Hari Hara Veera Mallu : షూటింగ్ మొదలుపెట్టిన ‘హరిహర వీరమల్లు’.. పవన్ ఎప్పుడు జాయిన్ అవుతాడంటే..?

పవర్ స్టార్ పవన్ కళ్యాణ్ హీరోగా న‌టిస్తున్న చిత్రం 'హరి హర వీర మల్లు'.

Hari Hara Veera Mallu shooting update : పవర్ స్టార్ పవన్ కళ్యాణ్ హీరోగా న‌టిస్తున్న చిత్రం ‘హరి హర వీర మల్లు’. చాన్నాళ్ల క్రిత‌మే ఈ సినిమా షూటింగ్‌ను ప్రారంభించినా కొన్ని కార‌ణాల వ‌ల్ల వాయిదా ప‌డింది. అయితే.. ఇప్పుడు ఈ చిత్ర షూటింగ్‌ను తిరిగి ప్రారంభించారు. ఆగ‌స్టు 14 (బుధ‌వారం) నుంచి ఈ మూవీ రెగ్యుల‌ర్ షూటింగ్ ప్రారంభ‌మైంద‌ని చిత్ర బృందం తెలియ‌జేసింది.

ప్రముఖ యాక్షన్ దర్శకుడు స్టంట్ సిల్వ ఆధ్వర్యంలో ఓ భారీ యుద్ధ సన్నివేశాన్ని చిత్రీక‌రిస్తున్న‌ట్లు తెలిపింది. 400 నుంచి 500 మంది ఫైట‌ర్లు, జూనియ‌ర్ ఆర్టిస్టులు ఈ భారీ యుద్ధ సన్నివేశ చిత్రీకరణలో పాల్గొంటున్నారు. ప్ర‌స్తుతం ఆంధ్ర‌ప్ర‌దేశ్ రాష్ట్రంలో డిప్యూటీ సీఎంగా బాధ్య‌త‌లు నిర్వ‌ర్తిస్తున్న ప‌వ‌న్ క‌ళ్యాణ్ త్వ‌ర‌లోనే ఈ చిత్ర షూటింగ్‌లో పాల్గొంటార‌ని మూవీ యూనిట్ తెలియ‌జేసింది.

KALKI 2898AD‌‌ : సంధ్య థియేట‌ర్‌లో క‌ల్కి 50 డేస్ సెల‌బ్రేష‌న్స్‌.. వీడియో వైర‌ల్‌

దర్శకుడు జ్యోతి కృష్ణ ఈ చిత్ర దర్శకత్వ బాధ్యతలను అందుకున్న‌ తరువాత, ఇటీవల విడుదలైన టీజర్ అభిమానులతో పాటు, సినీ ప్రేమికులలో ఈ మూవీపై భారీ అంచ‌నాలు ఏర్ప‌డ్డాయి. ఈ మూవీలో బాలీవుడ్ నటుడు బాబీ డియోల్, లెజెండరీ నటుడు అనుపమ్ ఖేర్ కీల‌క పాత్ర‌ల్లో న‌టిస్తున్నారు. ఆస్కార్ విజేత ఎం.ఎం కీరవాణి సంగీతాన్ని అందిస్తున్నారు. లెజెండరీ నిర్మాత ఏఎం రత్నం సమర్పణలో మెగా సూర్య ప్రొడక్షన్స్ పతాకంపై ఎ.దయాకర్ రావు ఈ మూవీని నిర్మిస్తున్నారు.