Delhi G20 Summit : ఢిల్లీలో జి 20 సదస్సును అడ్డుకోండి…ఖలిస్థానీ వేర్పాటువాది సంచలన ఆడియో సందేశం
ఢిల్లీలో జరగనున్న జి 20 శిఖరాగ్ర సమావేశానికి అంతరాయం కలిగించమని ఖలిస్థానీ వేర్పాటువాది కశ్మీరీ ముస్లింలను కోరాడు. జి20 సమ్మిట్‌కు అంతరాయం కలిగించేందుకు కశ్మీరీ ముస్లింలను ఢిల్లీకి వెళ్లాలని కోరుతూ సిక్కులు ఫర్ జస్టిస్ (ఎస్‌ఎఫ్‌జె) వ్యవస్థాపకుడు గురుపత్వంత్ సింగ్ పన్నూన్ ఆడియో సందేశాన్ని విడుదల చేశారు....
- Published By: 10TV Digital Team ,Published On : September 4, 2023 / 05:59 AM IST
Delhi G20 Summit
Delhi G20 Summit : ఢిల్లీలో జరగనున్న జి 20 శిఖరాగ్ర సమావేశానికి అంతరాయం కలిగించమని ఖలిస్థానీ వేర్పాటువాది కశ్మీరీ ముస్లింలను కోరాడు. జి20 సమ్మిట్‌కు అంతరాయం కలిగించేందుకు కశ్మీరీ ముస్లింలను ఢిల్లీకి వెళ్లాలని కోరుతూ సిక్కులు ఫర్ జస్టిస్ (ఎస్‌ఎఫ్‌జె) వ్యవస్థాపకుడు గురుపత్వంత్ సింగ్ పన్నూన్ ఆడియో సందేశాన్ని విడుదల చేశారు. (Khalistani separatist asks Kashmiri Muslims) న్యూఢిల్లీలో జి 20 సదస్సు రెండు రోజుల పాటు సెప్టెంబర్ 9, 10 తేదీల్లో జరగనుంది.
శుక్రవారం ప్రార్థనల తర్వాత శిఖరాగ్ర సమావేశం జరిగే ప్రగతి మైదాన్‌కు కవాతు చేయాలని పన్నూన్ కశ్మీరీలను కోరారు. (disrupt G20 Summit in Delhi) ఢిల్లీలోని ఇందిరాగాంధీ అంతర్జాతీయ విమానాశ్రయంలో ఖలిస్థానీ జెండాను ఎగురవేస్తానని హెచ్చరించాడు. గురుపత్వంత్ సింగ్ పన్నూ ఆదేశాల మేరకు ఢిల్లీ మెట్రో స్టేషన్లలో ఖలిస్థాన్ అనుకూల నినాదాలు రాసినట్లు అధికారులు తెలిపారు. ఈ నినాదాలు రాసిన ఇద్దరు వ్యక్తులను ఢిల్లీ పోలీసులు అరెస్ట్ చేశారు.
Bigg Boss 7 : బిగ్‌బాస్ సీజన్ 7 మొదలు అయ్యిపోయింది.. కంటెస్టెంట్స్ వీరే..
పంజాబీ బాగ్, శివాజీ పార్క్, మాదిపూర్, పశ్చిమ్ విహార్, ఉద్యోగ్ నగర్, మహారాజా సూరజ్మల్ స్టేడియం, నాంగ్లోయ్ మెట్రో స్టేషన్ల గోడలపై ‘ఢిల్లీ బనేగా ఖలిస్థాన్’ ‘ఖలిస్థాన్ రెఫరెండం జిందాబాద్’ వంటి నినాదాలు రాశారు. చైనా అధ్యక్షుడు జి జిన్‌పింగ్, రష్యా అధ్యక్షుడు వ్లాదిమిర్ పుతిన్ మినహా జి20 ఫోరమ్ నాయకులు రెండు రోజుల పాటు జరిగే సమ్మిట్‌లో పాల్గొనడానికి త్వరలో ఢిల్లీకి చేరుకోనున్నారు.
Telangana Rains : భారీ నుంచి అతి భారీ వర్షాలు, తెలంగాణలో రానున్న 5 రోజులు వానలు
జి20 సదస్సు ఇక్కడ జరగడం ఇదే తొలిసారి కావడంతో భారత్‌కు ఇది చారిత్రాత్మక ఘట్టం. సదస్సు సందర్భంగా ఢిల్లీలో విస్తృతమైన భద్రతా ఏర్పాట్లు చేశారు. చొరబాట్లు, ఉగ్రవాద చర్యలు,విధ్వంసం జరగకుండా చూసేందుకు 1,30,000 మంది భద్రతా సిబ్బందిని మోహరించనున్నట్లు ఢిల్లీ పోలీసులు తెలిపారు. ఈవెంట్ వేదికల వద్ద బుల్లెట్ ప్రూఫ్ భద్రతను ఏర్పాటు చేశారు.
