Shubman Gill-Sai Sudharsan : చ‌రిత్ర సృష్టించిన సాయిసుద‌ర్శ‌న్‌- గిల్ జోడీ.. ఐపీఎల్ హిస్ట‌రీలో ఏ జంట‌ అందుకోలేని ఘ‌న‌త..

ఐపీఎల్ 2025 సీజ‌న్‌లో గుజ‌రాత్ టైటాన్స్ అద‌ర‌గొడుతోంది.

Shubman Gill-Sai Sudharsan : చ‌రిత్ర సృష్టించిన సాయిసుద‌ర్శ‌న్‌- గిల్ జోడీ.. ఐపీఎల్ హిస్ట‌రీలో ఏ జంట‌ అందుకోలేని ఘ‌న‌త..

Courtesy BCCI

Updated On : May 19, 2025 / 10:57 AM IST

ఐపీఎల్ 2025 సీజ‌న్‌లో గుజ‌రాత్ టైటాన్స్ అద‌ర‌గొడుతోంది. ఆదివారం అరుణ్ జైట్లీ స్టేడియం వేదిక‌గా ఢిల్లీ క్యాపిట‌ల్స్‌తో జ‌రిగిన మ్యాచ్‌లో 10 వికెట్ల తేడాతో విజ‌యం సాధించి ప్లేఆఫ్స్‌లో అడుగుపెట్టింది. అంతేకాదండోయ్ ఓ గొప్ప రికార్డును సైతం త‌న ఖాతాలో వేసుకుంది. ఐపీఎల్‌లో వికెట్ కోల్పోకుండా 200 ప‌రుగులు చేజ్ చేసిన తొలి జ‌ట్టుగా చ‌రిత్ర సృష్టించింది.

ఈ మ్యాచ్‌లో ఢిల్లీ క్యాపిట‌ల్స్ తొలుత బ్యాటింగ్ చేసింది. కేఎల్ రాహుల్ (112 నాటౌట్‌) సెంచ‌రీతో చెల‌రేగ‌డంతో నిర్ణీత 20 ఓవ‌ర్ల‌లో 3 వికెట్ల న‌ష్టానికి 199 ప‌రుగులు చేసింది. ఆ త‌రువాత సాయి సుద‌ర్శ‌న్ (108 నాటౌట్), శుభ్‌మ‌న్ గిల్ (93 నాటౌట్) దంచికొట్ట‌డంతో ల‌క్ష్యాన్ని గుజ‌రాత్ 19 ఓవ‌ర్ల‌లో ఒక్క వికెట్ కూడా కోల్పోకుండా అందుకుంది.

LSG vs SRH : ల‌క్నోతో మ్యాచ్‌కు ముందు స‌న్‌రైజ‌ర్స్ కు భారీ షాక్‌.. క‌రోనా బారిన ప‌డిన ఎస్ఆర్‌హెచ్ స్టార్ ప్లేయర్‌

కాగా.. ఐపీఎల్ చ‌రిత్ర‌లో ఓ సీజ‌న్‌లో 800 కంటే ఎక్కువ‌ ప‌రుగులు చేసిన భార‌త జోడీగా సాయి సుద‌ర్శ‌న్‌, గిల్ జంట‌ చ‌రిత్ర సృష్టించింది. ఈ క్ర‌మంలో శిఖ‌ర్ ధావ‌న్‌, పృథ్వీ షా జోడీని అధిగ‌మించింది.

ఓ ఐపీఎల్ సీజన్‌లో అత్య‌ధిక ప‌రుగులు చేసిన భార‌త జోడీలు..

* శుభమాన్ గిల్, సాయి సుదర్శన్ – 839* ప‌రుగులు ( 2025లో గుజ‌రాత్ టైటాన్స్‌ )
*శిఖ‌ర్ ధాన్‌, పృథ్వీ షా – 744 ప‌రుగులు (2021లో ఢిల్లీ క్యాపిట‌ల్స్‌)
* మయాంక్ అగ‌ర్వాల్‌, కేఎల్ రాహుల్ – 671 ప‌రుగులు (2020లో పంజాబ్ కింగ్స్‌)
* మ‌యాంక్ అగ్వార‌ల్, కేఎల్ రాహుల్ – 602 ప‌రుగులు (2021లో పంజాబ్ కింగ్స్‌)
* విరాట్ కోహ్లీ, దేవ‌ద‌త్ ప‌డిక్క‌ల్ – 601 ప‌రుగులు (2021లో రాయల్ ఛాలెంజ‌ర్స్ బెంగ‌ళూరు)

IPL 2025 playoffs scenario : ఐపీఎల్ ప్లేఆఫ్స్ స‌మీక‌ర‌ణం.. ఒక్క స్థానం కోసం మూడు జ‌ట్ల మ‌ధ్య తీవ్ర పోటీ.. ఎవ‌రికి అవ‌కాశాలు ఎక్కువ ఉన్నాయంటే..?

ఈ సీజ‌న్‌లో సాయి సుద‌ర్శ‌న్‌, గిల్ లు భీక‌ర ఫామ్‌లో ఉన్నారు. ఆరెంజ్ క్యాప్ రేసులో ప్ర‌స్తుతం వీరిద్ద‌రు తొలి రెండు స్థానాల్లో ఉన్నారు. సాయిసుద‌ర్శ‌న్ ఇప్ప‌టి వ‌ర‌కు ఈ సీజ‌న్‌లో 12 మ్యాచ్‌లు ఆడాడు. 56.09 స‌గ‌టుతో 156.99 స్ట్రైక్‌రేట్‌తో 617 ప‌రుగులు సాధించాడు. ఇక గిల్ విష‌యానికి వ‌స్తే.. 12 మ్యాచ్‌ల్లో 60.10 స‌గ‌టు 155.69 స్ట్రైక్‌రేట్‌తో 601 ప‌రుగులు చేశాడు.