KKR vs RCB: టాస్‌ గెలిచి బౌలింగ్ ఎంచుకున్న ఆర్సీబీ.. తుది జట్లు ఇవే..
ఐపీఎల్‌ 2025లో జరుగుతున్న మొట్టమొదటి మ్యాచ్ ఇది.
- Published By: 10TV Digital Team ,Published On : March 22, 2025 / 07:18 PM IST
IPL 2025
ఐపీఎల్‌ 2025లో భాగంగా ఇవాళ కోల్‌కతాలోని ఈడెన్ గార్డెన్స్‌లో కోల్‌కతా నైట్ రైడర్స్, రాయల్ ఛాలెంజర్స్ బెంగళూరు మధ్య మ్యాచ్ జరుగుతోంది. ఐపీఎల్‌ 2025లో జరుగుతున్న మొట్టమొదటి మ్యాచ్ ఇది. టాస్‌ 7 గంటలకు కాకుండా కాస్త ఆలస్యంగా వేశారు.
టాస్‌ గెలిచిన ఆర్సీబీ మొదట బౌలింగ్ ఎంచుకుంది. మ్యాచుకి ముందు ఆర్సీబీ కెప్టెన్ రజత్ పటీదార్‌ మాట్లాడుతూ.. ఆర్సీబీకి సారథ్య బాధ్యతలు వహించడం గొప్ప అనుభూతినిస్తుందని చెప్పాడు. ఈ గ్రౌండ్‌, ఇక్కడి ఫ్యాన్స్‌ అంటే తనకు చాలా ఇష్టమని అన్నాడు. తన టీమ్‌ ఆటగాళ్లు పూర్తి కాన్ఫిడెంట్‌గా ఉన్నారని తెలిపాడు.
తాము మొదట బౌలింగ్ చేయాలని నిర్ణయించుకున్నామని రజత్ పటీదార్‌ చెప్పాడు. తాము గత 10-15 రోజులుగా ఐపీఎల్‌ కోసం సన్నద్ధమవుతున్నామని తెలిపాడు. తాము ముగ్గురు ఫాస్ట్ బౌలర్లు, ఇద్దరు స్పిన్నర్లతో ఆడుతున్నామని చెప్పాడు.
కేకేఆర్‌ కెప్టెన్ అజింక్యా రహానె మాట్లాడుతూ.. ఈడెన్ గార్డెన్స్ లో మళ్లీ ఆడేందుకు సిద్ధమయ్యామని అన్నాడు. ఈ జట్టుకు సారథ్యం వహించడాన్ని గౌరవప్రదంగా భావిస్తున్నానని చెప్పాడు. తమ జట్టులో ముగ్గురు ఫాస్ట్ బౌలర్లు, ఇద్దరు స్పిన్నర్లను నేటి మ్యాచ్‌కు తీసుకున్నామని తెలిపాడు.
రాయల్ ఛాలెంజర్స్ బెంగళూరు జట్టు: విరాట్ కోహ్లీ, ఫిలిప్ సాల్ట్, రజత్ పాటిదార్(కెప్టెన్), లియామ్ లివింగ్‌స్టోన్, జితేశ్ శర్మ, టిమ్ డేవిడ్, కృనాల్ పాండ్యా, రసిఖ్ దార్ సలామ్, సుయాష్ శర్మ, జోష్ హేజిల్‌వుడ్, యష్ దయాల్
కోల్‌కతా నైట్ రైడర్స్ జట్టు: క్వింటన్ డి కాక్, వెంకటేశ్ అయ్యర్, అజింక్యా రహానే(కెప్టెన్), రింకు సింగ్, అంగ్క్రిష్ రఘువంశీ, సునీల్ నరైన్, ఆండ్రీ రస్సెల్, రమణదీప్ సింగ్, స్పెన్సర్ జాన్సన్, హర్షిత్ రాణా, వరుణ్ చక్రవర్తి
ఇంపాక్ట్ సబ్‌స్టిట్యూట్స్‌
కోల్‌కతా నైట్ రైడర్స్ ఇంపాక్ట్ సబ్‌లు: అన్రిచ్, మనీశ్‌ పాండే, వైభవ్ అరోరా, అనుకుల్ రాయ్, లువ్నిత్ సిసోడియా
రాయల్ ఛాలెంజర్స్ బెంగళూరు ఇంపాక్ట్ సబ్స్: దేవదత్ పడిక్కల్, అభినందన్ సింగ్, మనోజ్ భాండాగే, రొమారియో షెపర్డ్, స్వప్నిల్ సింగ్
