IND vs ENG : రెండో టీ20 మనదే.. ఆడితే నీలా ఆడాలి.. ఒంటిచేత్తో భారత్‌ను గెలిపించిన తిలక్ వర్మ.. వంగి మరి సలాం కొట్టిన కెప్టెన్..!
India vs England 2nd T20I : ఇంగ్లండ్‌తో చెన్నైలో జరిగిన రెండో టీ20లో భారత్ 2 వికెట్ల తేడాతో ఉత్కంఠ విజయం సాధించింది. దీంతో 5 మ్యాచ్‌ల సిరీస్‌లో 2-0 ఆధిక్యంలో నిలిచింది.
- Published By: 10TV Digital Team ,Published On : January 26, 2025 / 12:33 AM IST
India captain Suryakumar Yadav bows down ( Image Source : @BCCI/Twitter)
India vs England 2nd T20I : చివరి ఓవర్‌ వరకూ విజయం దోబోచూలాడినా మ్యాచ్ విజయాన్ని భారత్‌నే వరించింది. చెన్నై వేదికగా ఇంగ్లండ్‌తో జరిగిన రెండో టీ20లో భారత్ 2 వికెట్ల తేడాతో ఉత్కంఠ విజయాన్ని అందుకుంది. దీంతో 5 మ్యాచ్‌ల సిరీస్‌లో 2-0 ఆధిక్యంలో నిలిచింది. ఒకప్పుడు ఈ మ్యాచ్‌లో టీమిండియా ఓడిపోతుందని అనిపించినా తిలక్ వర్మ ఒంటిచేత్తో భారత్‌ను విజయతీరాలకు చేర్చాడు. చివరి ఓవర్‌లో ఫోర్ కొట్టి జట్టుకు విజయాన్ని అందించాడు. తిలక్ 55 బంతుల్లో 72 పరుగుల అజేయ ఇన్నింగ్స్ ఆడి భారత్‌ను గెలిపించాడు. టీమిండియా విజయంలో కీలక పాత్ర పోషించిన తిలక్ వర్మకు కెప్టెన్ సూర్యకుమార్ యాదవ్ వంగి మరి సలాం కొట్టాడు.
తొలుత బ్యాటింగ్ చేసిన ఇంగ్లాండ్ జట్టు నిర్ణీత 20 ఓవర్లలో 9 వికెట్ల నష్టానికి 165 పరుగులు చేయగా, లక్ష్య ఛేదనలో భారత్ మరో 4 బంతులు ఇంకా మిగిలి ఉండగానే గెలిచింది. తిలక్ వర్మ అద్భుతమైన ఇన్నింగ్స్ ఆడటంతో భారత్ రెండో టీ20 మ్యాచ్‌లో గెలిచి సిరీస్ అవకాశాలను సజీవంగా నిలుపుకుంది. తద్వారా మ్యాచ్ విన్నర్ అయిన తిలక్ వర్మ ‘ప్లేయర్ ఆఫ్ ది మ్యాచ్’గా నిలిచాడు.
తిలక్ వర్మకు సలాం కొట్టిన కెప్టెన్ :
మ్యాచ్ విజయ వీరుడు తిలక్ వర్మ ముందు కెప్టెన్ సూర్యకుమార్ యాదవ్ తల వంచాడు. తిలక్ 55 బంతుల్లో 72 పరుగుల అజేయ ఇన్నింగ్స్ ఆడి భారత్‌ను విజయతీరాలకు చేర్చాడు. తొలుత బ్యాటింగ్ చేసిన ఇంగ్లండ్ జోస్ బట్లర్ 45 పరుగులు, బ్రైడెన్ కార్సే 30 పరుగులతో 165 పరుగులు చేసింది. లక్ష్య ఛేదనలో అభిషేక్ శర్మ, సంజూ శాంసన్‌లు తొందరగానే ఔట్ కావడంతో టీమ్ ఇండియా కష్టాల్లో పడింది.
Take A Bow, Tilak Varma 👏
Scoreboard ▶️ https://t.co/6RwYIFWg7i#TeamIndia | #INDvENG | @idfcfirstbank | @TilakV9 | @surya_14kumar pic.twitter.com/wriIceydhx
— BCCI (@BCCI) January 25, 2025
తిలక్ ఒంటరిగానే ఇన్నింగ్స్ నడిపించాడు :
తిలక్ ఇన్నింగ్స్ బాధ్యతను తన భుజస్కందాలపై వేసుకుని సూర్యకుమార్ యాదవ్‌తో కలిసి కొద్దిపాటి భాగస్వామ్యాన్ని నెలకొల్పాడు. అయితే, ఆ తర్వాత కెప్టెన్ కూడా ఔటయ్యాడు. భారత జట్టు 5 వికెట్లకు 78 పరుగులకే పరిమితమైనట్లు కనిపించినా, తిలక్ వర్మ, వాషింగ్టన్ సుందర్ ఇన్నింగ్స్‌ను చక్కదిద్దారు. తిలక్ పరుగులు తిరగేసి చివరి ఓవర్లలో అర్ష్‌దీప్ సింగ్, రవి బిష్ణోయ్‌లను నమ్మి జట్టును విజయతీరాలకు చేర్చాడు.
తిలక్ విన్నింగ్ సెలబ్రేషన్ :
చివరి ఓవర్లలో తిలక్ విజయవంతమైన పరుగులు సాధించడంతో భారత్ మరో 4 బంతులు మిగిలి ఉండగానే విజయం సాధించింది. మ్యాచ్ అనంతరం తిలక్ తనదైన శైలిలో స్టిల్ ఇచ్చాడు. వెంటనే సూర్యకుమార్ యాదవ్ కూడా ఈ వేడుకలో పాల్గొని యువ బ్యాట్స్‌మెన్‌ని ప్రశంసించాడు. భారత్ గెలిచిన వెంటనే సూర్యకుమార్ యాదవ్ మ్యాచ్ విన్నర్ ముందు వంగి కెప్టెన్ నమస్కరించాడు. ఇప్పుడు ఈ వీడియో సోషల్ మీడియాలో వైరల్‌గా మారింది.
2️⃣-0️⃣ 🙌
Tilak Varma finishes in style and #TeamIndia register a 2-wicket win in Chennai! 👌
Scorecard ▶️ https://t.co/6RwYIFWg7i #INDvENG | @IDFCFIRSTBank pic.twitter.com/d9jg3O02IB
— BCCI (@BCCI) January 25, 2025
తిలక్ అద్భుతమైన ఇన్నింగ్స్ :
తిలక్ మంచి ఫామ్‌ను కొనసాగించాడు. టీ20లో గత 4 ఇన్నింగ్స్‌ల్లో 318 పరుగులు చేశాడు. ఇందులో దక్షిణాఫ్రికాలో 2 సెంచరీలు, శనివారం సాధించిన హాఫ్ సెంచరీ కూడా ఉన్నాయి. జనవరి 28న రాజ్‌కోట్‌లో భారత్, ఇంగ్లండ్ జట్ల మధ్య మూడో టీ20 మ్యాచ్ జరగనుంది.
