Muslim in Cabinet: అధికారం నుంచి ముస్లింలు ఔట్.. కేంద్రం సహా 15 రాష్ట్రాల్లో ముస్లిం మంత్రులే లేరు, కాంగ్రెస్ పాలిత 2 రాష్ట్రాల్లో జీరో
తొలిసారిగా కేంద్ర ప్రభుత్వంలో ఒక్క ముస్లిం మంత్రి కూడా లేరు. మైనారిటీ మంత్రిత్వ శాఖ కమాండ్ హిందూ కమ్యూనిటీకి చెందిన స్మృతి ఇరానీ చేతిలో ఉంది. మోదీ ప్రభుత్వం తొలి దఫాలో నజ్మా హెప్తుల్లా, ముఖ్తార్ నఖ్వీ వంటి ముస్లిం నేతలకు మంత్రి పదవులు ఇచ్చారు.
- Published By: 10TV Digital Team ,Published On : December 17, 2023 / 06:07 PM IST
సబ్‌కా సాథ్, సబ్‌కా వికాస్ నినాదాన్ని కేంద్ర ప్రభుత్వం తరుచుగా వినిపిస్తోంది. కానీ కేంద్ర మంత్రివర్గంలో అందరికీ భాగస్వామ్యం లేదన్నది అసంతృప్తి కలిగించే విషయం. దేశంలో ఉన్న అనేక వర్గాల వారు అధికారానికి ఇంకా దూరంగానే ఉన్నారు. అయితే ఎప్పటి నుంచే అంతో ఇంతో ప్రాధాన్యత దక్కించుకుంటూ వచ్చిన ముస్లింలు మాత్రం.. తాజాగా అధికారానికి దూరమవుతున్నారు. కేంద్రంతో సహా 15 రాష్ట్రాల ప్రభుత్వంలో తొలిసారి ఒక్క ముస్లిం మంత్రి కూడా లేరు. ముస్లింల జనాభా 45 లక్షలకు పైగా ఉన్న అస్సాం, గుజరాత్, తెలంగాణ వంటి ప్రధాన రాష్ట్రాల్లో ఇదే పరిస్థితి ఉండడం గమనార్హం.
దేశంలో ముస్లింల జనాభా దాదాపు 14 శాతం ఉంది. హిందువుల తర్వాత అత్యధిక జనాభా కలిగిన మత వర్గం ఇదే. ఇకపోతే, ఇటీవలి 5 రాష్ట్రాల్లో జరిగిన ఎన్నికల అనంతరం ఏర్పడుతున్న ప్రభుత్వాల్లో కూడా ముస్లిం ప్రాతినిధ్యం కనిపించడం లేదు. ఈ ఐదు రాష్ట్రాల్లో కాంగ్రెస్ పార్టీ ఒక్క తెలంగాణలో మాత్రమే అధికారంలోకి వచ్చింది. వారం రోజుల క్రితం ఇక్కడ కొత్త ప్రభుత్వం ఏర్పాటై, మంత్రివర్గ విస్తరణ కూడా జరిగింది. అయితే అందులో ఒక్క మంత్రి కూడా లేరు. ఇక బీజేపీ పాలిత మధ్యప్రదేశ్, రాజస్థాన్, ఛత్తీస్‌గఢ్‌లలో కూడా ముస్లింలు మంత్రులు అయ్యే అవకాశాలు శూన్యం. ఎందుకంటే, మూడు రాష్ట్రాల్లో బీజేపీ గుర్తుపై గెలిచి ఒక్క ముస్లిం ఎమ్మెల్యే కూడా లేరు.
ఇది కూడా చదవండి: ఎన్నికల ఫలితాలు ఊహకు అందవు, 160 సీట్లలో గెలుపు గ్యారెంటీ- అచ్చెన్నాయుడు సంచలనం
అధికారంలో భాగస్వామ్యంలో ముస్లింలు ఎక్కడ ఉన్నారు?
తొలిసారిగా కేంద్ర ప్రభుత్వంలో ఒక్క ముస్లిం మంత్రి కూడా లేరు. మైనారిటీ మంత్రిత్వ శాఖ కమాండ్ హిందూ కమ్యూనిటీకి చెందిన స్మృతి ఇరానీ చేతిలో ఉంది. మోదీ ప్రభుత్వం తొలి దఫాలో నజ్మా హెప్తుల్లా, ముఖ్తార్ నఖ్వీ వంటి ముస్లిం నేతలకు మంత్రి పదవులు ఇచ్చారు. అయితే ముఖ్తార్‌ను రెండోసారి కూడా మంత్రిగా చేశారు. కానీ 2021లో జరిగిన మంత్రివర్గ విస్తరణలో ఆయనను తొలగించారు. అటల్ బిహారీ ప్రభుత్వంలో ఒమర్ అబ్దుల్లా, సయ్యద్ షానవాజ్ హుస్సేన్ మంత్రులుగా ఉన్నారు. ఆసక్తికరంగా, కేంద్రంలోని 7 పెద్ద పదవులైన రాష్ట్రపతి, ఉపరాష్ట్రపతి, స్పీకర్, ప్రధాన న్యాయమూర్తి, ప్రధానమంత్రి, ప్రధాన ఎన్నికల కమిషనర్, రాజ్యసభలో ప్రతిపక్ష నాయకుడి పదవుల్లో ఒక్క ముస్లిం కూడా లేరు.
