World Largest Iceberg : కదులుతున్న ప్రపంచంలోనే అతిపెద్ద మంచుకొండ
సుమారు 4 వేల చదరపు కిలోమీటర్ల వైశాల్యంలో ఈ మంచు కొండ అంటార్కిటికా మహాసముద్రంలో ప్రమాదకరంగా ముందుకు దూసుకెళ్తున్నట్లు పేర్కొన్నారు.
World Largest Iceberg Moving : ప్రపంచంలోనే భారీ మంచుకొండ కదులుతోంది. అంటార్కిటికా నుంచి విడిపోయిన అతి పెద్ద మంచుకొండ మహాసముద్రంలో ముందుకు కదులుతోంది. ఏ 23ఏగా పిలువబడుతున్న ఈ మంచుకొండ న్యూయార్క్ నగరమంత పరిమాణంలో ఉందని పరిశోధకులు గుర్తించారు. మూడు దశాబ్ధాల తర్వాత తొలిసారి ముందుకు కదులుతున్నట్లు వెల్లడించారు.
సుమారు 4 వేల చదరపు కిలోమీటర్ల వైశాల్యంలో ఈ మంచు కొండ అంటార్కిటికా మహాసముద్రంలో ప్రమాదకరంగా ముందుకు దూసుకెళ్తున్నట్లు పేర్కొన్నారు. ఈ మంచుకొండ పశ్చిమ అంటార్కిటికా నుంచి 1986లో విడిపోపోయింది. అప్పటినుంచీ కదలకుండానే ఉంది.
అయితే, ట్రిలియన్ మెట్రిక్ టన్నుల బరువు ఉన్న ఈ మంచుకొండ బలమైన గాలులు, ప్రవాహాల వల్ల ఇటీవల అంటార్కిటికా ద్వీపకల్పం ఉత్తరకొనను దాటి ముందుకు కదులుతున్నట్లు గుర్తించారు.