులు ఈ మిశ్రమాన్ని తీసుకుంటే ఎముకలు బలంగా తయారవుతాయి.
3.జీర్ణక్రియ మెరుగవుతుంది:
ఎండు ద్రాక్షల్లో ఉండే ఫైబర్ జీర్ణవ్యవస్థను మెరుగుపరుస్తుంది. మలబద్ధకాన్ని తగ్గించడంలో ఇది సహాయ పడుతుంది.
4.శారీరక శక్తి పెరుగుతుంది:
పాలు, ఎండు ద్రాక్ష రెండూ సహజంగా శక్తిని ఇచ్చే పదార్థాలు. వాతావరణ మార్పులతో శరీరం బలహీనంగా ఉన్నప్పుడు త్రాగితే వెంటనే శక్తిని ఇస్తుంది.
5.ఇమ్యూనిటీ పెంపు:
పాలు, ఎండుద్రాక్ష కలయికలో ఉండే యాంటీఆక్సిడెంట్లు శరీర రోగనిరోధక శక్తిని పెంచుతాయి. జలుబు, జ్వరం వంటి వైరల్ ఇన్ఫెక్షన్లనుండి రక్షణ ఇస్తుంది.
6.చర్మ ఆరోగ్యం మెరుగవుతుంది:
ఈ మిశ్రమం శరీరాన్ని లోపల నుంచి శుభ్రపరచడంతో చర్మం తాజాగా కనిపిస్తుంది. వీటిలో ఉండే యాంటీఆక్సిడెంట్లు మొటిమలు, వృద్ధాప్య ఛాయలు తగ్గించడంలో సహాయపడతాయి.
7.హార్మోన్ల సమతుల్యత:
మహిళల్లో హార్మోనల్ సమస్యలు పిసి.ఓ.డి, మెనోపాజ్ ఉన్నవారికి ఇది సహజ టానిక్ లా పనిచేస్తుంది. పాలలోని B గ్రూప్ విటమిన్లు సహకరిస్తాయి.
8.స్పెర్మ్ కౌంట్ పెంపు:
కొన్ని అధ్యయనాల ప్రకారం, పాలలో ద్రాక్ష కలిపి తీసుకోవడం వల్ల స్పెర్మ్ కౌంట్, నాణ్యత పెరుగుతుంది. ఇది ఓ సహజ వ్యాధినిరోధక పురుష శక్తిని పెంచేదిగా పనిచేస్తుంది.
పాలలో ఎండు ద్రాక్షలు కలిపి తినడం అనేది ఒక సరళమైన ఆరోగ్య పానీయం. ఇది శక్తివంతమైన పౌష్టిక పదార్థాల సమ్మేళనం. ప్రతి రోజూ ఒక గ్లాసు ఈ మిశ్రమాన్ని త్రాగడం వల్ల శరీరానికి శక్తి, రక్తపుష్టి, రోగనిరోధక శక్తి, చర్మ ఆరోగ్యం లభిస్తాయి.
