WPL 2023 UPW vs DC : ఫైనల్‌కి చేరిన ఢిల్లీ.. యూపీపై విజయం
ఢిల్లీ అమ్మాయిలు అదరగొట్టారు. యూపీని చిత్తు చేశారు. అంతేకాదు.. ఉమెన్స్ ప్రీమియర్ లీగ్(డబ్ల్యూపీఎల్)2023 టోర్నీలో ఫైనల్ కి చేరారు.
- Published By: 10TV Digital Team ,Published On : March 22, 2023 / 12:49 AM IST
WPL 2023 UPW vs DC : ఉమెన్స్ ప్రీమియర్ లీగ్(డబ్ల్యూపీఎల్)2023లో భాగంగా మంగళవారం ఢిల్లీ కేపిటల్స్, యూపీ వారియర్స్ జట్లు తలపడ్డాయి. ఈ మ్యాచ్ లో ఢిల్లీ అమ్మాయిలు అదరగొట్టారు. యూపీని చిత్తు చేశారు. అంతేకాదు.. ఈ టోర్నీలో ఫైనల్ కి చేరారు.
భారత్ లో ఈ ఏడాది తొలిసారిగా నిర్వహిస్తున్న ఉమెన్స్ ప్రీమియర్ లీగ్ లో ఢిల్లీ జట్టు ఫైనల్లోకి దూసుకెళ్లింది. చివరి లీగ్ మ్యాచ్ లో యూపీ వారియర్స్ పై ఢిల్లీ జట్టు 5 వికెట్ల తేడాతో విజయం సాధించింది. దాంతో పాయింట్ల పట్టికలో అగ్రస్థానంలో నిలిచి నేరుగా ఫైనల్ బెర్తు ఖరారు చేసుకుంది.(WPL 2023 UPW vs DC)
ఈ మ్యాచ్ లో యూపీ వారియర్స్ జట్టు మొదట బ్యాటింగ్ చేసింది. 20 ఓవర్లలో 6 వికెట్ల నష్టానికి 138 పరుగులు చేసింది. తహ్లియా మెక్ గ్రాత్ 58 పరుగులతో అజేయంగా నిలిచింది. కెప్టెన్ అలీసా హీలీ 36, శ్వేతా సెహ్రావత్ 19 పరుగులు చేశారు. ఢిల్లీ క్యాపిటల్స్ బౌలర్లలో అలైస్ కాప్సే 3 వికెట్లు పడగొట్టింది. రాధా యాదవ్ 2 వికెట్లు, జొనాసెన్ 1 వికెట్ తీశారు.
139 పరుగుల టార్గెట్ తో బరిలోకి దిగిన ఢిల్లీ క్యాపిటల్స్.. 17.5 ఓవర్లలోనే టార్గెట్ ను ఫినిష్ చేసింది. 5 వికెట్ల నష్టానికి 142 పరుగులు చేసింది విక్టరీ కొట్టింది. ఢిల్లీ కెప్టెన్ మెగ్ లానింగ్ 39, అలైస్ కాప్సే 34, మరిజేన్ కాప్ 34 (నాటౌట్), షెఫాలీ వర్మ 21 పరుగులతో జట్టు విజయంలో కీ రోల్ ప్లే చేశారు.
ఈ టోర్నీలో మొత్తం ఐదు జట్లు పోటీపడుతున్నాయి. ఢిల్లీ క్యాపిటల్స్ 8 మ్యాచుల్లో 6 విజయాలు, 2 ఓటములతో మొత్తం 12 పాయింట్లు సాధించి టేబుల్ లో నెంబర్ వన్ గా ఉంది. రెండో స్థానంలో ముంబై ఇండియన్స్ ఉంది. ఆ జట్టు 8 మ్యాచుల్లో 6 విజయాలు సాధించినా, రన్ రేట్ తేడాతో ఢిల్లీ క్యాపిటల్స్ టాప్ పొజిషన్ లో నిలిచింది.
ఇక, మార్చి 24న జరిగే ఎలిమినేటర్ మ్యాచ్ లో ముంబై, యూపీ వారియర్స్ జట్లు తలపడనున్నాయి. ఈ మ్యాచ్ లో గెలిచిన జట్టు ఫైనల్లో ఢిల్లీ క్యాపిటల్స్ తో తలపడనుంది. డబ్ల్యూపీఎల్ ఫైనల్ మ్యాచ్ మార్చి 26న ముంబై బ్రాబౌర్న్ స్టేడియంలో జరగనుంది.
Also Read..Asia Cup-2023: ఇది యుద్ధాలు చేసుకునే తరం కాదు.. పాక్ కు టీమిండియా రావాలి: షాహిద్ అఫ్రిదీ
