RRR : రాజమౌళి- రామ్ చరణ్ – ఎన్టీఆర్ స్పెషల్ ఈవెంట్.. ఫ్యాన్స్ కి పండగే.. ఎప్పుడంటే? టికెట్స్ ఎలా బుక్ చేసుకోవాలి..?
RRR ప్రమోషన్స్ లో చరణ్, ఎన్టీఆర్, రాజమౌళి రెగ్యులర్ గా కలిసి కనపడి ఫ్యాన్స్ కి ఫుల్ ట్రీట్ ఇచ్చారు.
- Published By: 10TV Digital Team ,Published On : April 5, 2025 / 05:30 PM IST
Ram Charan NTR and Rajamouli will Grace RRR Special Event
Ram Charan – NTR – Rajamouli : రాజమౌళి దర్శకత్వంలో ఎన్టీఆర్ – రామ్ చరణ్ కలిసి RRR సినిమా చేసిన సంగతి తెలిసిందే. ఈ సినిమాతో ఏకంగా పాన్ ఇండియా దాటి పాన్ వరల్డ్ గుర్తింపు తెచ్చుకున్నారు. నాటు నాటు సాంగ్ తో ఏకంగా ఆస్కార్ అవార్డు ని కూడా సాధించి చరిత్ర సృష్టించారు. ఈ సినిమాతో హాలీవుడ్ లో టాలీవుడ్ సినిమాలకు విపరీతమైన క్రేజ్ కూడా ఏర్పడింది. RRR ప్రమోషన్స్ లో చరణ్, ఎన్టీఆర్, రాజమౌళి రెగ్యులర్ గా కలిసి కనపడి ఫ్యాన్స్ కి ఫుల్ ట్రీట్ ఇచ్చారు.
ఇప్పుడు ఈ ముగ్గురు స్టార్స్ మరోసారి కలిసి కనపడబోతున్నారు. లండన్ లోని ప్రఖ్యాత రాయల్ ఆల్బర్ట్ హాల్ లో RRR సినిమాని ప్రదర్శించనున్నారు. అంతేకాకుండా కీరవాణితో RRR సాంగ్స్ ఆర్కెస్ట్రా కూడా నిర్వహించనున్నారు. వచ్చేనెల మే 11న సాయంత్రం 6 గంటల నుంచి ఈ ఈవెంట్ లండన్ లోని ప్రఖ్యాత రాయల్ ఆల్బర్ట్ హాల్ లో జరగనుంది. సినిమా ప్రదర్శించేముందు రాజమౌళి, రామ్ చరణ్, ఎన్టీఆర్ లతో – అక్కడి ఆడియన్స్ తో క్వశ్చన్ – ఆన్సర్స్ కార్యక్రమం కూడా నిర్వహిస్తారట.
ఇప్పటికే ఈ ప్రోగ్రాంకి రాయల్ ఆల్బర్ట్ హాల్ సైట్ లో టికెట్ బుకింగ్స్ ఓపెన్ చేసారు. ఇంగ్లాండ్, లండన్ లో ఉండే ఫ్యాన్స్ ఆన్లైన్ లో టికెట్స్ బుక్ చేసుకొని డైరెక్ట్ గా ఆ షోకి వెళ్లొచ్చు. చరణ్, ఎన్టీఆర్, రాజమౌళిలను లైవ్ లో చూసి మాట్లాడే ఛాన్స్ కూడా ఉండొచ్చు. ఈ ఈవెంట్ టికెట్స్ ని https://www.royalalberthall.com/tickets/events/2025/rrr-live ఈ లింక్ ద్వారా బుక్ చేసుకోవచ్చు.
చాలా రోజుల తర్వాత మళ్ళీ రామ్ చరణ్ – ఎన్టీఆర్ కలిసి కనిపిస్తుండటం, రాజమౌళి కూడా వీరితో కలవడంతో ఈ ఈవెంట్ పై ఫ్యాన్స్ అంచనాలు పెట్టుకుంటున్నారు. మరోసారి భారీ మల్టీస్టారర్ ఈవెంట్ కోసం ఎన్టీఆర్, చరణ్ ఫ్యాన్స్ ఎదురుచూస్తున్నారు.
