Republic Day 2024: అదో చరిత్ర.. చేతితో రాసిన అతి పెద్ద రాజ్యాంగం మనదే.. ఇంకా ఎన్నో విశేషాలు
ఆనాటి నుండి భారతదేశం సర్వసత్తాక, ప్రజాస్వామ్య, గణతంత్ర రాజ్యంగా అవతరించింది.
- Published By: 10TV Digital Team ,Published On : January 25, 2024 / 07:20 PM IST
Republic Day 2024
భారతదేశం 200 సంవత్సరాల బ్రిటీష్ పాలన నుండి స్వేచ్ఛా వాయువులు పీల్చుకున్న అనంతరం మరో ఘనతను సాధించింది. అదే భారతరాజ్యం ఆవిష్కరణ. అదే భారత గణతంత్ర దినోత్సవం అమలులోకి వచ్చిన దినోత్సవం (రిపబ్లిక్ డే ) 1950, జనవరి 26 .
ఆనాటి నుండి భారతదేశం సర్వసత్తాక, ప్రజాస్వామ్య, గణతంత్ర రాజ్యంగా అవతరించింది. అందుకే ఏటా జనవరి 26న రిపబ్లిక్ డే జరుపుకుంటాం. మరి అంతటి ఘన చరిత్ర వున్న రాజ్యాంగం చరిత్ర.. దానికి సంబంధించిన విశేషాలు తెలుసుకోవాల్సిన బాధ్యత ప్రతి భారతీయుడిపైనా వుంది.
ఈ విషయాలు తెలుసా?
- 1950 జనవరి 26వ తేదీ నుంచి భారత రాజ్యాంగం అమల్లోకి వచ్చింది.
- మన రాజ్యాంగాన్ని రూపొందించడానికి సుమారు రూ.64 లక్షలు ఖర్చు అయ్యింది.
- ప్రపంచంలోనే అతి పెద్ద లిఖిత (చేతితో రాసినది) రాజ్యాంగం మన భారతదేశానిదే
- రాజ్యాంగాన్ని రాసేందుకు 2 సంవత్సరాల 11 నెలల 18 రోజుల కాలం పట్టింది.
- డాక్టర్ బాబా సాహెబ్ అంబేడ్కర్‌ అధ్యక్షుడిగా రూపొందిన రాజ్యాంగ 1947లో ముసాయిదా కమిటీ ఏర్పడింది.
- రాజ్యాంగం మొత్తాన్ని చేతి రాతతోనే రాశారు. ప్రేమ్‌ బిహారీ నారాయణ్‌ రాయ్‌జాదా.. ఇటాలిక్‌ కాలిగ్రఫీ స్టైల్‌లో రాశారు.
- ప్రతి పేజీనీ కొందరు కళాకారులు అందంగా తీర్చిదిద్దారు. ఇంగ్లీష్‌, హిందీ భాషల్లో చేతిరాతతో రాశారు.
- ‘భారత దేశ ప్రజలమైన మేము’ అనే ప్రవేశికతో మొదలయ్యే మన రాజ్యాంగం.. అమల్లోకి వచ్చినప్పుడు 395 ఆర్టికల్స్ 8 షెడ్యూల్స్, 22 భాగాలుగా ఉంది.
- ఈ క్రమంలో రాజ్యాంగ రూపొందించిన ఒరిజినల్ డాక్యుమెంట్స్ న పార్లమెంటు భవనంలోని గ్రంథాలయంలో హీలియం వాయువు నింపిన బాక్స్ లో భద్రపరిచారు.
- మన రాజ్యాంగాన్ని ‘బ్యాగ్‌ ఆఫ్‌ బారోయింగ్స్‌’ అని కూడా సరదాగా పిలుచుకుంటుంటారు.
- రాజ్యాంగ సభ 11 సార్లు, 165 రోజుల పాటు సమావేశమైంది.
- రాజ్యాంగ రాతప్రతిని తయారుచేసే క్రమంలో రాజ్యాంగ సభ ముందుకు 7,635 సవరణ ప్రతిపాదనలు వచ్చాయి. వీటిలో 2,473 ప్రతిపాదనలను పరిశీలించి, చర్చించి, పరిష్కరించింది.
- రాజ్యాంగంపై సంతకాలు చేసే రోజున బయట చిరుజల్లు పడుతూ ఉంది. దీన్ని శుభశకునంగా భావించారు.
- జపాన్‌, ఐర్లాండ్‌ ఇంగ్లండ్‌, యూఎస్‌ఏ, ఫ్రాన్స్‌.. లాంటి దేశాల రాజ్యాంగాల నుంచి కొన్ని అంశాల్ని తీసుకుని భారతదేశ పరిస్థితులకు అన్వయించేలా మరింత దీర్ఘ సమాచారంతో.. పరిశోధనతో మన రాజ్యాంగం రూపొందింది. అందుకే రాజ్యాంగాన్ని ‘బ్యాగ్‌ ఆఫ్‌ బారోయింగ్స్‌’ అంటారు.
- రాజ్యాంగం రాయడం 1949 నవంబరు 26వ తేదీ నాటికి పూర్తయ్యింది.
Republic Day 2024: రిపబ్లిక్ డే.. 1927 నుంచి 1949 వరకు ఏం జరిగిందో తెలుసా?
