Road Accident : బెంగళూరు ఎయిర్‌పోర్టు రోడ్డుపై ఒకదానికొకటి ఢీకొన్న పలు కార్లు
బెంగళూరు విమానాశ్రయం రోడ్డులోని దొడ్డజాల సమీపంలో సోమవారం సాయంత్రం పలు కార్లు వరుసగా ఒకదానికొకటి ఢీకొన్న ఘటన చోటుచేసుకుంది.
- Published By: 10TV Digital Team ,Published On : December 19, 2023 / 11:38 AM IST
Road Accident (2)
Bengaluru Road Accident : కర్ణాటకలో ఘోర రోడ్డు ప్రమాదం జరిగింది. బెంగళూరు కెంపేగౌడ్ ఎయిర్‌పోర్టు రోడ్డుపై పలు కార్లు ఒకదానికొకటి ఢీకొన్నాయి. బెంగళూరు ఎయిర్‌పోర్టు రోడ్డులోని దొడ్డజాల సమీపంలో సోమవారం సాయంత్రం పలు కార్లు వరుసగా ఒకదానికొకటి ఢీకొన్న ఘటన చోటుచేసుకుంది. ఈ ఘటనకు సంబంధించిన వీడియో సోషల్ మీడియాలో వైరల్ అయింది. అనేక కార్లు దెబ్బతిన్నట్లు వీడియోలో కనిపిస్తోంది.
బెంగళూరులో కెంపేగౌడ్ ఎయిర్‌పోర్టు రోడ్డులో వరుసగా పలు వాహనాలు ఒకదానికొకటి ఢీకొనడంతో 9 కార్లు ధ్వంసమయ్యాయి. ఎయిర్‌పోర్టు రోడ్డులోని సాదళ్లి గేట్ ముందు నుంచి వెళ్తున్న ఒక కారు డ్రైవర్ సడెన్ బ్రేక్ వేడయంతో వెనుక వేగంగా వస్తున్న కార్లు వరసుగా ఒకదానికొకటి ఢీకొన్నాయి. దీంతో తొమ్మిది కార్లు ధ్వంసమయ్యాయి.
Sabarimala : శబరిమలలో అయ్యప్ప భక్తులపై పోలీసులు లాఠీచార్జ్
కొంతమందికి స్వల్ప గాయాలు అయ్యాయి. కాగా, ఈ ప్రమాదంలో ఎలాంటి ప్రాణ నష్టం జరగలేదు. అత్యవసర పనులకు వెళ్తున్న ప్రయాణికులు లబోదిమని మొత్తుకుంటున్నారు. ప్రమాదం కారణంగా కాసేపు ట్రాఫిక్ జామ్ అయింది. చిక్కజాల పోలీసులు వెంటనే ఘటనాస్థలికి వెళ్లి ట్రాఫిక్ ను క్లియర్ చేశారు.
