Vegetables: వర్షాకాలంలో బీకేర్‌ఫుల్.. ఈ 3 రకాల కూరగాయలు యమ డేంజర్..! వీటిని అస్సలు తినొద్దు.. ఎందుకంటే..

వర్షా కాలంలో ఆ ఆరోగ్య సమస్యలను నివారించడానికి కూరగాయలను తెలివిగా ఎంచుకోవాల్సిన అవసరం ఎంతైనా ఉందంటున్నారు ఆరోగ్య నిపుణులు.

Vegetables: వర్షాకాలం.. మంచి ఆహారం తినడానికి సరైన సమయం. అయితే ఏది పడితే అది తింటే తిప్పలు తప్పవంటున్నారు ఆరోగ్య నిపుణులు. మీ జీర్ణక్రియకు, ఆరోగ్యానికి హాని కలిగించే కొన్ని ఆహారాలను నివారించాలన్నది వారి అభిప్రాయం. వీటిలో కొన్ని కూరగాయలు కూడా ఉన్నాయి. ఆ కూరగాయలు ఆరోగ్యకరమైనవే, పోషకాలతో నిండి ఉన్నవే. కానీ, వాటికి దూరంగా ఉండాల్సిందే. ఎందుకంటే అధిక తేమ కారణంగా కలుషితమయ్యే బ్యాక్టీరియా శిలీంధ్రాల వంటి వ్యాధికారకాలను ఆ కూరగాయలు కలిగి ఉంటాయని నిపుణులు చెబుతున్నారు.

వర్షాకాలంలో మీరు విస్మరించాల్సిన కొన్ని కూరగాయలు..

వర్షా కాలంలో జీర్ణకోశ సమస్యలు, వాపులు, ఇన్ఫెక్షన్లను నివారించడానికి కూరగాయలను తెలివిగా ఎంచుకోవాల్సిన అవసరం ఎంతైనా ఉందంటున్నారు ఆరోగ్య నిపుణులు. పుట్టగొడుగులు, పాలకూర, క్రూసిఫెరస్ కూరగాయలు (కాలీఫ్లవర్, క్యాబేజీ, బ్రకోలీ వంటివి) తినడం మానుకోవాలని సూచిస్తున్నారు. బదులుగా తేలికగా జీర్ణమయ్యే ఆహారం తీసుకోవాలి. ద్రవాలు తాగాలి. పరిశుభ్రతపై శ్రద్ధ పెట్టాలని సూచిస్తున్నారు.

పుట్టగొడుగులు..
పుట్టగొడుగులు ఎంతో రుచికరంగా ఉంటాయి. అందులో డౌటే లేదు. కొవ్వు, కేలరీలు లేదా సోడియం ఉండవు. దీర్ఘకాలిక వ్యాధులను నివారించి మీ రోజువారీ ఆరోగ్యాన్ని మెరుగుపరుస్తాయి. కానీ వర్షాకాలం విషయానికి వస్తే పుట్టగొడుగుల జోలికి అస్సలు వెళ్లకూడదని నిపుణులు చెబుతున్నారు. తడి ప్రదేశాల్లో పెరిగే, వర్షంలో కుళ్ళిపోయే అవకాశం ఉన్న పుట్టగొడుగులను తినకూడదని వైద్యులు సలహా ఇచ్చారు.

తేమతో కూడిన పరిస్థితులు పుట్టగొడుగులను బూజు, బ్యాక్టీరియా పెరుగుదలకు గురి చేస్తాయని వైద్యులు చెబుతున్నారు. మరీ ముఖ్యంగా రోగనిరోధక శక్తి తక్కువగా ఉన్న వారు, జీర్ణ రుగ్మతలు ఉన్నవారు జాగ్రత్తగా ఉండాలి. ఎందుకంటే అవి జీర్ణం కావడం కష్టంగా ఉంటుంది. పుట్ట గొడుగులను తినేటప్పుడు ఫుడ్ పాయిజనింగ్ ప్రమాదం గణనీయంగా పెరుగుతుంది.

ఆకు కూరలు..
ఆకు కూరలు ఆరోగ్యానికి చాలా మంచిది. రోజూ వాటిని ఆహారంగా తీసుకోవచ్చు. అయితే.. వానా కాలంలో మాత్రం కొన్ని ఆకు కూరల జోలికి వెళ్లకపోవడమే ఆరోగ్యానికి మంచిదంటున్నారు డాక్టర్లు. పాలకూర, లెట్యూస్ (ఒక రకమైన ఆకు కూర) వంటి ఆకుకూరలు A, C, K వంటి వివిధ విటమిన్లు కలిగి ఉంటాయి. దాంతో పాటుగా ఇనుము, మెగ్నీషియం, పొటాషియం వంటి మాక్రోన్యూట్రియెంట్లు, ఖనిజాలకు శక్తివంతమైనవి. వీటిని క్రమం తప్పకుండా తీసుకోవడం వల్ల కంటి ఆరోగ్యానికి తోడ్పడుతుంది, రోగనిరోధక శక్తిని పెంచుతుంది, ఎముకలు ఆరోగ్యంగా ఉండటానికి సహాయపడుతుంది.

