అవును వెబ్ సిరీస్ చేస్తున్నాను.. క్లారిటీ ఇచ్చిన సామ్!
‘ఫ్యామిలీ మేన్ 2’ వెబ్ సిరీస్‌లో నటిస్తున్నట్టు సమంత అక్కినేని ప్రకటించింది..
- Published By: sekhar ,Published On : November 29, 2019 / 08:02 AM IST
‘ఫ్యామిలీ మేన్ 2’ వెబ్ సిరీస్‌లో నటిస్తున్నట్టు సమంత అక్కినేని ప్రకటించింది..
సమంత అక్కినేని.. వైవిధ్యభరితమైన సినిమాలు చేస్తూ విజయపథంలో దూసుకెళ్తుంది. గతకొద్ది రోజులుగా సమంత వెబ్ సిరీస్‌లో నటించనుందని వార్తలు వస్తున్నాయి. ఈ నేపథ్యంలో `ఫ్యామిలీ మేన్-2` వెబ్ సిరీస్ ద్వారా డిజిటల్ అరంగేట్రం చేయబోతున్నట్టు సోషల్ మీడియా ద్వారా వెల్లడించింది సామ్.
మనోజ్ బాజ్‌పాయ్, ప్రియమణి, నీరజ్, శరద్ కేల్కర్ కీలక పాత్రలు పోషించిన `ఫ్యామిలీ మేన్` తొలి సీజన్‌కు ప్రేక్షకుల నుంచి విశేష ఆదరణ లభించింది. ఇప్పుడు దానికి సీక్వెల్‌గా `ఫ్యామిలీ మేన్-2` తెరకెక్కబోతోంది. ఈ సిరీస్ రెండో సీజన్‌లో సమంత కీలక పాత్ర పోషించబోతోందని రాజ్ నిడమోరు, కృష్ణ డీకే వెల్లడించారు.
ఈ వెబ్ సిరీస్ టీజర్‌ను సమంత తన ఇన్‌స్టాగ్రామ్ పేజీలో షేర్ చేశారు. `ది ఫ్యామిలీ మేన్-2`.. అత్యంత ఆదరణ పొందిన సిరీస్ ద్వారా డిజిటల్ అరంగేట్రం చేయబోతున్నాను. డ్రీమ్ రోల్ నాకు ఇచ్చినందుకు ధన్యవాదాలు` అని సమంత పోస్ట్ చేసింది. ఈ వెబ్‌సిరీస్‌లో సమంత నెగిటివ్ రోల్‌లో కనిపించబోతున్నట్టు సమాచారం. సమంత నటించిన ‘ఓ బేబి’ ఇటీవల విడుదలై మంచి విజయం సాధించింది.
