ఇంట్లోకి ప్రవేశించి బీభత్సం సృష్టించిన ఎలుగుబంటి

కుమ్రంభీం అసిఫాబాద్‌ జిల్లా కౌటాల మండలం వైగాం గ్రామంలో ఎలుగుబంటి హల్‌చల్‌ చేసింది. ఓ ఇంట్లోకి వెళ్లిన ఎలుగుబంటి గంటసేపు బీభత్సం సృష్టించింది. గ్రామస్తులంతా కలిసి ఎలుగుబంటిని తరిమికొట్టడంతో పంటపొలాల్లోకి పారిపోయింది. గ్రామస్తులు అటవీ శాఖ అధికారులకు సమాచారం ఇవ్వడంతో ఎలుగుబంటిని అటవీ ప్రాంతానికి తరలించారు. ఎలుగుబంటి వెళ్లిపోవడంతో గ్రామస్తులు ఊపిరి పీల్చుకున్నారు.