Also Read: ఈ ఫుడ్ మీ నిద్రను తినేస్తుంది.. మెదడును డ్యామేజ్ చేస్తుంది.. వీటితో జాగ్రత్తగా ఉండండి?

అయితే.. యాంటీ ఆక్సిడెంట్లు, ఫైబర్‌తో నిండిన పాలకూరను వర్షాకాలంలో పూర్తిగా నివారించాలి. తేమతో కూడిన వాతావరణం ఆకులపై అధిక తేమకు దారితీస్తుంది. ఇది బ్యాక్టీరియా, సూక్ష్మజీవులకు అనుకూలమైన సంతానోత్పత్తి ప్రదేశంగా మారుతుంది. అందులోని మురికి మీ ఆరోగ్యానికి హాని కలిగిస్తుంది. జీర్ణశయాంతర ఇన్ఫెక్షన్లు, జీర్ణ సమస్యలను కలిగిస్తుంది. వీటిలో తీవ్రమైన విరేచనాలు, వాంతులు ఉంటాయి.

క్రూసిఫెరస్ కూరగాయలు..
క్యాబేజీ, కాలీఫ్లవర్, బ్రోకలీ వంటి క్రూసిఫెరస్ కూరగాయలు ఫైబర్ సల్ఫోరాఫేన్ వంటి యాంటీ ఆక్సిడెంట్లతో నిండి ఉంటాయి. ఇవన్నీ మిమ్మల్ని వివిధ వ్యాధుల నుండి రక్షిస్తాయి, మీ జీర్ణక్రియను నియంత్రిస్తాయి. ఆరోగ్యానికి ఎంతో మేలు చేస్తాయి అని చెప్పడంలో ఎలాంటి సందేహం లేదు.

అయితే వర్షాకాలంలో మాత్రం క్యాబేజీ, కాలీఫ్లవర్, బ్రోకలీకి దూరంగా ఉండాల్సిందే. వీటిని అస్సలు తినకూడదు. ఎందుకంటే.. వీటిలోని పుష్పగుచ్ఛాల మధ్య ఉండే పొరలు, పగుళ్లు తేమను బంధిస్తాయి. దాంతో అవి బ్యాక్టీరియా, శిలీంధ్రాలకు సంతానోత్పత్తి ప్రదేశాలుగా మారతాయి. తరచుగా కురిసే వర్షాలు ఈ కూరగాయలను పూర్తిగా శుభ్రపరచడం కూడా కష్టతరం చేస్తాయి.

వర్షాకాలంలో ఏ కూరగాయలు తినాలి?

వర్షాకాలంలో మీరు తినగలిగే ఉత్తమ కూరగాయలు.. తక్కువ నీరు తేమ ఉన్నవి.. వాటిలో కొన్ని..

* బీన్స్
* సొరకాయ
* గుమ్మడికాయ
* పొట్లకాయ
* బుడంకాయలు
* బెండకాయలు

వర్షాకాలంలో కూరగాయలు తినేటప్పుడు పరిశుభ్రత పాటించడానికి చిట్కాలు..
వర్షాకాలంలో కూరగాయలు తినేటప్పుడు కచ్చితంగా పరిశుభ్రతను పాటించాలి. అది మీ కుటుంబం సురక్షితంగా ఉండడానికి సాయపడుతుంది.

* కూరగాయలను ఎల్లప్పుడూ రన్నింగ్ వాటర్ లో బాగా కడగాలి. ఎందుకంటే.. ఇలా చేయడం వల్ల మురికి కలుషితాలను తొలగించడానికి సహాయపడుతుంది.
* కూరగాయలను ఉప్పు నీటిలో 10-15 నిమిషాలు నానబెట్టండి. ఇది బ్యాక్టీరియాను చంపడానికి, పురుగుమందులను తొలగించడానికి సహాయపడుతుంది.
* ముఖ్యంగా వర్షాకాలంలో పచ్చి కూరగాయలను తినొద్దు.
* శిలీంధ్రాల పెరుగుదలను నివారించడానికి కూరగాయలను శుభ్రమైన, పొడి ప్రదేశాల్లో నిల్వ చేయండి.
* అధిక తేమ కారణంగా మిగిలిపోయిన కూరగాయలు చెడిపోతాయి. తాజాగా వండిన భోజనం తీసుకోండి, ఎందుకంటే నిల్వ చేసిన ఆహారంలో బ్యాక్టీరియా ఉండొచ్చు.
* కత్తులు, కట్టింగ్ బోర్డులు, ఇతర పాత్రలను సరిగ్గా శుభ్రం చేయాలి. క్రిములు లేకుండా చూడాలి.