Pakka Commercial : మ్యాచో హీరో గోపీచంద్ బర్త్డే స్పెషల్.. ‘పక్కా కమర్షియల్’..
జీఏ2 పిక్చర్స్ - యూవీ క్రియేషన్స్ కలిసి మోస్ట్ సక్సెస్ ఫుల్ ప్రొడ్యూసర్ బన్నీవాసు నిర్మాతగా మ్యాచో హీరో గోపీచంద్తో ‘పక్కా కమర్షియల్’ సినిమాను తెరకెక్కిస్తున్నారు మారుతి.
Pakka Commercial: ‘ప్రతి రోజు పండగే’ వంటి బ్లాక్ బస్టర్ సక్సెస్ తరువాత విలక్షణ దర్శకుడు మారుతి చేస్తున్న సినిమా ‘పక్కా కమర్షియల్’. మెగా ప్రొడ్యూసర్ అల్లు అరవింద్ సమర్పణలో.. సక్సెస్ ఫుల్ బ్యానర్లుగా అందరి మన్ననలు అందుకుంటూ మందుకు సాగతున్న జీఏ2 పిక్చర్స్ – యూవీ క్రియేషన్స్ కలిసి మోస్ట్ సక్సెస్ ఫుల్ ప్రొడ్యూసర్ బన్నీవాసు నిర్మాతగా మ్యాచో హీరో గోపీచంద్తో ‘పక్కా కమర్షియల్’ సినిమాను తెరకెక్కిస్తున్నారు మారుతి.
ఈ టైటిల్కు అటు ఇండస్ట్రీ వర్గాల నుంచి ఇటు సాధరణ ప్రేక్షకుల వరుకు అంతటా అనూహ్యమైన స్పందన లభించడం విశేషం. ఈ ప్రాజెక్ట్కు సంబంధించిన కొన్ని కీలక ప్రకటణలను దర్శకుడు మారుతి తనదైన శైలిలో విడుదల చేస్తూ వచ్చారు. ఈ సినిమా షూటింగ్ ఇప్పటికే 40 శాతం పూర్తయింది. జూలై మొదటి వారంలో కొత్త షెడ్యూల్ మొదలు కానుంది. గోపీచంద్ క్యారెక్టర్ను మారుతి అద్భుతంగా డిజైన్ చేశారు. ఇప్పుడు విడుదలైన పోస్టర్లలో కూడా గోపీచంద్ చాలా స్టైలిష్గా కనిపిస్తున్నారు.
‘భలే భలే మగాడివోయ్’, ‘టాక్సీవాలా’, ‘ప్రతి రోజు పండగే’ లాంటి విజయాలతో అపజయమే లేని జీఏ2 పిక్చర్స్ – యూవీ క్రియేషన్స్ – బన్నీవాసు కాంబినేషన్లో ‘పక్కా కమర్షియల్’ సినిమా వస్తుంది. గతంలో ఈ బ్యానర్స్ నుంచే దర్శకుడు మారుతి ‘భలేభలే మగాడివోయ్’, ‘ప్రతిరోజు పండగే’ వంటి బ్లాక్ బస్టర్స్ అందించారు. ‘ప్రతి రోజు పండగే’ సినిమా తర్వాత సత్యరాజ్ మరోసారి ఈ సినిమాలో కీలక పాత్రలో నటిస్తున్నారు. గోపిచంద్ 29వ సినిమాగా, మారుతి 10వ సినిమాగా ‘పక్కా కమర్షియల్’ వస్తుంది. ఈ సినిమాలో రాశీ ఖన్నా హీరోయిన్గా నటిస్తోంది. గతంలో ‘జిల్’, ‘ఆక్సిజన్’ సినిమాల్లో కలిసి నటించారు గోపీచంద్, రాశి ఖన్నా. ఈ చిత్రానికి జేక్స్ బిజాయ్ సంగీతాన్ని అందిస్తున్నారు. SKN సహ నిర్మాత. మరిన్ని వివరాలు త్వరలోనే చిత్రయూనిట్ తెలియ జేయనుంది.