సగం రాష్ట్రాల్లో ముస్లిం మంత్రులు లేరు, ముఖ్యమంత్రి అన్నది చాలా దూరం
దేశంలో మొత్తం 29 రాష్ట్రాలు ఉండగా, అందులో 15 రాష్ట్రాల్లో తొలిసారి ఒక్క ముస్లిం మంత్రి కూడా లేరు. గుజరాత్, అస్సాం, హర్యానా, ఉత్తరాఖండ్, హిమాచల్, తెలంగాణ, ఈశాన్యంలోని ఆరు రాష్ట్రాలలో ఇదే పరిస్థితి కనిపిస్తోంది. ఈ రాష్ట్రాల్లో ఒక్క ముస్లిం ముఖ్యమంత్రి కూడా లేరు. అస్సాంలో ఒక కోటి మందికి పైగా ముస్లింలు ఉండగా, తెలంగాణలో ముస్లింల జనాభా దాదాపు 45 లక్షలు. ఈ రాష్ట్రాల్లో కూడా మంత్రివర్గంలో ముస్లింలకు చోటు దక్కలేదు. ప్రస్తుతం, దేశంలో 28 మంది గవర్నర్లు ఉన్నారు. అందులో కేవలం ఇద్దరు ముస్లింలు (అబ్దుల్ నజీర్-ఆంధ్రప్రదేశ్, ఆరిఫ్ ఖాన్-కేరళ) ఉన్నారు. ప్రస్తుతం సుప్రీంకోర్టులో మొత్తం 34 మంది న్యాయమూర్తులు ఉండగా, అందులో ఒక న్యాయమూర్తి మాత్రమే ముస్లిం వర్గానికి చెందినవారు.
ఇది కూడా చదవండి: ప్రధాని మోదీ రోడ్ షో నిర్వహిస్తుండగా వచ్చిన అంబూలెన్స్.. తర్వాత ఏం జరిగిందంటే?
ముఖ్యమంత్రి గురించి చెప్పాలంటే ప్రస్తుతం దేశంలోని ఏ రాష్ట్రంలోనూ ఒక్క ముస్లిం ముఖ్యమంత్రి లేరు. దేశంలోని 28 రాష్ట్రాలు, 2 కేంద్రపాలిత ప్రాంతాలలో ఎన్నికైన ముఖ్యమంత్రులు ఉన్నారు. వీరిలో 25 మంది ముఖ్యమంత్రులు హిందువులు, 2 మంది క్రైస్తవులు, బౌద్ధ, సిక్కు వర్గాలకు చెందిన ఒక్కొక్కరు ఉన్నారు. తమిళనాడు ముఖ్యమంత్రి ఎంకే స్టాలిన్ తనను తాను ఏ మతానికి చెందినవాడిగా భావించడం లేదు. ఒక ప్రకటనలో అతను తనను తాను నాస్తికుడిగా అభివర్ణించారు. అయితే, స్టాలిన్ వచ్చే సంఘం భారతదేశంలో హిందూ మతంగా వర్గీకరించబడింది.
గతంలో జమ్మూకశ్మీర్‌లో ముస్లింలు ముఖ్యమంత్రి అయ్యేవారు. అయితే 2019 నుంచి అక్కడ ఎన్నికలు జరగలేదు. సెప్టెంబర్ 2024లోగా ఎన్నికలు నిర్వహించాలని సుప్రీంకోర్టు ఆదేశాలు జారీ చేసింది. అదే సమయంలో కొత్తగా డీలిమిటేషన్ చేసిన విధానం వల్ల అక్కడ ముస్లిం ముఖ్యమంత్రి అయ్యే అవకాశాలు చాలా వరకు తగ్గాయని నిపుణులు చెబుతున్నారు.
ఇది కూడా చదవండి: జైళ్లలో డ్రగ్స్పై తీవ్ర ఆరోపణలు.. రాజకీయాల నుంచి తప్పుకుంటానంటూ సిద్ధూ ఛాలెంజ్
కాంగ్రెస్ పాలిత రెండు రాష్ట్రాల్లో ముస్లిం మంత్రులు లేరు
ప్రస్తుతం కాంగ్రెస్ 3 రాష్ట్రాల్లో అధికారంలో ఉంది. కర్ణాటక మినహా హిమాచల్, తెలంగాణలో ముస్లింలను మంత్రిగా కాంగ్రెస్ చేయలేదు. ఈ రాష్ట్రాల నుంచి ఒక్క ముస్లిం ఎమ్మెల్యే కూడా ఎన్నిక కాలేదని, అందుకే ముస్లిం ముఖానికి టిక్కెట్టు ఇవ్వలేదని పార్టీ సీనియర్ నాయకుడు ఒకరు చెప్పారు. కాంగ్రెస్ మైనారిటీ శాఖ వర్గాల సమాచారం ప్రకారం.. 5 రాష్ట్రాల్లో ఎన్నికలకు ముందు ముస్లింలకు టిక్కెట్ల అంశంపై అంతర్గత సమావేశంలో పెద్ద ఎత్తున చర్చ జరిగింది. మధ్యప్రదేశ్, రాజస్థాన్‌లలో ఎక్కువ మంది టిక్కెట్లు ఇవ్వకపోవడంపై ముస్లిం నేతలు కూడా నిరసన వ్యక్తం చేశారు. అయితే హైకమాండ్ జోక్యంతో మైనార్టీ శాఖ చైర్మన్ ఓపిక పట్టాలని ఆ శాఖ నేతలకు సూచించింది.
