IPL 2025: ఐపీఎల్ ఫైనల్స్ లో ఆర్సీబీకి కలిసిరాని ఛేజింగ్.. వరుసగా ఓటములే..

ఈ రెండు జట్లలో ఏది గెలిచినా వారికిదే తొలి ఐపీఎల్ టైటిల్.

Courtesy BCCI

IPL 2025: ఐపీఎల్ 2025 ఫైనల్ మ్యాచ్ లో పంజాబ్ కింగ్స్ టాస్ గెలిచింది. పంజాబ్ కెప్టెన్ శ్రేయస్ అయ్యర్ బౌలింగ్ ఎంచుకున్నాడు. దీంతో బెంగళూరు రాయల్ చాలెంజర్స్ తొలుత బ్యాటింగ్ కు దిగింది. ఐపీఎల్ 2025 సీజన్‌కు ఇవాళ్టితో తెరపడనుంది. అహ్మదాబాద్‌ వేదికగా జరుగుతున్న ఫైనల్ మ్యాచ్ లో పంజాబ్ కింగ్స్, రాయల్ ఛాలెంజర్స్ బెంగళూరు తలపడుతున్నాయి. ఈ రెండు జట్లలో ఏది గెలిచినా వారికిదే తొలి ఐపీఎల్ టైటిల్.

లీగ్ దశలో అద్భుత ప్రదర్శనతో తొలి రెండు స్థానాల్లో నిలిచిన పంజాబ్, బెంగళూరు.. ఫైనల్ చేరే క్రమంలోనూ తమదైన ముద్ర వేశాయి. క్వాలిఫయర్-1లో పంజాబ్‌పై ఘన విజయం సాధించిన ఆర్సీబీ, నాలుగోసారి ఫైనల్‌కు దూసుకెళ్లింది. మరోవైపు, పంజాబ్ కింగ్స్ జట్టు క్వాలిఫయర్ -2లో ముంబై ఇండియన్స్ పై సంచలన విజయాన్ని నమోదు చేసింది. ఈ సీజన్‌లో ఈ రెండు జట్లు ఇప్పటికే మూడుసార్లు తలపడ్డాయి.

ఇక ఐపీఎల్ హిస్టరీలో ఫైనల్స్ లో ఛేజింగ్ లో ఆర్సీబీకి అంత మంచి రికార్డ్ లేదు. వరుసగా ఓటములు ఎదురయ్యాయి. రెండోసారి బ్యాటింగ్ కు దిగిన ప్రతీసారి పరాజయం పాలైంది. లక్ష్యాన్ని చేధించలేక చతికిలపడింది. ఈ గణాంకాలు ఆర్సీబీ ఫ్యాన్స్ ను కలవరపెడుతున్నాయి. అయితే, ఐపీఎల్ 2025 సీజన్ లో అందుకు భిన్నంగా జరిగింది. పంజాబ్ తో తుది పోరులో ఆర్సీబీ తొలుత బ్యాటింగ్ కు దిగటం ఫ్యాన్స్ కు ఊరటనిచ్చే విషయం.

ఫైనల్స్ లో ఆర్సీబీ..
2009 – ఛేజింగ్ చేస్తూ ఓటమి
2011 – ఛేజింగ్ చేస్తూ ఓటమి
2016 – ఛేజింగ్ చేస్తూ ఓటమి
2025 – తొలుత బ్యాటింగ్

ఫైనల్స్ లో ఆర్సీబీ..
2009 – ఛేజింగ్ చేస్తూ ఓటమి (6 వికెట్ల తేడాతో డెక్కన్ ఛార్జర్స్ గెలుపు)
2011 – ఛేజింగ్ చేస్తూ ఓటమి (58 పరుగుల తేడాతో చెన్నై సూపర్ కింగ్స్ విజయం)
2016 – ఛేజింగ్ చేస్తూ ఓటమి (8 వికెట్ల తేడాతో సన్ రైజర్స్ హైదరాబాద్ విక్టరీ)