Japan OTT Release : ఓటీటీ రిలీజ్ డేట్ ఫిక్స్ చేసుకున్న జపాన్ మూవీ..

జపాన్ మేడ్ ఇన్ ఇండియా అంటూ దీపావళికి వచ్చిన కార్తీ మూవీ.. ఓటీటీ రిలీజ్ డేట్ ఫిక్స్ చేసుకుంది.

Tamil Hero Karthi new released movie Japan OTT Release date update

Japan OTT Release : కోలీవుడ్ హీరో కార్తి తన 25వ చిత్రంగా ‘జపాన్’ని ఆడియన్స్ ముందుకు తీసుకు వచ్చారు. హైస్ట్ థ్రిల్లర్ గా తెరకెక్కిన ఈ సినిమాని ‘జోకర్’ సినిమా ఫేమ్ రాజు మురుగన్ డైరెక్ట్ చేశారు. అను ఇమ్మాన్యుయేల్ ఈ సినిమాలో హీరోయిన్ గా నటించారు. ఈ మూవీ నుంచి రిలీజ్ అయిన ట్రైలర్ అండ్ టీజర్ ఆడియన్స్ ని బాగా ఆకట్టుకున్నాయి. ముఖ్యంగా ఈ సినిమా కోసం కార్తీ డిఫరెంట్ గెటప్, స్లాంగ్, బాడీ లాంగ్వేజ్ తో రావడం ఆడియన్స్ ని బాగా ఆకట్టుకుంటున్నాయి.

దీపావళి కానుకగా రిలీజ్ అయిన ఈ మూవీ థియేటర్స్ లో తుస్స్ అంది. కార్తీ బెంచ్ మార్క్ మూవీ కావడం, డిఫరెంట్ రోల్ తో కార్తీ అక్కటుకోవడంతో ఆడియన్స్ ఈ సినిమా పై భారీ అంచనాలు పెట్టుకున్నారు. అయితే ఆ అంచనాలను జపాన్ రీచ్ అవ్వడంలో ఫెయిల్ అయ్యింది. థియేటర్ లో పేలని ఈ జపాన్.. ఇప్పుడు ఓటీటీలో పేలడానికి సిద్దమవుతుంది. నెట్ ఫ్లిక్స్ లో ఈ సినిమా స్ట్రీమ్ కాబోతుంది. డిసెంబర్ 11 నుంచి తెలుగు, తమిళ్, కన్నడ, మలయాళ, హిందీ భాషల్లో ఈ సినిమా అందుబాటులోకి రాబోతుంది.

Also read : Animal Movie : ఆమీర్ ఖాన్ ఓల్డ్ వీడియోతో ‘యానిమల్’ని ట్రోల్ చేస్తున్న బాలీవుడ్..

 

View this post on Instagram

 

A post shared by Netflix India (@netflix_in)

ఇక కార్తీ కొత్త సినిమాల విషయానికి వస్తే.. ప్రస్తుతం ‘వా వాథియారే’ అనే సినిమాలో నటిస్తున్నారు. కీర్తి సురేష్ ఈ సినిమాలో హీరోయిన్ గా చేస్తున్నారు. మరి ఈ సినిమాని తెలుగులో కూడా రిలీజ్ చేస్తారా లేదా అనేది తెలియాల్సి ఉంది. ఈ చిత్రంతో పాటు కార్తీ లైనప్ లో ఖైదీ, సర్దార్ కూడా సీక్వెల్స్ ఉన్నాయి. ఈ రెండు చిత్రాలు కోసం తమిళ్ ఆడియన్స్ తో పాటు తెలుగు ప్రేక్షకులు కూడా ఆసక్తిగా ఎదురు చూస్తున్నారు. వచ్చే ఏడాది ఈ రెండు సినిమాలు సెట్స్ పైకి వెళ్లనున్నాయని కార్తీ చెబుతున్నారు. మరి ఈ రెండు ప్రాజెక్ట్స్ లో ఏది ముందు ఆడియన్స్ ముందుకు వస్తుందో చూడాలి.