Alekhya Tarakaratna : ఈ జీవితానికి నువ్వే.. తారకరత్నపై మరోసారి ఎమోషనల్ పోస్ట్ చేసిన అలేఖ్య..
తారకరత్న చనిపోయి రోజులు గడుస్తున్నా ప్రేమించి పెళ్లి చేసుకున్న భార్య అలేఖ్య రెడ్డి ఇంకా ఆ బాధ నుంచి బయటకి రాలేకపోతున్నారు. తాజాగా తారకరత్న గురించి మరో ఎమోషనల్ పోస్ట్ చేశారు అలేఖ్య.
- Published By: 10TV Digital Team ,Published On : May 6, 2023 / 09:01 AM IST
Alekhya Reddy emotional post on Tarakaratna
Alekhya Tarakaratna : సినీ నటుడు, నందమూరి తారకరత్న (Taraka Ratna) ఇటీవల మరణించిన సంగతి తెలిసిందే. హార్ట్ అటాక్ రావడంతో హాస్పిటల్ లో చేరి దాదాపు 23 రోజులు పాటు బెంగుళూరు నారాయణ హృదయాలయ హాస్పిటల్ లో వెంటిలేటర్ పై చికిత్స తీసుకుంటూ తారకరత్న ఫిబ్రవరి 18న తుదిశ్వాస విడిచారు. ఆయన మరణం నందమూరి కుటుంబాన్ని తీవ్ర శోకాన్ని మిగిల్చింది. తారకరత్న చనిపోయి రోజులు గడుస్తున్నా ప్రేమించి పెళ్లి చేసుకున్న భార్య అలేఖ్య రెడ్డి ఇంకా ఆ బాధ నుంచి బయటకి రాలేకపోతున్నారు.
Adipurush : జై శ్రీరామ్.. ఆదిపురుష్ ట్రైలర్ రిలీజ్ డేట్ ఫిక్స్.. ఏకంగా 70 దేశాల్లో ట్రైలర్ రిలీజ్..
దీంతో భార్య అలేఖ్య రెడ్డి (Alekhya reddy) సోషల్ మీడియాలో తారకరత్న గురించి ఎమోషనల్ గా వరుస పోస్ట్ లు చేస్తూనే ఉన్నారు. తాజాగా తారకరత్న గురించి మరో ఎమోషనల్ పోస్ట్ చేశారు అలేఖ్య. ఇన్‌స్టాగ్రామ్ లో తారకరత్నతో ఉన్న ఫోటోని షేర్ చేసి.. ఈ జీవితానికి నువ్వు, నేను మాత్రమే. నాకు జీవితానికి సరిపడా జ్ఞాపకాలను ఇచ్చి వెళ్ళావు. వాటితోనే నేను జీవితంలో ముందుకి వెళ్తాను. నా చివరి శ్వాస వరకు నిన్నే ప్రేమిస్తూ ఉంటాను అని మరింత ఎమోషనల్ గా పోస్ట్ చేసింది. దీంతో మరోసారి అలేఖ్యరెడ్డి పోస్ట్ వైరల్ గా మారింది.
